جوعارى بولسىن جۇلدىزى

قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى كۇنىن وبلىس سايلاۋشىلارى كوتەرىڭكى كوڭىلمەن 3 ءساۋىردىڭ اق تاڭىمەن تالاسا تۇرىپ, ءوز تاڭداۋلارىن جاسادى. ولاردى «بىزدەردى ءبىر وتان, ءبىر تاعدىر, ءبىر كوشباسشى بىرىكتىرەدى» دەگەن ۇرانعا اينالعان قاناتتى ءسوز جىگەرلەندىرە ءتۇستى. قاسيەتتى تۇبەك حالقى – تۋمىسىنان شارۋاقور مال­شى­لار, مۇنايشىلار ەرتە تۇرعاننىڭ ىرىسى ارتىق دەپ بەك سەنەدى. وسىنداي يگى داعدىعا ساي سايلاۋشىلار ەرتەلەتىپ داۋىستارىن حالقىمىزدىڭ قالاۋلى پەرزەنتى ءۇشىن بەرۋگە ۇمتىلدى. قاي سايلاۋ ۋچاسكەلەرىندە بولماسىن كەلۋشىلەر, داۋىس بەرۋشىلەر تولاس تاپپادى. ۋچاسكەلىك وكرۋگتىك كو­ميسسيالارىنىڭ قۇرامى ولاردى جىلى جۇزبەن قابىلداپ, وزدەرىنىڭ ازاماتتىق پارىزىن وتەۋلەرى ءۇشىن بارلىق جاعداي تۋعىزا ءبىلدى. وسىنداي ۇيىمشىلدىقتىڭ ناتيجەسىندە ءتۇس مەزگىلىنەن اسا تىزىمدەگى سايلاۋشىلاردىڭ كوپشىلىگى داۋىس بەرىپ ۇلگەردى. جۇمىس ۆاحتاسىنداعىلار, دەنساۋلىعى سەبەپتى سايلاۋ ۋچاسكەلەرىنە كەلۋگە مۇمكىندىگى جوقتار جانە باسقالاردىڭ داۋىس بەرۋىنە جەتكىلىكتى جاعداي تۋعى­زىلدى. وبلىس ورتالىعىنان شالعاي ورنالاسقان ءاربىر اۋىل, سەلو, دالا قوستارىنداعى سايلاۋشىلار ءوز تاڭداۋ­لارىن جاساۋعا جاعداي جاسالعانى ءۇشىن ريزاشىلىق­تارىن ءبىلدىرىپ جاتتى. باسى بايلى بولسا, اياعى سايلى بولماق. ماڭعىستاۋ وبلى­سىندا قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى باسىبايلى جاعدايدا باستالدى. سوڭى دا ءساتتى اياقتالدى. بۇل ايتىلعاندى تومەندەگى دەرەك كوزدەرى جەتكىزە الادى. وبلىستا داۋىس بەرۋگە ءتيىس سايلاۋشى­لاردىڭ 94,2 پايىزى سايلاۋعا قاتىسىپ, داۋىستارىن بەردى. بۇنىڭ ءوزى, ءسوز جوق, جاقسى كورسەتكىش. بۇل حالىق بىرلىگىنىڭ, ەلباسىمىز نۇرسۇلتان نازارباەۆتىڭ ىشكى جانە سىرتقى ساياساتتاعى دانا باسشىلىعىنىڭ زاڭدى جەڭىسى. بۇنىڭ ءوزى ماڭعىستاۋلىقتاردىڭ «ءبىز ەلباسىمەن بىرگەمىز» دەگەن انتىنا ادالدىعىنىڭ جەڭىسى. ءسوزدىڭ تولىق مانىندە – ماڭعىستاۋلىقتار سايلاۋدا الەم تانىعان تۇلعاعا دەگەن العىس سەزىمدەرىن اق نيەتتەرىمەن پاش ەتە ءبىلدى. قازىنالى تۇبەك حالقىنىڭ وسىلايشا ۇلاعاتتى قادام جاسايتىن ءجونى بار. كەشەگى كەڭەس وكىمەتى تۇسىندا رەسپۋبليكا باسشىلىعىنا كولبين كەلۋىمەن دۇرىلدەپ تۇرعان