بالالار ءۇيىنىڭ تاربيەلەنۋشىلەرى ءماجىلىس ۇيىندە بولدى

شىعىس قازاقستان وبلىسى, ءۇرجار اۋدانى, ناۋالى بالالار ءۇيىنىڭ 14 تاربيەلەنۋشىسى پارلامەنت ءماجىلىسى ۇيىندە بولدى. ولار 30 ناۋرىز بەن 1 ءساۋىر ارالىعىندا پارلامەنت ءماجىلىسىنىڭ دەپۋتاتى, «نۇر وتان» حدپ پارلامەنت ماجىلىسىندەگى فراكتسياسىنىڭ مۇشەسى نۇرتاي ءسابيليانوۆتىڭ ارنايى شاقىرۋىمەن استانا قالاسىمەن تانىسۋعا كەلگەن ەدى. ەلوردانى ارالاۋ بارى­سىن­دا بالالار قازاقستاننىڭ تۇڭ­عىش پرەزيدەنتىنىڭ مۇرا­جاي­ىن, «استانا-بايتەرەك» كەشەنىن, «دۋمان» ويىن-ساۋىق ورتا­لى­عىن, حان شاتىر, تاۋەل­سىزدىك, بەيبىتشىلىك جانە كەلىسىم سارايلارىن بارىپ كوردى. استانانىڭ باسقا دا كورىكتى جەر­لەرىن ارالادى. ايتا كەتۋ كەرەك, ەلىمىزدىڭ ەڭ شىعىسىنداعى ناۋالى اۋى­لىندا ورنالاسقان «ناۋالى بالالار ءۇيى» مەملەكەتتىك مەكەمەسى 1934 جىلى اشىلعان. قا­زىرگى تاڭدا بۇل بالالار ۇيىندە 90 بالا تاربيەلەنۋدە. مەملەكەتتىك بيۋدجەتتەن قارجىلاندى­رى­لاتىن بالالار ءۇيى ماتە­ريال­دىق-تەحنيكالىق جاعىنان تو­لىق جابدىقتالعان, بالالار­دىڭ تۇرۋىنا, ءبىلىم الىپ, ءتار­بيەلەنۋىنە بارلىق جاعداي جا­سالعان. بالالار ءۇيىنىڭ قاراما­عىندا 8 عيمارات, 2 وتباسىلىق ۇلگىدەگى ءۇي, كلۋب, جازعى لاگەر جانە 4 اۆتوكولىك بار. ەلورداعا كەلگەن بالالار وقۋ­دى جاقسى وقيدى, تاربيەلەرى ءۇل­گى­لى. مەكتەپ جاسىنا كەلگەن بالا­لاردىڭ بارلىعى ناۋالى اۋى­لىنىڭ ورتا مەكتەبىندە ءبىلىم الادى. بالالار ءۇيى تۇلەكتەرىنىڭ 80 پايىزى مەملەكەتتىك گرانت بوي­ىنشا جوعارى وقۋ ورىن­دا­رىندا جانە كوللەدجدەردە ءبىلىم الۋدا. جىل سايىن وبلىستىق جەرگىلىكتى اتقارۋشى ورگان دا با­لالاردىڭ وقۋىنا ارنايى گرانتتار بولەدى. ماجىلىستە وتكەن كەزدەسۋدە دەپۋتات نۇرتاي ءسابيليانوۆ ەلىمىزدە جاسوسپىرىمدەردىڭ قۇقىعىن قورعاۋعا قاتىستى قانداي زاڭدار قابىلدانىپ جاتقانىن اڭگىمەلەپ بەردى. وسى باسقوسۋعا ارنايى قاتىسقان ءماجىلىس دەپۋتاتتارى مايرا ايسينا مەن ەرجان راحمەتوۆ ءوز ويلارىن ايتتى جانە تاربيەلەنۋشىلەردىڭ سۇراقتارىنا جاۋاپ بەردى. ءوز كەزەگىندە ناۋالى بالالار ۇيىنەن كەلگەن بالالار دا دە­پۋ­تاتتارعا كوكەيلەرىندەگى سۇراق­تا­رىن قويىپ, الداعى ارمان-ماقساتتارىمەن ءبولىستى. «نۇر وتان» پارتياسىنان سايلانعان حالىق قالاۋلىسىنا ريزاشى­لىق­تارىن ايتا كەلىپ, تۋعان جە­رىنىڭ تىلەگىن جەتكىزدى. 10 سىنىپ وقۋشىسى ايجان كامالوۆا وزدەرىن نەندەي ماسەلەلەر تول­عاندىراتىنىن ايتتى. كەزدەسۋدە بالالار ءۇيى ءتۇ­لەكتەرىن پاتەرمەن قامتۋ, اسكە­ري سالادا ءبىلىم الۋ جانە ۇلت­تىق بىرىڭعاي تەست ماسەلەلەرى قوزعالدى. جاسى 18-گە تولعان بىرقاتار تاربيەلەنۋشىلەر ەر­تەڭ, 3 ءساۋىر كۇنى وتەتىن پرەزيدەنتتىك سايلاۋعا تۇڭعىش رەت قاتىساتىندىقتارىن جانە ءوز تاڭداۋلارىن جاسايتىندىق­تارىن ءمالىم ەتتى. قوناقتار پارلامەنتتىڭ بىرلەسكەن وتىرىس زالىن جانە ءما­جىلىستىڭ جالپى وتىرىس زالىن ارالاپ كوردى. --------------------------------- سۋرەتتى تۇسىرگەن امانقۇل دۇيسەنباەۆ.