ديماش قۇدايبەرگەن قىتايداعى «Singer-2017» ءان بايقاۋىنىڭ ءبىرىنشى كەزەڭىندە فرانتسۋزداردىڭ «SOS d'un terrien en détresse» ءانىن ورىنداپ, قىتايلىق كورەرمەندەردى ءتانتى ەتتى.
"وسىعان وراي قىتاي باسىلىمدارى ديماش قۇدايبەرگەن تۋرالى جازىپ جاتىر", دەيدى ءəنشىنىڭ مەنەدجەرى الپامىس ءشəرىموۆ. ونىڭ ايتۋىنشا, əلەۋمەتتىك جەلى قولدانۋشىلارى "قىتاي قازاق بالاسىنا تاڭ قالدى", دەپ جازۋدا.
ءبىر ايتا كەتەرلىگى, 14 كەزەڭنەن تۇراتىن بايقاۋدىڭ ۇيىمداستىرۋشىلارى ديماشتى كونكۋرسقا وزدەرى شاقىرعان ەكەن.
ءبىرىنشى كەزەڭ بارىسىندا بايقاۋدىڭ قاتىسۋشىلارى, قىتايعا تانىمال انشىلەر دە ءوز تاڭدانىستارىن جاسىرا المادى. قىتايدىڭ Sina Weibo (تۆيتتەردىڭ بالاماسى) الەۋمەتتىك ميكروبلوگىنا جازىلۋشىلاردىڭ سانى 35 مىڭنان ءبىر ساعاتتا 118 مىڭعا جەتتى.
ءبىر ايتا كەتەرلىگى, تەك حالىقارالىق جۇلدە العان تانىمال əنشىلەر قاتىساتىن بايقاۋ قىتايدىڭ چانشا قالاسىندا وتۋدە. ديماشتىڭ مەنەدجەرىنىڭ ايتۋىنشا, ءəنشى وسى بايقاۋ ءۇشىن ءيميدجىن دە وزگەرتكەن. ال əن بايقاۋىنىڭ ەكىنشى كەزەڭى كەلەسى سەنبى كۇنى وتەدى.
