قىزىلوردا وبلىسىنىڭ اكىمى جاڭا كاسىپكەرلىك نىسانداردى ارالادى

قىزىلوردا وبلىسىنىڭ اكىمى قىرىمبەك كوشەرباەۆ جاڭا كاسىپكەرلىك نىساندارىنىڭ جۇمىسىمەن تانىستى. ايماق باسشىسى نان ونىمدەرىن شىعاراتىن جانە مۇزداتىلعان جارتىلاي فابريكاتتار وندىرەتىن «فيرما «BestService LTD» جشس-نە باردى. جوبانىڭ جالپى قۇنى – 409 ملن. تەڭگە. تسەح جۇمىسىن وتكەن جىلدىڭ قاراشا ايىندا باستادى. ءوندىرىس ورنىنىڭ قۋاتتىلىعى – تاۋلىگىنە 0,5 توننا مۇزداتىلعان جارتىلاي فابريكاتتار مەن 1,5 توننا نان ونىمدەرى. كاسىپورىندا 66 ادام ەڭبەك ەتەدى. اعىمداعى جىلدىڭ 1 قاڭتارىنان باستاپ قىزىلوردا وبلىسى وڭىرلىك كاسىپكەرلەر پالاتاسىنىڭ جانىنان  كاسىپكەرلەرگە قىزمەت كورسەتۋ ورتالىعى جۇمىس ىستەيدى. كاسىپكەرلەرگە قىزمەت كورسەتۋ ورتالىعىنىڭ ديرەكتورى سەيىلحان تويبازاروۆتىڭ ايتۋىنشا, ورتالىقتا رۇقسات بەرۋ قۇجاتتارىن الۋ, كاسىپكەرلىكتى مەملەكەتتىك قولداۋ جانە بانك قىزمەتى, باعدارلامالىق جانە پرەزەنتاتسيالىق ماتەريالدار دايىنداۋ بويىنشا قىزمەت تۇرلەرى ۇسىنىلادى. وبلىس اكىمى ايماقتىڭ تۇراقتى تۇراقتى ەكونوميكالىق ءوسىمىن قامتاماسىز ەتۋدەگى شاعىن جانە ورتا بيزنەستىڭ ماڭىزدىلىعىن اتاپ ءوتتى جانە كاسىپكەرلەرگە قىزمەت كورسەتۋ ورتالىعىنىڭ قىزمەتكەرلەرىنە ساتتىلىك تىلەدى.