ەڭبەك قۇقىعى قالاي قورعالۋدا؟

قازىرگى تاڭدا ەڭبەك ۇجىم­­دارىندا ەڭبەك زاڭ­ناماسىنىڭ تالاپ­­تارىن ساقتاۋ وزەكتى ماسەلە بو­لىپ وتىر. قوعام­داعى ەڭبەك قاتى­ناس­تارى تۋ­را­لى وي دا ءار ازا­مات­تى تولعاندىرار تا­قى­رىپ. الايدا, قوعامدا كوپ رەتتە ەڭبەك نارى­عى­­نا بايلانىستى كەيبىر ماسە­لەلەردىڭ تۋىن­داپ جا­تا­تىنى بار. كەيدە ەڭ­بەك قاۋىپسىزدىگى جانە ەڭبەك­ءتى قورعاۋ سالاسى­نىڭ تالاپ­تارىن ساقتا­ماۋ سال­دارىنان ءوندىرىس­تىك جازا­تايىم وقيعالار دا ورىن الىپ جاتادى. جامبىل وبلىسى اكىم­دىگى ەڭبەك ينسپەكتسياسى باس­قارماسىنىڭ باسشىسى سەر­عالي ايداپكەلوۆ وتكەن جىلى ازاماتتاردىڭ ەڭبەك قۇقىق­تارىن قورعاۋ ماقساتىندا ۇيىمدار مەن كاسىپورىنداردا جوسپار­لى جانە اعىمداعى تارتىپپەن ەڭبەك زاڭناماسى­نىڭ ساقتالۋى­نا مەملەكەت­تىك باقىلاۋ سالاسىندا بىرقا­تار جۇمىستار اتقارىلعانىن حابارلادى. سونداي-اق, باسقارما باس­شىسى ەڭبەك ينسپەكتسياسى­نا كەلىپ تۇسكەن شاعىمدار سانى­نىڭ كوبەيگەنىن, ازاماتتاردىڭ الەۋمەتتىك بەلسەندىلىگىنىڭ جانە قۇقىقتىق ساۋاتتىلىعىنىڭ ارتقانىن, سول سياقتى, جۇمىس بەرۋشىلەردىڭ تاراپىنان ەڭبەك زاڭناماسىن بۇزۋ فاكتىلەرى­نىڭ جيىلەگەنىن دە ايتىپ ءوتتى. وبلىستا وندىرىستىك جۇيەنى, ەڭ­بەك قۇقىعىن قامتاماسىز ەتۋ جانە جۇمىسكەرلەردى جۇمىسقا ورنالاستىرۋدى تۇراقتاندىرۋ ماقساتىندا اكىمدىك, جۇمىس بەرۋشى جانە كاسىپوداقتار اراسىندا 67751 جۇمىسشىنى قامتيتىن 2619 ەڭبەك ۇجىمىندا مەموراندۋمدار قابىل­دان­عانىمەن, كاسىپورىنداردا ەڭبەك زاڭناماسىن بۇزۋ فاكتى­لەرى ءالى دە ورىن الۋدا. ءوت­كەن جىل باسىنان بەرى پرو­كۋرا­تۋرا ورگاندارىمەن ءبىر­لەسە جۇرگىزگەن تەكسەرۋدىڭ ءناتي­­جەسىندە, 14 كاسىپورىندا 6145 جۇمىسكەرگە 686,811 ميل­­ليون تەڭگەنىڭ جالاقى قارىزى بارى انىقتالعان. جال­پى, قابىلدانعان شارالار ءناتي­جەسىندە جانە كاسىپورىن باس­شىلارىنا جالاقى بويىنشا بەرەشەكتى وتەۋدىڭ قاتاڭ كەستەسى مەن مەرزىمدەرىن بەلگىلەۋ ءناتي­جەسىندە, 6083 جۇمىسكەردىڭ قۇ­قىعى قورعالىپ, ولارعا 669,37 ميلليون تەڭگە جال­اقى قارىزى وتەلگەن. ال اعىم­داعى جىلدىڭ باسىنا 62 جۇمىسكەردىڭ الدىندا جالپى سوماسى 17,441 ميلليون تەڭگە كولەمىندە جالاقى قارى­زى ورىن الۋدا. سەرعالي ءومىر­زاق­ ۇلى مەملەكەتتىك ەڭبەك ينس­­پەكتسياسى قىزمەتىنىڭ ما­ڭىز­دى باعىتتارىنىڭ ءبىرى ازا­مات­تاردىڭ شاعىمدارىن قاراۋ ەكە­نىن, بۇل جۇمىس ايماقتاعى ەڭ­بەك زاڭناماسى ساقتالۋىنىڭ جال­پى جاي-كۇيىن جاقسارتۋعا ەلەۋ­لى ۇلەس قوساتىندىعىن جانە باقى­لاۋ جۇمىستارىن جوس­پار­لاۋ­عا كومەكتەسەتىنىن ايتىپ وتىر. بۇل ءوز كەزەگىندە ەڭبەك قۇقى­عىن ارتتىرۋعا سەپ بولارى انىق. حاميت ەسامان, «ەگەمەن قازاقستان» تاراز