ەڭ كوپ داۋىس جيناعان كىم؟

كەشە وتكەن كەزەكتەن تىس پرەزيدەنتتىك سايلاۋ كەزىندە ءاربىر سايلاۋ ۋچاسكەسىنىڭ شىعا بەرىسىندە داۋىس بەرىپ شىققان ادامدارمەن الدىن-الا ساۋالداما جۇرگىزىلگەن بولاتىن. وندا ءاربىر ادامعا پرەزيدەنتتىككە كانديداتتاردىڭ قايسىسىنا ءوز داۋى­سىڭىزدى بەردىڭىز دەگەن سۇراق قويىلدى. وسى ساۋال­دامانى جۇرگىزگەن «دەموكراتيا ينستيتۋتى» عىلىمي-زەرتتەۋ اسسو­تسياتسياسىنىڭ جوبالار جونىندەگى ديرەكتورى يۋليا كۋچينسكايا exit-poll ناتيجەسىن حابارلادى. مۇنداي كەڭ اۋقىمدى زەرتتەۋ جۇرگىزۋ اتالعان ينستي­تۋتتىڭ باستاماسى بولىپ تابىلادى جانە ول ينستيتۋتتىڭ ءوز قاراجاتى ەسەبىنەن ۆولونتەرلەردى تارتا وتىرىپ جۇزەگە اسى­رىلدى. زەرتتەۋ بارىسىندا قازاقستاننىڭ 14 وبلىسىنان,  سون­داي-اق استانا جانە الماتى قالالارىنان 50 مىڭ ساي­لاۋ­شىعا جوعارىداعىداي ءبىر عانا ساۋال قويىلدى. جالپى, ساۋالداما 333 سايلاۋ ۋچاسكەسىندە جۇرگىزىلدى, ونىڭ ىشىندە 193-ءى قالادا, 140-ى اۋىلدا ءوتتى. مۇندا قاتەلىك كوەف­فيتسەنتى, ينستيتۋت اتاپ وتكەندەي, ± 0,44 پايىزدى قۇراعان. ساۋالداما قورىتىندىسى بويىنشا داۋىس بەرۋگە كەلگەن سايلاۋشىلار 90,5 پايىزدى قۇراعان. قورىتىندىلاي كەلگەندە ساۋالداماعا قاتىسقانداردىڭ باسىم بولىگى, ياعني 95,1 پايىزى ءوز داۋىستارىن مەملەكەت باسشىسى نۇرسۇلتان ءابىش ۇلى نا­زار­باەۆقا بەرگەن. ەكىنشى ورىنداعى عاني ەسەنگەلدى ۇلى قا­سى­موۆ 2,1 پايىز داۋىس جيناعان. Exit-poll مالىمەتتەرى بويىنشا ساي­لاۋشىلاردىڭ 1,5 پايىزى مەلس حامزا ۇلى ەلەۋسىزوۆكە ءوز داۋ­ىستارىن بەرگەن. ال ساۋالداماعا قاتىسقان­داردىڭ 1,3 پايىزى جامبىل اۋجان ۇلى احمەتبەكوۆكە داۋىس بەردىك دەپ مالىمدەگەن.