قازاقستاندىقتار تاڭداۋىنان تايمادى

بۇگىن تاڭەرتەڭگى ساعات 10.00-دە ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ 3 ساۋىردە وتكەن قازاقستان رەسپۋب­لي­كاسى پرەزيدەنتىنىڭ كەزەكتەن تىس سايلاۋىنىڭ الدىن-الا قورى­تىن­دىلارىن جاريالادى. الدىن الا انىقتالعان وسى قورىتىندىلار­دىڭ ناتيجەسى كورسەتىپ وتىرعان­داي, قازاقستاندىقتاردىڭ تاڭداۋى انىق تا ايقىن. بارلىق وبلىستار­داعى, استانا جانە الماتى قالا­لا­رىنداعى بۇكىل سايلاۋ كوميس­سيا­لارىنان الىنعان جەدەل ءمالى­مەتتەر نەگىزىندە ورتالىق سايلاۋ كوميسسياسى حابارلاعان مالىمەت­تەر تومەندەگىدەي. پرەزيدەنتتىككە كانديداتتار ج.ا.احمەتبەكوۆكە ساي­­­لاۋشى­لار­دىڭ 1,4 پايىزى, م.ح.ەلەۋ­­­سىزوۆكە سايلاۋ­شى­لار­دىڭ 1,2 پايى­زى, ع.ە.قا­سىموۆقا سايلاۋ­شى­لار­دىڭ 1,9 پايىزى, ن.ءا.نا­­­­­زارباەۆقا سايلاۋشى­لاردىڭ 95,5 پايىزى داۋىس بەرگەن. ورتالىق سايلاۋ كوميسسياسى­نىڭ توراعاسى ق.تۇرعانقۇلوۆ بۇل ءالى سايلاۋدىڭ تۇپكىلىكتى قورى­تىندىسى ەمەس ەكەنىن باسا ايتتى. حاتتامالار تولىق جيناقتالىپ, العاشقى ناقتى قورىتىندى شىعارۋ ءۇشىن سايلاۋ زاڭناماسى بويىنشا 2 كۇن ۋاقىت بەرىلەدى. ال 3 ءساۋىر كۇنى وتكەن كەزەكتەن تىس پرەزيدەنت سايلاۋىنىڭ تۇپكىلىكتى قورىتىندىلارىن  ور­تا­لىق سايلاۋ كوميسسياسى اۋماق­تىق سايلاۋ كوميسسيالارى حاتتا­مالارى­نىڭ نەگىزىندە سايلاۋ وتكەن كۇننەن 7 كۇن وتكەن سوڭ, ياعني 2011 جىلعى 9 ساۋىردەن كەشىكتىرمەي حابارلاي­تىن بولادى. العاشقى قورىتىندىلاردىڭ ءوزى ايقىنداپ وتىرعانداي, قازاق­ستان حالقىنىڭ قالاۋى پاش ەتىلدى. ارينە, تۇپكىلىكتى قورىتىندىلار بويىنشا پايىزدىق كورسەتكىش­تەردە شامالى اۋىتقۋلار بولا­تىن­دىعى داۋسىز. بىراق, تاريح الدىندا ءوز قالاۋىن ايقىنداعان وسىناۋ حالىق تاڭداۋىنىڭ ەندى وزگەرمەي­تىنى انىق. تاڭداۋىنان تايماعان حالقىمىزدى وسىناۋ اي­تۋلى وقيعا­مەن قۇتتىقتاي وتى­رىپ, بولاشاعى­مىز­دىڭ باياندى دا بەرەكەلى بو­لاتىندىعىنا زور سەنىم ارتامىز. P.S. بەت قاتتالىپ جاتقاندا, ياعني بۇگىن تۇسكى 12-دە استاناداعى «قازاقستان» سپورت سارايىندا نۇرسۇلتان نازارباەۆتىڭ كەزەكتەن تىس پرەزيدەنتتىك سايلاۋدا جارقىن جەڭىسكە جەتۋىنە ارنالعان جەڭىمپازدار فورۋمى باستالدى. فورۋم جايىنداعى ماتەريالدى گازەتتىڭ ەرتەڭگى نومىرىنەن وقي الاسىزدار. جىلقىباي جاعىپار ۇلى.