ماڭعىستاۋ وبلىسى جابىلدى. حالىق توز-توز بولىپ, ءون­دى­رىس شارۋاشىلىعى شاتقاياقتاپ قالدى. تەك, ەلىمىز ەگەمەن­دىكتىڭ كوك بايراعىن جەلبىرەتىسىمەن تۇڭعىش پرەزيدەنتىمىز نۇرسۇلتان نازارباەۆ 1991 جىلى ءوزىنىڭ جار­لىعىمەن ماڭ­عىس­تاۋ وبلىسىن قايتادان اشتى. بۇرىنعى قيعاش­تىقتى قال­پىنا كەلتىردى. ماڭعىس­تاۋلىقتار بولسا, ءوز كەزەگىندە ەل­باسى سەنىمىن اقتاي ءبىلدى. بۇل كۇندەرى ماڭعىستاۋ وبلىسى رەسپۋبليكامىزدا ەكونوميكالىق-الەۋمەتتىك دامۋى ءجونى­نەن الدىڭعى قاتارلى وبلىستىڭ ءبىرى بولىپ وتىر. ماڭعىستاۋ حالقى نۇرسۇلتان نازارباەۆقا شىنايى قولداۋ كورسەتۋ جونىندە الدا ەكەنىنە ءىس جۇزىندە ناقتى كوز جەتكىزىپ, ەلباسىنىڭ مارتەبەسىن بيىكتەتە ءتۇستى. قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنىڭ ءمان-ماعىناسى, ءتالىمى مەن تاربيەسىنىڭ ماڭىزى ەرەكشە. بۇل جاي الداعى ۋاقىتتا تالاي-تالاي ساياساتشى­لاردىڭ, تاريحشىلاردىڭ, عالىمدار مەن ساياساتكەرلەردىڭ ەڭبەكتەرىنە ارقاۋ بولادى دەپ ويلايمىن. شىندىعىندا بۇل سايلاۋ ەلىمىزدەگى دەموكراتيانىڭ, بىرلىگىمىز بەن تاتۋلىعىمىزدىڭ ايقىن كورىنىسى. ونى ەلباسى ءوزىنىڭ كەمەلدىگىمەن كەلتىردى. ياعني, ول بۇكىلحالىقتىق رەفەرەندۋم وتكىزۋگە قارسى بولىپ, كەزەكتەن تىس سايلاۋ وتكىزۋگە توقتاپ, ءوزىن ەلى قولداپ, قۇرمەتتەيتىنىن الەمگە تاعى دا پاش ەتتى. بۇل ورتاق ابىرويىمىز. ورتاق قۋانى­شىمىز. بۇل دانالىق پەن دارالىقتىڭ كەرەمەت كورىنىسى. ەندىگى ماقسات – بارشا قازاقستاندىقتاردى قاناتتان­دىرعان «قازاقستان-2020» باع­دار­لاماسىن كوپ بولىپ قولداپ, ونىڭ جۇزەگە اسۋىنا ءبىر ادامداي اتسالىسۋىمىز قاجەت. ماڭعىستاۋلىقتار بۇل رەتتە ەرەكشە ۇلەس قوسا­تىندىقتارىن سايلاۋ كەزىندە ازاماتتىق داۋىس­تارى ار­قىلى ايقىنداپ ءوتتى. داۋىس بەرۋدە الدىڭعى ورىن­داردان كورىندى. كورەگەن حالقىمىز تۇڭعىش پرەزيدەنتىمىز نۇرسۇلتان ءابىش ۇلى نازارباەۆ الەمدىك دامۋ جولىمەن بۇدان ءارى دە العا باستاي بەرەتىندىگىنە كامىل سەنەدى. سوڭىنان ەرەدى. ال ماڭعىستاۋلىقتار ارقاشاندا ەلباسىنىڭ, ەلىمىزدىڭ سەنىمدى تىرەگى بولا بەرەدى. تاۋەلسىز قازاق ەلىنىڭ دە, ەلى سۇيگەن ەرىنىڭ دە جۇلدىزى جوعارى بولعاي. ومىرزاق وزعانباەۆ, ماڭعىستاۋ وبلىسى اكىمى جانىنداعى  ارداگەرلەر كەڭەسىنىڭ توراعاسى, تاريح عىلىمدارىنىڭ دوكتورى. اقتاۋ.