ناۋرىز مەيرامىنا ارنالدى

پارلامەنت ۇلىستىڭ ۇلى كۇنى – ناۋرىز مەيرامىنا ارنالعان سپورتتىق جارىستار ۇيىمداس­تىر­دى. دەپۋتاتتار مەن پارلامەنتتىك قىزمەتشىلەردىڭ قاتىسۋىمەن ءۇس­تەل تەننيسى, بيليارد, شاحمات جانە شاعىن فۋتبول تۇرلەرى بوي­ىنشا جارىستار بولىپ ءوتتى. شاحماتتان وتكەن جارىستا ءسات توقپاقباەۆ ءبىرىنشى ورىندى جەڭىپ الدى. ال دەپۋتات ۆالەري ۆيشنيچەنكو ەكىنشى ورىنعا يە بولدى. شاعىن فۋتبولدان وتكەن تار­تىس­تى جارىستا ءماجىلىس كو­مان­داسى ءبىرىنشى ورىندى جەڭىپ الدى. سەنات كومانداسى ەكىنشى, پار­لا­مەنتتىڭ شارۋاشىلىق باسقارما­سى­نىڭ ويىنشىلارى ءۇشىنشى ورىن­عا يە بولدى. پارلامەنت سەناتى توراعا­سى­نىڭ ورىنباسارى الەكساندر سۋدين مەن پارلامەنت ءماجىلىسى توراعاسىنىڭ ورىنباسارى ۆلاديمير بوبروۆ قۇتتىقتاۋ ءسوز سويلەپ, جارىس جەڭىمپازدارىنا جۇلدەلەر تابىس ەتتى. جەڭىمپاز بەن جۇلدەگەر كوماندالار جارىس كۋبوگى مەن ديپ­لوم جانە باعالى سىيلىقتارعا يە بولدى. «ەگەمەن-اقپارات».