ءبىزدىڭ اكادەميانى بىلەسىز بە؟

ەلى­مىز­دەگى بەدەلدى, مەملەكە­تى­مىزدىڭ ەكونومي­كا­لىق قاۋىپ­سىزدىگىن قام­تاماسىز ەتۋگە بەيىندى وقۋ ورىن­دارىنىڭ ءبىرى – ەكونو­مي­كا­لىق قىلمىسقا جانە سىبايلاس جەم­قور­لىققا قارسى كۇرەس اگەنتتىگى جا­نىنداعى قار­جى پوليتسياسى اكادە­مياسى سوڭعى ون ەكى جىلدىڭ ايا­سىندا جوعارى بىلىكتى قارجى پو­ليتسياسى مەن كەدەن قىزمەتى ما­مان­دارىن دايارلاپ شىعارۋدا. جىل سايىن اكادەميا تىڭداۋ­شى­لارى­نىڭ قا­تارى 120 شاكىرتپەن تولى­عىپ, ولار قۇ­قىق­تانۋ, قۇقىق قورعاۋ قىزمەتى جانە كەدەن ءىسى مامان­دىق­تارى بويىنشا ءدارىس الادى. قارجى پوليتسياسى اكادەميا­سىندا وقۋ مەرزىمى – 4 جىل. وقۋدى تامامداعان سول ءتيىستى ماماندىعى بويىنشا باكالاۆر دارەجەسىنە قوسا قارجى پولي­تسيا­سىنىڭ نەمەسە كەدەن قىزمەتىنىڭ لەي­تە­نانتى شەنى بەرىلەدى. سونداي-اق, ما­مان­دىعىن كوتەرىپ, كاسىبي بىلىگىن جەتىلدىرە ءتۇسۋ ءۇشىن وقۋ ورنىنان ماگيستر دارە­جەسىن الىپ, ەكونوميكالىق قاۋىپسىزدىك پەن سىبايلاس جەمقورلىق ماسەلەلەرىن تەرەڭىرەك زەرتتەۋ ماق­سا­تىندا فيلوسوفيا دوكتورى دارەجەسىن قورعاۋعا بولادى. كىتاپحانا قورىندا جالپى جانە ارناۋلى ادەبيەتتىڭ مول بولۋى بولاشاق مامانداردىڭ اكادە­ميا­لىق ۇدەرىسكە ەتە­نە ارالاسىپ, تىڭ­عىلىقتى ءبىلىم الىپ شىعۋلارىنا مۇمكىندىك بەرەدى. اكادەميانىڭ ەلدىڭ باسقا, سو­نىڭ ىشىندە, سالالىق وقۋ ورىن­دارى­نان ەرەك­­شە ءبىر ايىرما­شى­لى­عى – قۇ­قىق­تىق پاندەرگە قوسا ەكونوميكالىق سا­باق­تاردىڭ ۇلەس سالماعى باسىم. ەكو­نو­ميكالىق تەر­گەۋ جانە جەدەل ەكو­نو­مي­كالىق ماماندانۋ جونىندەگى ارناۋلى ساباق­تارعا قوسا ساپ قۇراپ ءجۇرۋ, قارۋ اتۋ ماشىقتارىنا جەتە ءمان بەرىلەدى. اكادەميادا وقۋعا تا­لاپتانعان تۇلەكتەردىڭ جاسى 16-عا تول­عان, دەنە-ءبىتىمى شى­مىر ءارى دەنساۋ­لىق­تارى مىقتى بولۋ­عا ءتيىس. وقۋعا تۇسەر كەزدە, الدىمەن, جەكە ءىس پاراعىن جيناۋ ءۇشىن جەرگىلىكتى كەدەن ءىسى مەن قارجى پوليتسياسىنا بارۋ قاجەت. ويتكەنى, ءۇمىت­كەر تۋرالى مالىمەتتەر جيناۋ جانە مە­دي­تسينالىق تەكسەرۋدەن ءوتۋ سىندى جۇ­مىس­تارعا شامامەن 1-2 اي ۋاقىت كەتەدى. سون­دىق­تان اۋماقتىق ورگان­دارعا ناۋرىز ايىنان قالماي بار­عان ابزال. بۇدان كەيىن كاندي­دات­تىڭ جەكە ءىس پاراعى اكادە­ميا­نىڭ قابىلداۋ كوميس­سيا­سى­نا جىبەرىلەدى. كوميسسيا قابىلداۋى جىل سايىن 1-9 شىلدە ارالىعىندا ءۇش كەزەڭ بو­يىن­شا جۇرگىزىلەدى. ءبىرىنشى كەزەڭ­دە مەدي­تسي­نا­لىق جانە جەكە كور­سەت­كىش­تەر بويىن­شا ىرىكتەيدى; ەكىنشى كە­زەڭ­دە ۇمىتكەرلەر ۇبت نەمەسە كەشەندى تەستىلەۋ قورىتىن­دىلارى (تەستى­­لەۋدىڭ ءتورتىنشى ءپانى – بۇكىل الەمدىك تاريح) بويىنشا ىرىكتەلەدى; ءۇشىن­شى كەزەڭدە ىرىكتەۋ ناتيجەسى بو­يىنشا قابىلداۋ كوميسسياسى تىڭ­­داۋ­­شىلار قاتارىن سۇرىپ­تاي­دى. كون­­كۋرس­تىق ىرىكتەۋ كەزىندە «ال­تىن بەلگىنى» يەلەنۋ, حالىق­ارالىق, رەس­پۋب­ليكالىق وليم­پيا­دا­لارى مەن عى­لىمي سايىس­تاردا جەڭىمپاز بولۋ سىن­دى وقۋداعى جەتىستىكتەر دە ەسكەرىلەدى. اكادەميا تۋرالى تولىققاندى اق­پاراتتى قارجى پوليتسياسى اكادە­ميا­سىنىڭ www.academfinpol.kz نەمەسە ەكو­نوميكالىق قىلمىسقا جانە سىباي­لاس جەمقورلىققا قارسى كۇرەس اگەنت­تىگىنىڭ ۆەب-سايتىنداعى (www.finpol.kz) «قارجى پوليتسياسى اكادەمياسى» ءبولى­مىنەن نەمەسە قارجى پوليتسياسى جانە كەدەن قىزمەتىنىڭ اۋماقتىق ورگانىنا حابارلاسۋ ارقىلى الۋعا بولادى. ءابدىرالى بولەباي, قارجى پوليتسياسى اكادەمياسى ءباسپاسوز قىزمەتىنىڭ جەتەكشىسى. استانا.