ءبىلىم جانە عىلىم مينيسترلىگى وقىتۋ ساپاسىن جاقسارتۋ جونىندە ۇسىنىس ازىرلەيدى

بۇگىن ۇكىمەت وتىرىسىندا پرەمەر-ءمينيسترى باقىتجان ساعىنتاەۆ ەلباسى نۇرسۇلتان نازارباەۆتىڭ حالىققا ارناعان جولداۋىنىڭ ءتورتىنشى ۇلكەن باعىتىن ىسكە اسىرۋ ءۇشىن ءبىلىم مينيسترىنە بىرقاتار تاپسىرما بەردى. «ادام كاپيتالىن دامىتۋ ءۇشىن ەڭ الدىمەن, پرەزيدەنت ءبىلىم بەرۋ جۇيەسىن وزگەرتۋدى تالاپ ەتىپ وتىر. سوندىقتان, ءبىلىم جانە عىلىم مينيسترلىگىنە وقىتۋ ساپاسىن جاقسارتۋ جونىندە ۇسىنىس ازىرلەۋدى تاپسىرامىن. اسىرەسە, اۋىلدا»,- دەدى ساعىنتاەۆ. ۇكىمەت باسشىسى بۇل رەتتە ءبىلىم مينيسترلىگىنە تەگىن كاسىپتىك ءبىلىم بەرۋ جوباسىن پايدالانا وتىرىپ, ەكوميكانىڭ پەرسپەكتيۆتى سالالارىنا ارناپ كادر دايىنداۋدى تاپسىردى. «بىلىكتى ۇستازداردىڭ تاپشىلىعىنا بايلانىستى, پرەزيدەنت اعىلشىن ءتىلىن كەزەڭ كەزەڭمەن ەنگىزۋدى جۇكتەدى. پرەزيدەنتتىڭ تاپسىرماسى بويىنشا, تەگىن كاسىپتىك ءبىلىم بەرۋ جونىندەگى جوبا ىسكە قوسىلدى. بۇل جەردە جاڭا ەكونوميكانىڭ پەرسپەكتيۆتى سالالارىنا كادر دايىندۋ ماسەلەسىنە نازار سالۋ كەرەك», - دەدى ساعىنتاەۆ.