يرانمەن بايلانىس ارتادى

تەھران قالاسىندا حالىقارالىق ناۋرىز مەرەكەسىنىڭ II جيىنى ءوتتى. جيىن 2010 جىلى 18 اقپان كۇنى  بۇۇ باس اسسامبلەياسىنىڭ 64-ءشى سەسسياسىندا قابىلدانعان «حالىقارالىق ناۋرىز كۇنىن اتاپ ءوتۋ تۋرالى» قاۋلىعا سايكەس ۇيىمداستىرىلدى, دەپ حابارلادى قازاقستان رەسپۋبليكاسى ءسىم-ءنىڭ ءباسپاسوز قىزمەتى. وسى حالىقارالىق جيىنعا 30 مەملەكەتتىڭ دەلەگاتسياسى, ونىڭ ىشىندە يران, تۇركىمەن­ستان, تاجىكستان, اۋعانستان, يراك, ارمەنيا پرەزيدەنتتەرى, تۇركيا پرەمەر-ءمينيسترىنىڭ ورىنباسارى, پاكستان ءماجىلى­سى­نىڭ توراعاسى قاتىستى. قازاق­ستان دەلەگاتسياسىن قازاقستان رەسپۋبليكاسى پارلامەنتى ءما­جى­لى­سى توراعاسىنىڭ ورىنبا­سارى جانىبەك كارىبجانوۆ باس­قارىپ كەلدى. جيىن سالتاناتتى تۇردە ءوتىپ, پرەزيدەنتتەر قۇتتىقتاۋ ءسوز سويلەدى. ناۋرىز مەرەكەسىن اتاپ وتەتىن مەملەكەتتەردىڭ ءما­دە­نيەت ۇجىمدارى ساحنادا ءوز ونەرلەرىن كورسەتتى. ناۋرىز ءجار­مەڭكەسى ۇيىمداستىرىلدى. جيىندا ءسوز سويلەگەن يران پرە­زيدەنتى م.احمادينەجاد: «ناۋ­­­رىز حالىقارالىق جيى­نى­نىڭ ۇرانى الەمدە بەيبىتشىلىك پەن ادىلەتتىلىككە قول جەتكىزۋ ءۇشىن ۇلتتاردىڭ بىرلىگىن نىعايتۋ. ناۋرىز ادام بالاسىنا جارقىن بولاشاق ءۇمىتىن سىيلاپ, ءتۇرلى سىناقتاردان سۇرىنبەي وتۋىنە كو­مەك­تەسەدى», –  دەدى. جيىن بارىسىندا قازاقستان دەلەگاتسياسىنىڭ باسشىسى يران يسلام رەسپۋبليكاسىنىڭ پرەزيدەنتى م.احمادينەجادپەن كەزدەستى. ج.كارىبجانوۆ يران باسشى­لى­عىنىڭ حالىقارالىق ناۋرىز مەرەكەسىن جوعارى دەڭگەيدە اتاپ ءوتۋ باعىتىنداعى قىزمەتىنە وڭ باعا بەردى. قازاقستان پرەزيدەنتى نۇر­سۇل­تان نازارباەۆتىڭ تاۋەلسىز­دىك­تىڭ العاشقى جىلدارىندا ارنايى قاۋلىمەن ناۋرىزدى مەملەكەتتىك مەرەكە دەپ جاريالاپ, كۇنتىزبەگە دەمالىس كۇنى رەتىندە ەنگىزگەنىنە, سونداي-اق,  ناۋرىز مەرەكەسىنە حا­لىق­ارالىق مارتەبە بەرۋ ءجونىن­دەگى 2010 جىلعى بۇۇ شەشىمىن قولداعانىنا توقتالدى. م.احمادينەجاد قازاقستان پرەزيدەنتى نۇرسۇلتان نازارباەۆ­تىڭ بۇۇ قاۋلىسىن قۋاتتاعانىنا جانە قازاقستاندىق دەلەگاتسيانىڭ حالىقارالىق ناۋرىز مەرەكەسىنىڭ II جيىنىنا قاتىسقانىنا ريزا­شىلىق بىلدىرە وتىرىپ, ناۋرىز­دىڭ كورشى مەملەكەتتەردىڭ ورتاق مەرەكەسى رەتىندە ۇلتتار باي­لانى­سىنىڭ ارتۋىنا سەبەپ بو­لا­تىنىن جەتكىزدى. ول ەكى جاقتى قارىم-قاتىناسقا توقتالىپ, يران مەن قازاقستان بايلانى­س­ىنىڭ دامۋ ۇردىسىنە جوعارى باعا بەرىپ, وسى ىنتىماقتاستىق ودان ءارى نىعايا تۇسەدى دەپ سەنىم ارتتى. كەزدەس­ۋ بارىسىندا ج.كا­رىب­جانوۆ قازاقستان رەسپۋب­ليكاسى باس­شى­لى­عى­نىڭ يرانمەن بايلانىس دەڭ­گەيىن ارت­تىرۋعا جەتە  كوڭىل ءبولىپ وتىر­عانىن جەتكىزدى. ەكى مەملەكەت اراسىنداعى ساۋدا-ەكونومي­كا­لىق قارىم-قاتىناسقا توقتا­لىپ, وزەن (قازاقستان) – قى­زىلقيا – بەرەكەت – ەترەك ء(تۇر­كى­مەنستان) – گورگان (يران) تەمىر جول جەلىسىنىڭ دەر كەزىندە ىسكە قوسىلاتىنىنا سەنىم ءبىلدىردى. سونداي-اق, قازاقستان اس­تى­عىن يرانعا ەكسپورتتاۋدى قولدادى. ج.كارىبجانوۆ قازاق­ستاننىڭ يندۋستريالىق-ين­نو­ۆا­تسيالىق دامۋ باعدارلاماسىن ىسكە اسىرۋ ورايىندا يراندىق كومپانيالاردى قازاقستانعا ينۆەستيتسيا سالۋعا شاقىردى.