ماسكەۋ كوكتەم مەرەكەسىن تويلادى

قازاقستان ەلشىلىگىنىڭ ءماس­كەۋ­دىڭ «مير» كونتسەرت زالىندا ناۋرىز مەيرامىنا وراي ءوت­كىز­گەن قابىلداۋ كەشىنە  تمد ەل­دە­رىنىڭ ەلشىلەرى, بەلگىلى ساياساتكەرلەر مەن مەملەكەت قايرات­كەر­لەرى, ەكى ەلدىڭ عىلىم, مادە­نيەت جانە ونەر قايراتكەرلەرى, قازاق دياسپوراسىنىڭ, سونداي-اق رەسەيلىك جەتەكشى باق وكىلدەرى قاتىستى. جينالعاندار الدىندا ءسوز سويلەگەن ەلشى زاۋىتبەك تۇ­رىسبەكوۆ ءاز ناۋرىزدىڭ بىرىكتىرۋشى  كۇشى  بۇگىندە   بارشا ۇلت­تار­دىڭ ىنتىماعى مەن  وركەن­دەۋى­نە جول اشىپ,  قوعام يگىلىگىنە اينالعانىنا جۇرتشىلىق نا­زا­رىن اۋداردى.  ەلشى ەلىمىزدىڭ تاۋەلسىزدىگىن العان 20 جىل ىشىندە تۇراقتىلىقتى, ۇلتارالىق تا­تۋلىق پەن كەلىسىمدى تۋ ەتكەن, ەكونوميكالىق جاعىنان دامى­عان, دەموكراتيالىق مەملەكەت بو­لىپ ورنىققانىن اتاپ  كور­سەتتى. ماسكەۋدەگى ناۋرىز مەرەكەسىنە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جانە ت.ءجۇر­گەنوۆ اتىنداعى قازاق ۇلت­تىق ونەر اكادەمياسىنىڭ شى­عار­ماشىلىق ۇجىمدارى كەلدى. ولار  اۋەلى زەلەنوگراد قالا­سىن­داعى مادەنيەت سارايىندا, ودان كەيىن  «مير» كونتسەرت زالىندا  جۇرتشىلىققا ونەر كورسەتتى. رەسەي استاناسىنىڭ جوعارى وقۋ ورىندارىندا ءبىلىم الىپ جۇرگەن قازاقستاندىق ستۋدەنتتەر مەن   اسكەري كۋرسانتتاردىڭ قازاقستان ەلشىسىمەن ءداستۇرلى  كەزدەسۋى دە ناۋرىز  مەيرامىنا ارنالعان  ءىس-شارالار اياسىندا ۇيىمداستىرىلدى. بۇل ءداستۇرلى كەزدەسۋدە ەلشى ستۋدەنت جاستارعا بيىلعى جولداۋدىڭ نەگىزگى ەرەجەلەرىن تەرەڭدەتە ءتۇسىندىرىپ, اتالعان قۇجاتتىڭ قازىر ەلىمىز ءۇشىن الەۋمەتتىك مەملەكەت قۇرۋ­دىڭ ستراتەگيالىق باعدارلاما­سى­نا اينالىپ وتىرعانىن جەتكىزدى. ناۋرىز مەيرامىن اتاپ ءوتۋدى بۇدان كەيىن ماسكەۋ قالاسىن­داعى   «قازاق ءتىلى», «مۇراگەر» قوعام­دا­رى, قازاق جاستارىنىڭ «جاس قا­نات» ۇيىمى, ايەلدەردىڭ تۇركى تىلدەس حالىقتاردىڭ ءداس­تۇرلەرىن ساق­تاۋعا جاردەمدەسەتىن ءوڭىرارا­لىق قوعامدىق ۇيىمى ءار كۇنى وزىندىك باعدارلامالارىمەن جالعاستىردى. سەرىكقالي بايمەنشە, «ەگەمەن قازاقستان» – ماسكەۋدەن.