«اقتوبە» فۋتبول كومانداسىنا بۇرىنعى الەم چەمپيونى كەلدى

ارگەنتينالىق جارتىلاي قورعاۋشى حۋان مانۋەل توررەس «اقتوبە» كومانداسىمەن كەلىسىمشارتقا وتىردى. بۇل تۋرالى vesti.kz حابارلادى. 31 جاستاعى فۋتبولشى 15 قاڭتاردان بەرى «اقتوبەنىڭ» قارالىمىندا ءجۇردى. سوڭعى رەت ول ارگەنتينانىڭ ءۇشىنشى ديۆيزيونىنداعى «چاكو ەۆەر» ۇجىمىندا ويناعان. توررەس كاسىبي مانسابىن 2002 جىلى اۆەليانەدا قالاسىنىڭ «راسينگ» كومانداسىندا باستاعان. وسىدان سوڭ «سان-لورەنسودا» دوپ تەپتى. ال 2011-2014 جىلدارى ۋكراينانىڭ «مەتالليست» كلۋبىندا ونەر كورسەتتى. ارگەنتينا جاستار قۇراماسىمەن 2005 جىلى الەم چەمپيونى اتانعان. بۇل تۋرنيردە ول بارلىعى 5 ماتچقا قاتىستى. بۇگىندە كوپشىلىكتىڭ ىستىق ىقىلاسىنا بولەنگەن ليونەل مەسسي, سەرحيو اگۋەرو, پابلو سابالەتا سىندى بىرقاتار الەم جۇلدىزدارىمەن بىرگە جاتتىققان. قازاقستان چەمپيوناتىنىڭ تاريحىندا توررەس ءۇشىنشى ارگەنتينالىق بولماق. بۇعان دەيىن «اتىراۋدا» حاۆەر لەون, «سۇڭقاردا» لۋيس رودريگەس ويناعان. ايتا كەتەيىك, «اقتوبەنىڭ» باس جاتتىقتىرۋشىسى يگور راحاەۆ توررەستىڭ تالانتىمەن ەتەنە تانىس. ول «مەنتالليست» ساپىندا جۇرگەندە راحاەۆ باپكەرلىك القاسىندا قىزمەت ەتكەن.