جاڭا انىقتاما بەرەتىن ۋاقىت

كەشە اقوردادا مەملەكەت باسشىسى نۇرسۇلتان نازارباەۆ ەقىۇ پارلامەنتتىك اسسامبلەياسىنىڭ باس حاتشىسى روبەرت سپەنسەر وليۆەردى جانە ەقىۇ پارلامەنتتىك اسسام­بلەيا­سى دەلەگاتسياسىنىڭ باسشىسى – ەقىۇ-نىڭ قىسقا مەرزىمدى بايقاۋشىلارىنىڭ ارنايى ۇيلەستىرۋشىسى تونينو پي­تسۋلانى قابىلدادى, دەپ حابارلادى قازاقستان رەسپۋب­لي­كا­سى پرەزيدەنتىنىڭ ءباسپاسوز قىزمەتى. اڭگىمە بارىسىندا قازاق­ستان­دا وتەتىن الداعى پرەزيدەنتتىك سايلاۋدىڭ ماسەلەسى تالقى­لاندى. – ءسىزدى قازاقستاننىڭ ەقىۇ-عا توراعالىعىنىڭ مازمۇندى باعدارلاماسىنىڭ تولىق تابىس­تى وتۋىمەن قۇتتىقتاعىم كەلەدى. مەن بۇل ماسەلەنى ۆەنادا ءبىزدىڭ سوڭعى سەسسيامىزدا كوتەرگەن ەدىم. بۇل – وتە ماڭىزدى ءىس-شارا. سوندىقتان جەتپىسىنشى جىلدان بەرى, بۇرىنعى كسرو-نىڭ قۇ­رامىن­دا بولعان ءبىر عانا ەل, الەمدەگى ەڭ ءىرى ۇيىمدى تولىق­قان­دى باسقاردى. ەقىۇ – كولەمى بويىنشا بۇۇ-دان كەيىنگى ەكىنشى حالىقارالىق ۇيىم جانە قاۋىپ­سىزدىك ماسەلەلەرىمەن اينا­لى­ساتىن الەمدەگى ەڭ ۇلكەن ۇيىم. بۇرىندارى ءبىز ەقىۇ-نى «شىعىستان ۆەناعا دەيىن, ۆەنادان باتىسقا دەيىن» دەپ ءجيى ايتىپ كەلدىك. بۇگىندە ەقىۇ-عا «استانا سامميتىنە دەيىن جانە استانا سامميتىنەن كەيىن» دەپ, ۋاقىتتىڭ ولشەمى بويىنشا جاڭا انىقتاما بەرەتىن ۋاقىت كەلدى. بۇل قوزعالىسقا قازاقستان جانە ءسىز باسشىلىق جاسادىڭىزدار, – دەپ اتاپ ءوتتى كەزدەسۋدە ت.پيتسۋلا. – مەن كوپتەگەن سايلاۋدى بايقاۋعا قاتىستىم. سولاردىڭ العاشقىسى 1994 جىلى قازاق­ستاندا وتكەن سايلاۋ ەدى. سودان بەرى مەن سىزدەردىڭ رەسپۋبليكا­لارىڭىزدان ۇنەمى ورلەۋ كورە­مىن, – دەدى كەزدەسۋدە ر. وليۆەر. – ءبىز پارلامەنتتىك اسسام­بلەيا­نىڭ ءبىزدىڭ ەقىۇ-عا توراعا­لىق ەتۋىمىزدەگى جانە ەقىۇ ءسامميتىن استانادا وتكىزۋىمىزدى قولداۋداعى ءرولىن جوعارى باعالايمىز. ءبىز توراعالىق كەزىندە ۇلكەن ىستەر اتقاردىق, ءسامميتتى وتكىزۋ جانە دەكلاراتسيانى قا­بىلداۋ ءۇشىن دە كوپتەگەن جۇمىس­تار جاسالدى. ون ءبىر جىل بويى مەملەكەت باسشىلارى دەڭگەيىندە باس قوسپاي كەلگەن ەقىۇ-نىڭ قىزمەتىن جانداندىرۋعا جاڭاشا سەرپىن بەردىك دەپ سانايمىن, – دەپ اتاپ كورسەتتى مەملەكەت باسشىسى. – ءبىز الداعى كەزەكتەن تىس پرەزيدەنتتىك سايلاۋ حالىق­ارا­لىق ستاندارتتارعا سايكەس وتە­تى­نىنە سەنىمدىمىز, – دەدى كەزدەسۋدەن كەيىن جۋرناليستەرگە ارنال­عان بريفينگ بارىسىندا ەقىۇ پارلامەنتتىك اسسامبلەياسى دە­لە­گاتسياسىنىڭ باسشىسى ت.پيتسۋلا. بۇدان بۇرىن حابارلانعانىن­داي, بيىلعى جىلعى 3 ناۋرىزدا «نۇر وتان» حدپ ورتالىق اپپاراتىندا بولعانىندا, پرەزيدەنت بەلسەندى سايلاۋالدى ۇگىت-ناسيحات جۇمىستارىن ءجۇر­گىز­بەيتىنىن, ال مەملەكەتتىك ساياسات­تى ىسكە اسىرۋدا وزەكتى ماسەلە­لەرمەن اينالىساتىنىن اتاپ ءوت­كەن بولاتىن. نۇرسۇلتان نازارباەۆ سونداي-اق سايلاۋالدى كە­زەڭ­دە قولدانىستاعى زاڭنامانى قاتاڭ ساقتاۋ قاجەتتىگىن اتاپ ءوت­كەن. مەملەكەت باسشىسى بارلىق دەڭگەيدەگى اكىمدەردىڭ نازارىن سايلاۋ زاڭناماسىن ساقتاۋ قا­جەت­تىگىنە اۋدارعان. بارلىق مەملەكەتتىك بيلىك ورگاندارى سايلاۋ ناۋقانىنىڭ بارىسىنا ارالاسپاي, تەك ءوز ىستەرىمەن شۇعىل­دانۋلارى كەرەك. پرەزيدەنت باس پروكۋراتۋراعا زاڭنامانىڭ ساق­تا­لۋىن قاداعالاۋدى قامتاماسىز ەتۋدى, سايلاۋ تۋرالى زاڭناما­نىڭ بۇزىلعاندىعى جايلى شا­عىمدار مەن وزگە وتىنىشتەر تۋرا­لى دەرەكتەرگە جەدەل نازار سا­لىپ, قانداي دا ءبىر قۇقىق بۇزۋ­شى­لىق دەرەكتەرى ورىن العان جاعدايدا ونى تەز ارادا جويىپ, بۇل رەتتە پرينتسيپتىلىك تانى­تۋلارى قاجەتتىگى تۋرالى تاپ­سىر­ما بەرگەن. مەملەكەت باس­شى­سى سايلاۋعا باقىلاۋ جاساۋ جانە قوعامدىق باقىلاۋدى قامتا­ما­سىز ەتۋ قاجەتتىگىن اتاپ كورسەت­كەن.