وقو-عا ساياحاتتاۋشىلار سانى 30 پايىزعا ارتقان

وقو-عا ساياحاتتاۋشىلار سانى 30 پايىزعا ارتقان. بۇل تۋرالى وقو كاسىپكەرلىك, يندۋستريالدى-يننوۆاتسيالىق دامۋ جانە تۋريزم باسقارماسى باسشىسىنىڭ ورىنباسارى المات سۇيۋباەۆ ايتتى, دەپ حابارلايدى وبلىستىق اكىمدىكتىڭ ءباسپاسوز قىزمەتى. باسشى ورىنباسارىنىڭ مالىمەتىنشە, وتكەن 2016 جىلى ايماقتاعى ورنالاستىرۋ ورىندارى - قوناق ۇيلەر مەن لاگەرلەردە, دەمالىس ورىندارىندا ايالداعان تۋريستەردىڭ سانى 142 مىڭ ادامعا جۋىقتاپ, 2015 جىلمەن سالىستىرعاندا 33 مىڭ ادامعا (30,4 پايىزعا كوبەيگەن) ءوستى. سايكەسىنشە, ساياحاتشىلاردىڭ تۇراقتاۋ ورىندارى دا كوبەيگەن. ماسەلەن, بىلتىر وڭتۇستىكتەگى ورنالاستىرۋ ورىندارىنىڭ سانى 167-ءى بولىپ, 2015 جىلمەن سالىستىرعاندا 27,4 پايىزعا ارتىپ وتىر. سونداي-اق, بىلتىر اتالعان قىزمەت كورسەتۋ ورىندارىمەن كورسەتىلگەن قىزمەت كولەمىنىڭ قارجىسى 2 ملرد تەڭگەگە (1 991 303,6 مىڭ تەڭگە) جۋىقتاپ, 2015 جىلمەن سالىستىرعاندا (1 408 972,4 مىڭ تەڭگە) 41,3 پايىزعا كوبەيگەن. «2016 جىلى ءوڭىردىڭ تۋريستىك تانىمالدىعىن ارتتىرۋ ماقساتىندا «The Heart of the Silk Way» («جىبەك جولىنىڭ جۇرەگى») تۋريستىك برەندى ازىرلەندى. سونىمەن قاتار, «Ontustik Tourism Center» تۋريستىك اقپاراتتىق ورتالىعى» مەملەكەتتىك كوممۋنالدىق مەكەمەسىنىڭ  سالتاناتتى اشىلۋ ءراسىمى وتكىزىلدى. وندا «ءبىر تەرەزە» قاعيداسى بويىنشا جەرگىلىكتى تۇرعىندارعا جانە شەت ەلدىك تۋريستەرگە قىزمەت كورسەتىلۋدە. مىسالى, 2016 جىلى ورتالىق تۋريستىك بيزنەس وكىلدەرىنە جانە گيدتەرگە ارنالعان اعىلشىن ءتىلىن ءبىلۋ دەڭگەيىن جوعارىلاتۋ, تۋريزم بويىنشا مەنەدجمەنت ستاندارتتارى, مەيرامحانا بيزنەسى جانە ماركەتينگ, قوناق ءۇي بيزنەسى جانە باسقارۋ, گيد-ەكسكۋرسوۆودتاردىڭ قىزمەتى سىندى  تاقىرىپتاردا سەمينار-ترەنينگتەر وتكىزدى», – دەدى ا.سۇيۋباەۆ. وسى سىندى سالادا اتقارىلعان جۇمىستارعا ەسەپ بەرگەن المات ساعىنتاي ۇلى بيىلعى ءتۋريزمدى دامىتۋ اياسىندا اتقارىلاتىن شارۋالاردىڭ رەتىن اتادى. 2017 جىلعا ارنالعان جوسپارعا سايكەس, سالانى دامىتۋ 4 باعىتتا جۇرگىزىلەدى. اتاپ ايتقاندا, ولار - ءوڭىردىڭ تۋريستىك ءيميدجىن ماركەتينگتىك ىلگەرىلەتۋ, تۋريزم سالاسىندا قىزمەت كورسەتۋ ساپاسىن ارتتىرۋ, ءتۋريزمدى دامىتۋدىڭ جۇيەلى ماسەلەلەرى جانە تۋريزم ينفراقۇرىلىمىن دامىتۋ. مىسالى, ءوڭىردىڭ تۋريستىك ءيميدجىن ماركەتينگتىك ىلگەرىلەتۋ بويىنشا جوسپارلانعان نەگىزگى ءىس-شارالار شەڭبەرىندە «وntustiktravel.kz» سايتىن جانە «ON Guide» موبيلدىك قوسىمشاسىن قوسىمشا قىتاي, اراب جانە تۇرىك تىلدەرىندەگى اقپاراتتارمەن تولىقتىرۋدى قامتاماسىز ەتۋ جوسپارلانىپ, وبلىس بويىنشا وقيعالى ءىس-شارالار كۇنتىزبەسىن ازىرلەپ, «وntustiktravel.kz» سايتىنا ورنالاستىرۋ سىندى شارالار كوزدەلگەن. مۇنان بولەك, 2017 جىلى ءتۋريزمنىڭ ينفراقۇرىلىمىن دامىتۋ جوسپارلانۋدا. ونىڭ ىشىنە بىرقاتار زاكىرلىك جوبالاردى جۇزەگە اسىرۋ بويىنشا شارالار ەنگىزىلگەن. اتاپ ايتقاندا, «سارىاعاش», «تۇركىستان», «شاردارا», «قاسقاسۋ» جانە تۋريستىك مارشرۋتتاردىڭ بويىندا كىشى ينفراقۇرىلىمدى دامىتۋ جوسپاردا بار. سونىمەن قاتار, تىلشىلەرمەن بولعان كەزدەسۋدە وبلىسىمىزدىڭ ەكسپو-2017 حالىقارالىق كورمەسىنە دايىندىعى دا ايتىلدى. وڭىرىمىزگە كەلەتىن قوناقتار ءۇشىن ازىرلەنگەن ءۇش جانە بەس كۇندىك تۋريستىك باعىتتار ىشىندە وتىرار, تۇركىستان, قازىعۇرت, تولەبي, تۇلكىباس جانە سايرام سىندى اۋدان, قالالار قامتىلعان.