ۇندەۋ ماقساتى – ازاماتتاردى سايلاۋعا تەگىس قاتىستىرۋ – دەيدى ورال قالاسىنىڭ اكىمى س.ورازوۆ

ورال قالاسىنىڭ اكىمى س.ورازوۆ كۇن وتكەن سايىن جاقىنداپ كەلە جاتقان كەزەكتەن تىس پرەزيدەنتتىك سايلاۋعا بايلانىستى ورال قا­لاسىنىڭ سايلاۋشىلارىنا, قالاداعى ەڭبەك ۇجىم­دارى­نىڭ جە­تەك­­شىلەرىنە جانە اۋدان اكىمدەرىنە ارناپ ۇندەۋ قابىلدادى.  ونىڭ ءما­­تىنى قالالىق جانە وبلىستىق گازەتتەردە جاريالاندى. وسىعان باي­لا­­نىستى ءبىز وعان ارنايى بارىپ جولىعىپ, بىرنەشە ساۋال قويعان ەدىك. – ساميعوللا حامزا ۇلى, بۇل ۇندەۋىڭىزدىڭ نەگىزگى ءمانى مەن ماقساتى نەدە؟ – بۇل ساۋالىڭىزعا قايتارار جاۋاپ بىرەۋ عانا. اتالعان ۇندەۋ ال­داعى پرەزيدەنتتىك سايلاۋعا ازا­مات­تاردى تۇگەل قاتىستىرۋعا ىق­پال جا­ساۋ نيەتىنەن تۋىندادى. ءويت­كەنى, پرەزيدەنتتىك سايلاۋ ەل­دى­گىمىزدىڭ تاعى ءبىر سىنعا تۇسەر شا­عى دەپ ەسەپ­تەيمىن. ياعني, وعان ءبارىمىز بىردەي قاتىسىپ داۋىس بەرۋ ارقىلى ەلدىك پەن مەملەكەت­تى­لىك­تىڭ تاعى ءبىر بيىك تە جاۋاپتى ساتىسىنا كوتەرىلە الامىز. بىزگە بۇل سايلاۋدا رەسپۋبليكا پرەزيدەنتىن بىرنەشە ءۇمىت­كەر­دىڭ اراسى­نان تاڭداۋ قۇقى بەرىلگەن. اركىم ءوزىنىڭ وسى كونستي­تۋ­تسيالىق قۇقى­عىن پايدالانۋى قا­جەت دەپ ساناي­مىن. مۇنداي قادام الەمدىك دە­مو­كراتيالىق قاعيدات­تار­عا دا تو­لىق سايكەس كەلەدى. – ورال قالاسىنىڭ سايلاۋ­شى­لارىنا ارناعان ۇندەۋىڭىز­دىڭ جاي-جاپسارىن گازەت وقىر­مان­دا­رىنىڭ نازارىنا بەرە كەت­كەن­نىڭ ارتىقشىلىعى جوق شىعار. – البەتتە. وزىڭىزگە بەلگىلى, كەزەكتەن تىس پرەزيدەنتتىك ساي­لاۋعا ءبىر اپتادان ءسال عانا اساتىن ۋاقىت قالدى. قازىر وعان ازىرلىك جۇمىستارىنىڭ ەتەك-جەڭىن ىق­شام­دايتىن كەز كەلدى. وسى ورايدا ايتارىم, ورال قالا­سىنداعى بارلىق سايلاۋ كو­ميس­سيا­لارىنا سايلاۋشىلاردىڭ تىزىمدەرى جەتكىزىلدى. ال 18 ناۋرىزدان باستاپ ورالدىقتار وسى تىزىممەن تانىسا باستادى. قا­جەت بول­عان جاعدايدا ولار وزدەرى تۋرالى مالىمەتتەردىڭ انىق-قا­نىعىنا كوز جەتكىزۋلەرىنە دە بولادى. تەك ءبىر ەسكەرەر ماسەلە, مۇ­نىڭ ءوزى سايلاۋشىلار سايلاۋ ۋچاس­كەلەرىنە الدىن الا بارعان جاعدايدا عانا مۇمكىن بولماق. ءتىزىمدى ناقتىلاۋ ءۇشىن تەلەفوندىق اقپاراتتىق ورتالىق قۇرىلدى. وندا ورالدىڭ ءار تۇرعىنى ءوزىنىڭ سايلاۋشىلار تىزىمىندە بار ەكەنىنە كوزدەرىن جەتكىزە الادى. سونىمەن بىرگە, سايلاۋعا قاتىستى بارلىق قاجەتتى مالىمەتتەر مەن وزگە دە اقپاراتتار قالا اكىمدى­گى­نىڭ رەسمي سايتىنا دا ورنالاس­تى­رىلعان. مىنە, ورال قالاسىنىڭ سايلاۋشىلارىنا مەنىڭ اتىمنان جاسالعان ۇندەۋدىڭ نەگىزگى جەلىسى وسىنداي. ارينە, قوعامدىق ءومىر ءبىر ورىندا تۇرمايدى. ول ۇنەمى قوز­عالىس, وزگەرىس ۇستىندە. سايلاۋعا ازىرلىك كەزىندە نەمەسە ونىڭ ءدال وتەتىن كۇنى بىرقاتار ازاماتتار ءىسساپاردا, وقۋدا, دەمالىستا, ەمدەلۋدە جۇرۋلەرى مۇمكىن. مۇنداي جاع­دايلاردا ولار قالا اۋما­عىن­دا بولا بەرمەيدى. مۇنى «قا­زاق­ستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس رەتتەۋگە ابدەن بولادى. ياعني, وسى زاڭ تارماعىنا وراي رەسپۋبليكاداعى كەز كەلگەن ۋچاسكەلىك سايلاۋ كوميسسيالارى 18 ناۋرىز بەن 2 ءساۋىر ارالىعىندا سايلاۋشىنىڭ جازباشا ءوتىنىشىن قابىلداي الادى. بۇعان قوسا ولار جەكە باسىن كۋالاندىراتىن قۇجا­تىن كورسەتكەن كەزدە داۋىس بەرۋ قۇقىعى بەرىلەدى. بۇل شارا ەسەپتەن شىعارۋ كۋالىكتەرىن تابىس ەتۋ ارقىلى ىسكە اسادى. – بۇل ايتىپ وتىرعانىڭىز تەك ءبىر قالاعا عانا ەمەس, رەس­پۋب­ليكاداعى بارلىق سايلاۋ­شى­لارعا قاتىسى بار ماسەلە ەكەن. ەندى مىنا ساۋالعا جاۋاپ بەرىڭىزشى. ءسىزدىڭ ۇندەۋىڭىزدەگى ەڭبەك ۇجىم­دارىنىڭ جەتەكشىلەرىنە ارنالعان تۇستاردا جال­پىحالىقتىق سيپات الۋى ابدەن مۇمكىن عوي. – مۇنىڭ دا ەشقانداي قۇپيا­سى جوق. ەڭبەك ۇجىمدارىنىڭ جۇ­مىس ەرەكشەلىكتەرىنە سايكەس ونىڭ بىرقاتار مۇشەلەرى سايلاۋ كۇنى تىركەلگەن ورىندارىنان تىس جەردە بولۋلارى ابدەن مۇمكىن. اسىرەسە, ۆاحتالىق ءادىس رەجىمىندە مۇنداي جاعدايلار ءجيى ورىن الا­دى. وسىنداي كەزدە ولار وزدەرىنىڭ كونستيتۋتسيالىق قۇقىقتارىن ىسكە اسىرا الماي قالۋلارى ىقتيمال. سوعان بايلانىستى ۇيىم باس­شى­لا­رى قاجەتتى ۇيىمداستىرۋ شا­را­لارىن الۋى قاجەتتىگىن ءوز ءۇن­دەۋىم­دە ولاردىڭ نازارىنا بەردىم. – سونىمەن بىرگە ۇندەۋىڭىزدە اۋدان اكىمدەرىنە دە ءۇن قاتقان ەكەنسىز. ءسىز – قالا باسشى­سى­سىز. بۇل قالا اكىمى وكىلەت­تى­گىنىڭ شەڭبەرىنەن تىس قادام دەپ ويلامايسىز با؟ – جوق, ولاي دەپ مۇلدەم وي­لامايمىن. ويتكەنى, ءبارى دە ورتاق ءىستىڭ ناتيجەلى اياقتالۋىن كوز­دە­گەن قام-قارەكەتتەن تۋىنداپ وتىر. ايتالىق, اۋدانداردا تۇراتىن ساي­لاۋشىلاردىڭ بىرقاتارى سايلاۋ كۇنى, جوعارىدا ايتىلعانداي, ءارتۇرلى سەبەپتەرمەن وبلىس ورتا­لىعىندا بولۋى عاجاپ ەمەس. مۇ­نىڭ ءوزى دە زاڭدا كورسەتىلگەن مەرزىمدە حابارلانۋى كەرەك. سودان كەيىن ولارعا داۋىس بەرۋ قۇقىعىن بەرەتىن ەسەپتەن شىعارۋ كۋا­لىك­تەرى بەرىلگەنى ءجون. مۇنداي جاع­دايدا ولارعا داۋىس بەرۋ قۇقىعىن بىزدەر, قالالىقتار قامتاماسىز ەتە الامىز. ۇندەۋدىڭ اۋدان اكىم­دەرىنە قاتىستى تۇسىنىڭ ءمانى مەن ءمانىسى وسىنداي. – ساميعوللا حامزا ۇلى, تەك ءبىر عانا قالا توڭىرەگىندە ەمەس, تۇتاستاي رەسپۋبليكا سايلاۋ­شى­لارى ءۇشىن دە پايدالى ءاڭ­گى­مە بولدى دەپ ويلايمىز. وسىن­داي ءماندى دە ماعىنالى اڭگىمە­ڭىز بەن الداعى پرەزيدەنتتىك ساي­لاۋعا ازاماتتاردى تولىق قاتىستىرۋ نيەتىن كوزدەگەن ءۇن­دەۋىڭىز ءۇشىن سىزگە كوپ راحمەت. اڭگىمەلەسكەن تەمىر قۇسايىن, باتىس قازاقستان وبلىسى.