اقش مەملەكەتتىك دەپارتامەنتىنىڭ ءبىر توپ قىزمەتكەرلەرى پرەزيدەنت دونالد ترامپتىڭ كوشى-قون ساياساتىنا كەلىسپەيتىندىكتەرىن ءبىلدىرىپ اشىق حات جازۋدا, دەپ حابارلايدى BBC.
پەتيتسيادا ترامپتىڭ جاڭا ساياساتى ەلدى تەررورلىق ارەكەتتەردەن قورعاي المايتىنى, كەرىسىنشە, امەريكالىقتارعا بەلگىلى ءبىر توپ ادامداردى قارسى قوياتىنى ايتىلعان.
ديپلوماتتاردىڭ ايتۋىنشا, ترامپتىڭ قابىلداعان جەتى مۇسىلمان ەلدەرىنىڭ ازاماتتارىنا اقش-قا كىرۋگە ۋاقىتشا سالىنعان تىيىم از عانا قىلمىسكەردىڭ ەلگە كىرۋىنىڭ الدىن العانىمەن قاتار, مىڭداعان ازاماتتىڭ قۇقىعىن بۇزۋ. ترامپ بۇل قاۋلىنى 27 قاڭتاردا قابىلداعان. قۇجاتقا ساي, سيريالىقتاردىڭ اقش-قا كىرۋىنە ۋاقىتشا تىيىم سالىنعان. ال وزگە التى مۇسىلمان ەلدەرىنىڭ ازاماتتارى 90 كۇنگە دەيىن قۇراما شتاتتارعا كىرە الماق ەمەس.
