تاۋەلسىز كوميسسيا تاعىلىمى

كەشە استانادا «رامادا پلازا» قوناق ۇيىندە قازاقستان رەس­پۋبليكاسىنداعى كەزەكتەن تىس پرەزيدەنت سايلاۋىن باقىلاۋ ءجو­نىندەگى قوعامدىق كوميسسيا بىرلەستىگى مۇشەلەرى جۋرناليستەرمەن ءوز ءمالىم­دە­مەلەرىن بايان ەتۋ ماقساتىندا ءباسپاسوز ءماسليحاتىن وتكىزدى. ونى اتال­عان بىرلەستىكتىڭ تەڭ توراعاسى نۇرلان ەرىمبەتوۆ جۇرگىزىپ وتىردى. ەلىمىزدىڭ تانىمال قوعام قايرات­كەرلەرىنىڭ باستاماسىمەن قۇرىلعان بۇل قوعامدىق كوميسسيا ءوزىنىڭ باستى ماقساتىن كەزەكتەن تىس پرەزيدەنت سايلاۋىنا وبەكتيۆتى باعا بەرۋ مەن ونىڭ ءادىل, اشىق, ەركىن تۇردە وتۋىنە ىقپال ەتۋ دەپ ءتۇسىندىردى. «ءبىزدىڭ بۇل جاۋاپتى مىندەتىمىز ءوز دەڭگەيىندە اتقارىلدى دەپ مالىمدەيمىز. اۋەلدەن كوميسسيا قىزمەتىنىڭ باستى ءپرينتسيپى رەتىندە بەكىتىلگەن زاڭ اياسىندا كوميسسيا مۇشەلەرىنىڭ قانداي دا ءبىر پار­تياعا قاتىسسىزدىعى جانە بيلىكپەن قارىم-قاتىناسىنىڭ بولماۋى ناق­تىلاندى. مۇنىڭ ءبارى وتكەن سايلاۋ ناۋقانىن شىنايى باعالاۋعا ءمۇم­كىن­دىك بەردى», دەيدى ن.ەرىمبەتوۆ. كوميسسيا مۇشەلەرىنىڭ مالىمدەمەسىنە سۇيەنسەك, جالپى العاندا, بۇل سايلاۋ قازاقستان زاڭناماسىنىڭ تالاپتا­رى­نا جانە مويىندالعان دەموكراتيالىق ستاندارتتارعا سايكەس وتكەن. مەملەكەتتىك وكىلەتتى ورگاندار بارلىق كانديداتتار ءۇشىن تەڭ جاعداي مەن قول­دا­نىستاعى زاڭنامانى ساقتاۋدى, سونى­مەن قاتار ولارعا بۇقارالىق اقپارات قۇرالدارىنا تەڭدەي قولجەتىمدىلىكتى قامتاماسىز ەتۋدى, سايلاۋدى ادىلەتتى جانە اشىق وتكىزۋدى قامتاماسىز ەتكەن. بەلگىلى بولعان باستى نارسە قوعامنىڭ ۇيىسۋى مەن ۇلتتىق بىرلىكتىڭ جاڭا دەڭگەيگە كوتەرىلىپ, ازاماتتاردىڭ ەلەك­تورالدى جانە قۇقىقتىق مادەنيەتىنىڭ وسكەندىگى. بۇعان اتالمىش كوميسسيا­نىڭ الدىن-الا انىقتاعان دەرەگىنە سايكەس, جالپى سايلاۋشىلاردىڭ 91,3 پايىزدى قۇراۋى انىق دالەل. قوعامدىق كوميسسيانىڭ قىزمەتى – اشىقتىق ۇستانىمىن قامتاماسىز ەت­ىپ, ورتالىق سايلاۋ كوميسسياسىمەن, ازاماتتىق ينستيتۋت جانە حالىق­ارا­لىق ۇيىمدارمەن سايلاۋ پروتسەسىندەگى بۇزۋشىلىقتاردىڭ الدىن الۋ جانە ساقتاندىرۋ بويىنشا بىرلەسە جۇمىس ىستەۋگە باعىتتالعان. بۇل كوميسسيا سونىمەن بىرگە, سايلاۋ پروتسەستەرىنىڭ حالىقارالىق ستاندارتتارعا سايكەس وتۋىنە ىقپال ەتۋگە دە بارىن سالعانى مالىمدەمەدە كورسەتىلگەن. كوميسسيا جۇمىسىنىڭ كەڭ اۋقىمدا وتۋىنە ەلىمىزدە قالىپتاسىپ كەلە جاتقان جاس­تاردىڭ ەرىكتى قوزعالىستارى دا ىقپال ەتكەن. – قوعامدىق باقىلاۋدى ىسكە اسىرۋ ماقساتىندا بىرلەستىك 5890 ەرىكتى بايقاۋشىلاردى دايارلىقتان وتكىزدى. ولاردىڭ باسىم بولىگى ستۋدەنت جاستار. سوندىقتان ءبىز سايلاۋ ۋچاس­كە­لە­رىنىڭ 60 پايىزىن باقىلاۋمەن قامتى­دىق. بۇل ناۋقان قازاقستان قوعامىن دەموكراتيالاندىرۋدا ماڭىزدى ور­ىنعا يە بولىپ, شەشىم قابىلداۋدا دا ەركىندىكتى قامتاماسىز ەتتى. ول ءوز كەزەگىندە قوعامدىق-ساياسي ينستيتۋتتارعا سەنىم ورناعانىن كورسەتەدى. ءبىز بار­لىق ەرىكتىلەر مەن دەمەۋشىلەرگە ازا­مات­تىق قوعام ينستيتۋتتارىنا, اسىرە­سە, شەتەلدىك بايقاۋشىلارعا ءوزىمىز­دى بەلسەندى قولداعانى ءۇشىن شەكسىز ال­عىسىمىزدى بىلدىرەمىز, دەيدى جيىن­عا قاتىسقان كوميسسيا مۇشەلەرى. ءابدىراحمان قىدىربەك.