تىعىز ىنتىماقتاستىققا جاڭا سەرپىن

كەشە قازاقستان رەسپۋبليكاسى پارلامەنتى ءماجىلىسىنىڭ توراعاسى ورال مۇحامەدجانوۆ ەۋرازەق پارلامەنتارالىق اسسامبلەياسىنىڭ بايقاۋشىلار ميسسياسى وكىلدەرىن قابىلدادى, دەپ حابارلادى وسى پالاتانىڭ ءباسپاسوز قىزمەتى. كەزەكتەن تىس پرەزيدەنتتىك ساي­لاۋعا ەۋرازەق پاا تارا­پىنان بايقاۋشى بولىپ كەلگەن دەلەگاتسيا قۇرامىنداعى رەسەي فەدەراتسياسى فەدەرالدى جينا­لى­سى فەدەراتسيا كەڭەسىنىڭ تا­بي­عات رەسۋرستارى مەن قورشاعان ورتانى قورعاۋ كوميتەتىنىڭ ءمۇ­شە­سى اناتولي ۆاسكوۆ پەن ەۋرازەق پاا جاۋاپتى حات­شى­سى پەتر زۆەرەۆ كەزدەسۋدە ءوز پىكىرلەرىمەن ءبولىستى. اناتولي ۆاسكوۆ ءوز سوزىندە قازاقستاننىڭ باس قالاسىندا تۇڭ­عىش رەت بولىپ تۇرعانىن, ەرەكشە اسەر العانىن ايتا كەلىپ, الداعى سايلاۋعا دايىندىق بارىسى زاڭ­دى جولمەن ءجۇرىپ جاتقانىن باي­قاعانىن ءمالىم ەتتى. قازاقستان حالقىنىڭ بىرلىگى مەن كەلىسىمى ەلدەگى تىنىشتىقتىڭ كەپىلى ەكەنىن تىلگە تيەك ەتتى. ءماجىلىس توراعاسى مەيمان­دار­دى سايلاۋالدى ناۋقانىنىڭ جۇمىسى قالاي جۇرگىزىلىپ جات­قا­نى جايلى جان-جاقتى تانىس­تى­رىپ ءوتتى. سايلاۋ ناۋقانى قولاي­لى الەۋمەتتىك-ەكونوميكالىق جانە ساياسي جاعدايدا وتۋدە. قازاقستان رەسپۋبليكاسى الەمدىك قارجى داعدارىسىنان امان شىعىپ, 2010 جىلدى ءىجو-ءنىڭ 7 پايىز­دىق ءوسى­مى­مەن قورىتىندىلادى. قازاق­ستان – وسى جىلداردىڭ ىشىندە زەي­نەتاقى مەن بيۋدجەتتىك قىز­مەت­كەرلەردىڭ ەڭبەك­اقى­سىن ءۇش رەت ارتتىرۋدى جۇزەگە اسىرعان الەمدەگى ساناۋلى ەلدەردىڭ ءبىرى. 2010 جىلى-اق ەلىمىز 2020 جىلعا دەيىنگى ستراتەگيالىق جوس­­پاردىڭ جانە ۇدەمەلى ين­دۋس­تريالىق-يننوۆاتسيالىق باعدار­لا­مانىڭ العاشقى ناتيجەلەرىنە قول جەتكىزدى. 800 ملرد. تەڭگەنى قۇرايتىن 152 نىسان ىسكە قو­سىلدى, سونىڭ ارقاسىندا 23 مىڭ ادام جاڭا جۇمىسپەن قامتىلدى. جالپى, جاس مەملەكەتتىڭ 20 جىل ىشىندەگى دامۋى تۇراقتىلىقپەن جانە قارقىندى وركەندەۋمەن ەرەكشەلەنەدى. قازاقستان ەقىۇ-عا, شىۇ-عا توراعالىق ەتۋى ارقىلى حا­لىق­ارالىق بەدەلگە يە بولدى. ءۇس­تىمىزدەگى جىلى يسلام كون­فەرەن­تسياسى ۇيىمىنا جەتەكشىلىك جاسايدى. ءماجىلىس توراعاسى مەيمان­دار­عا داۋىس بەرۋشىلەردىڭ جو­عا­رى بەلسەندىلىگى تۋرالى ايتتى. بۇل ەلدى باسقارۋ ىسىنە حالىقتىڭ ناقتى قاتىسۋىن, حالىقتىڭ دە­موكراتيالىق قۇندىلىقتاردى با­عالاي بىلەتىندىگىن كورسەتەدى. سايلاۋ ورگاندارى قىزمەتىنىڭ تاۋەلسىز جانە اشىق ەكەندىگى انىق بايقالىپ وتىر. سونىڭ ءىشىن­دە ورتالىق سايلاۋ كوميس­سياسى (وسك) جاريالىلىقتى قامتاماسىز ەتۋدە. مەيماندارعا ورال مۇحامەد­جانوۆ ورتالىق سايلاۋ كوميس­سياسى قازاقستان پرەزيدەنتىن ساي­لاۋعا كەلگەن 1059 حالىق­ارا­لىق بايقاۋشىنى تىركەگەنىن حاباردار ەتتى. سونىڭ ىشىندە ەقىۇ-نىڭ دەموكراتيالىق ينستيتۋتتار جانە ادام قۇقىق­تارى جونىندەگى بيۋروسىنان – 357, تمد-دان – 426, شىۇ-دان – 13, سونداي-اق حالىق­ارالىق ۇيىم­داردان – 100, شەت ەلدەردەن 163 وكىل بار. حالىقتىڭ سايلاۋعا قاتىسۋعا ىنتا بىلدىرۋىنەن-اق ەلدەگى ازا­مات­تىق اشىق قوعامنىڭ دامىپ كەلە جاتقانىن انىق كورۋگە بو­لادى. پالاتا توراعاسى قازاقستان­نىڭ ءاربىر ازاماتى سايلاۋعا قا­تى­سۋ ارقىلى تۇراقتىلىق, ەلدىڭ وركەندەۋى جانە ىنتىماعى جاراس­قان كەلەشەك ءۇشىن داۋىس بەرەتىنىن جاقسى سەزىنەتىنىن ايتتى. تاراپتار كەدەندىك وداقتىڭ بو­لا­شاعى, ونىڭ زاڭدىق نەگىزىن قا­لىپ­تاستىرۋ ماسەلەلەرىن تال­قىعا سالدى. ەڭ باستىسى – كورشى ەلدەردىڭ ءبىر-بىرىنە دەگەن ىنتى­ماقتاستىق باي­لانىسى اشىق, حا­لىقتاردىڭ سەنىمى جوعارى. سون­دىقتان تاراپ­تار­دىڭ مۇددەسىن كوزدەگەن قاجەتتى زاڭ­داردى قا­بىل­داۋعا تولىق نەگىز بار. كەزدەسۋدىڭ ورتاق ءتۇيىنى – الداعى سايلاۋ قازاقستاننىڭ ستراتەگيالىق سەرىكتەس ەلدەرمەن تىعىز قارىم-قاتىناس جاساۋىنا جاڭا سەرپىلىس بەرەتىنى انىق.