استانادا 50 قوعامدىق ورىن اباتتاندىرىلادى

باستى مىندەتتەردىڭ ءبىرى – قالا تۇرعىندارىنىڭ ءومىر ءسۇرۋ جاعدايىن جاقسارتۋ. ەلوردادا جايلى دەمالىس ورىندارىن ارتتىرۋ ءۇشىن 50 قوعامدىق ورىن جاسالادى, سونىڭ ىشىندە 14 گۇل باعى, ساياباق پەن جاعالاۋ, ۆەلوجولدار مەن قوعامدىق ورىندار اباتتاندىرىلادى. بۇل تۋرالى استانا اكىمدىگىنىڭ ءباسپاسوز قىزمەتى حابارلادى. اتالعان نىساندار ەسكى ۇيلەردى بۇزۋدىڭ ناتيجەسىندە پايدا بولعان اۋماقتا ورنالاسادى. العا قويىلعان ماقساتتارعا قول جەتكىزۋ ءۇشىن «استانا باس جوسپارى» عزي جانىنان ۋربانيستيكا ورتالىعى ءوز قىزمەتىن باستادى. جاڭا قۇرىلىمنىڭ نەگىزگى ماقساتى – قالالىق ورتانى جاقسارتۋ, زەرتتەۋلەر جۇرگىزۋ, تۇرعىندارمەن جۇمىس ىستەۋ, الەۋمەتتىك كاپيتالدى ارتتىرۋ. ورتالىق ازاماتتىق قوعام مەن قالالىق اكىمشىلىكتىڭ اراسىنداعى ءوزارا ءتيىمدى ءىس-ارەكەتتى ورناتادى, سونداي-اق, قالا مەن ونىڭ تۇرعىندارىنىڭ ىشكى رەسۋرستارىن جۇمىلدىرۋعا ىقپال ەتەدى. سونىمەن قاتار, ورتالىقتىڭ قىزمەتى شاعىن جانە ورتا بيزنەستى دامىتۋعا جاڭا سەرپىن بەرەدى. قالا كوشەلەرىن, ساياباقتار مەن گۇل باقتارىن جاقسارتۋ بويىنشا ۇسىنىستاردى جيناۋ, دەمالۋعا ارنالعان جاڭا كەڭىستىكتەردى جاساۋ, سونداي-اق, كوممۋنيكاتسيا كانالدارى ارقىلى قوعامدىق پىكىر مونيتورينگى مەن زەرتتەۋلەر جۇرگىزۋ ارقىلى ماماندار قوعامدىق كەڭىستىكتەردى اباتتاندىرۋ بويىنشا جوبالاردى ىسكە اسىرادى.