ورالدا 300 بەينەكامەرا ورناتىلادى

جۋىردا ورال قالاسىندا 300 بەينەكامەرا ورناتۋ كوزدەلۋدە. بۇل تۋرالى باتىس قازاقستان وبلىسىنىڭ اكىمى التاي كولگىنوۆتىڭ توراعالىق ەتۋىمەن «Smart City» جوباسى اياسىندا وبلىس ورتالىعىندا بەينەباقىلاۋ قوندىرعىلارىن ورناتۋ ماسەلەسى تالقىلانعان جيىندا ايتىلدى, دەپ حابارلايدى قازاقپارات. وندا ازاماتتاردىڭ قاۋىپسىزدىگىن قامتاماسىز ەتۋ, ولاردىڭ قۇقىعى مەن مۇددەسىن قورعاۋ, كوشە تىنىشتىعى مەن جول قوزعالىسى ەرەجەسىن ساقتاۋ ماقساتىندا بەينەكامەرا ورناتۋدىڭ ماڭىزدىلىعى اتالىپ ءوتىلدى. بۇعان وسىعان دەيىن استانا قالاسىندا بەينەقوندىرعىلار ورناتىپ, ءبىراز تاجىريبە جيناقتاعان «سەرگەك» كومپانياسىنىڭ اقپاراتتىق, تەحنيكالىق الەۋەتى جەتەتىنى ءسوز بولدى. 300 بەينەكامەرانىڭ باسىم كوپشىلىگىن اتالمىش كومپانيا مەملەكەتتىك-جەكەمەنشىك ارىپتەستىك نەگىزىندە ورناتۋعا دايىن ەكەندىگىن جەتكىزدى. ايتا كەتەيىك, «سەرگەك» كومپانياسى وسىنداي بەينەكامەرانىڭ ءبىرىن وتكەن جىلى قالانىڭ م.شولوحوۆ كوشەسىندە ورناتىپ كورگەن بولاتىن. بۇل باعىتتاعى جۇمىستار جول-كولىك وقيعالارىنىڭ الدىن الىپ, قىلمىستى اشۋعا, ەڭ باستىسى, تۇرعىنداردىڭ قاۋىپسىزدىگىن نىعايتۋعا مۇمكىندىك بەرمەك.