قازاقستان – كەرەمەت ناتيجەلەر كۇتىپ تۇرعان ەل

جاقىندا كانادالىق پروفەسسور, تاريح عى­لىم­دارىنىڭ دوك­تورى فرانك البونىڭ اس­تا­نانىڭ 20 جىلدىق مەرەيتويىنا جانە ەكسپو-2017 حا­لىق­ارالىق مامان­داندىرىلعان كورمە­سىنە ارنالعان «استانا: اڭىزدار, ارحيتەكتۋرا جانە تاعدىرلار» اتتى كىتابى جارىققا شىقپاق. وسى كىتاپتى جازۋ بارىسىندا عالىم ءبىزدىڭ ەلدە بىرنەشە مارتە قوناق بولدى, ونىڭ تاريحى جانە تاۋەلسىز قازاقستاندا جۇزەگە اسىرىلعان الەۋ­مەتتىك-ەكونوميكالىق رەفور­ما­لار تۋرالى ءبىلدى. پرەزي­­دەنت نۇرسۇلتان نازارباەۆ قازاقستان حالقىنا ۇندەۋ جاريا­لاپ, بيلىك تارماقتارى اراسىندا (پرەزيدەنت, پارلامەنت جانە ۇكى­مەت) وكىلەتتىكتەردى قايتا ءبولۋ جوسپارى تۋرالى حابارلادى. وندا كونستيتۋتسيا مەن كەيبىر زاڭدارعا وزگەرىستەر ەنگىزۋ قاراستىرىل­عان. ءبىز ۇندەۋگە وراي پىكىرىن ءبىل­مەك ويمەن عالىمعا ءبىر-ەكى سۇراق قويعان ەدىك.    – ءسىز بۇل باستامانى قالاي باعالايسىز؟ – تاريحقا كوز جۇگىرتسەك, دەموكرا­تياعا قول جەتكىزۋ جولىندا ءار ەل ءار ءتۇرلى كەزەڭدەردەن وتكەنىن كورۋگە بولا­دى. ەۋروپاعا, ءتىپتى, كاناداعا ناعىز دەموكراتيالىق قوعام قۇرۋ ءۇشىن ايتار­لىقتاي ۇزاق جىلدار, كەي جاعدايدا عاسىرلار كەرەك بولدى. ال بار-جوعى 25 جىل ىشىندە پرەزيدەنت ن.نازارباەۆتىڭ كورەگەن باستامالارىنىڭ ارقاسىندا قازاقستاندا دەموكراتيانى دامىتۋ باعىتىندا ۇلكەن قادامدار جاسالعانى تاڭعالارلىق قۇبىلىس. كونستيتۋتسيالىق رەفورمالار جاساۋ تۋرالى تاياۋدا كوتەرىلگەن باستا­ما پرە­زيدەنتتىڭ الىستى بولجا­عان كورەگەندىگى مەن كەرەمەت باستاما­شىل­دىعىن عانا ەمەس, ونىڭ كوپ جىل بۇرىن مۇنداي ماڭىزدى مەملەكەتتىك شەشىمدەردىڭ اشىقتىقتى تالاپ ەتەتىنى تۋرالى ۋادەسىن ورىنداعانىن كورسەتەدى. – بۇل ۇدەرىس قازاقستان قوعامىنا قالاي ىقپال ەتەدى دەپ ويلايسىز؟ – بيلىك وكىلەتتىكتەرىن باسقا بيلىك تارماقتارىنىڭ, حالىق وكىلدەرىنىڭ اراسىندا قايتا ءبولۋ ارقاشان وڭ ىقپال ەتەدى. مەن بۇل وزگەرىستەردى تاعاتسىزدانا توسا­مىن, سەبەبى, قازاقستاننىڭ دامۋىن ۇزاق جىلدان بەرى باقىلاپ كەلەمىن. دەر ۋا­قىتىندا قابىلدانعان وسى شەشىم كەرەمەت ناتيجەلەرگە جول اشادى دەپ بىلەمىن. اڭگىمەلەسكەن ارنۇر اسقار, «ەگەمەن قازاقستان»