جاس وتباسىلارعا ارناپ ارزانداتىلعان ۇيلەردىڭ جوباسى ۇسىنىلدى

ەكىباستۇز ءوڭىرىنىڭ عالىمدارى جاس وتباسىلارعا ارناپ ءتورت پاتەرلى جەكە مەنشىك ءۇيدىڭ جوباسىن ۇسىندى. مۇنداي ۇيلەر نارىقتاعى جىلجىمايتىن م ۇلىك باعاسىنان 2-2,5 ەسە ارزان, دەپ حابارلايدى pavlodarnews.kz ق. ساتپاەۆ اتىنداعى ەكىباستۇز ينجەنەر-تەحنيكالىق ينستيتۋتىنىڭ حالىقارالىق بايلانىس پەن عىلىمي جۇمىس پرورەكتورى جارىلقاسىن قامباروۆتىڭ ايتۋىنشا, ءتورت پاتەرلى ۇيلەردىڭ ساپاسى ەۋروپالىقتاردىڭ تاۋن-حاۋستارىنان كەم بولمايدى. «ءار پاتەردىڭ اۋماعى 82 شارشى مەتردى قۇرايدى. قۇرىلىس كەزىندە ءۇي اۆتونومدى تۇردە قامتاماسىز ەتىلەدى: ساڭىلاۋ, كۇن باتارەيلەرى, جەل ديىرمەنى مەن جىلۋ تارتاتىن سورعىنىڭ ورناتىلۋ. مۇنداي ءۇدىڭ باعاسىن 40 ميلليونعا باعالاپ وتىرمىز», – دەدى پرورەكتور. بەلگىلى بولعانداي, ازىرلەۋشىلەر ەكىباستۇزدا ءۇي سالۋ ءۇشىن جەر سۇراعان, الايدا, بۇل سۇراق ءالى ءوز شەشىمىن تاپپاي وتىر. «وتە قىزىقتى جوبا ەكەن. بۇل ۇيلەردى باياناۋىلعا دا سالۋعا بولادى. تۇرعىندار مەن تۋريستەر ونى جوعارى باعالايتىنىنا سەنىمدىمىن», – دەدى پاۆلودار وبلىسىنىڭ اكىمى بولات باقاۋوۆ.