پرەزيدەنتتىك سايلاۋعا قازاقستاننىڭ كوممۋنيستىك حالىقتىق پارتياسىنان ۇكىلەپ قوسىلعان جامبىل احمەتبەكوۆ وڭتۇستىك قازاقستان وبلىسىنداعى ساپارىن قالاداعى قارتتار ۇيىنەن باستادى.
تەلەديدارداعى جارنامالارىندا كاراتەنىڭ سەنسەيى رەتىندە كورىنەتىن قياق مۇرت, قارشىعاداي تۇيىلگەن شامداعاي جىگىت, راسىن ايتۋ كەرەك, اقساقالدارعا ۇنادى. ونىڭ دا وزىندىك سەبەبى بار سياقتى. بۇل قاريالاردىڭ دەنى كوممۋنيستىك پارتيانىڭ شەكپەنىنەن شىققاندار ءارى قىزىل بيلەتتەرىن كولدەنەڭ كوزدەن قىزعىشتاي قوريتىن كونەكوزدەر عوي. جامبىل احمەتبەكوۆ بولمەلەردى ارالاپ, جاعدايلارىمەن تانىسقاندا دا وسى جاراستىق بايقالىپ تۇردى.
كىتاپحانانىڭ زالىندا وتكەن كەزدەسۋدە ۇمىتكەر ءوزىنىڭ سايلاۋالدى باعدارلاماسىمەن تانىستىردى. سۇراقتارعا جاۋاپ بەردى.
– ءبىر وبلىستاعى كەزدەسۋدە ءبىر كىسىلەر ازىق-ت ۇلىكتىڭ كۇرت قىمباتتاپ كەتكەنىن سايلاۋمەن بايلانىستىرىپ, “وسىعان سەندەر كىنالىسىڭدەر” دەپ شالعايىمىزدان الىپ ەدى, – دەدى ول. – سىزدەرگە رازىمىن. جەكە باستىڭ ەمەس, ەلدىك ماسەلەلەرگە ءمان بەرىپ وتىرسىزدار. مەملەكەتىمىزدىڭ جەرىمەن شەكتەسەتىن ەلدەردىڭ ساياساتى جونىندە بىلگىلەرىڭىز كەلگەندىگى, جەر تۇتاستىعى, ەل ءبىرلىگى جايلى ايتقان پىكىرلەرىڭىز سۇيسىنتەدى. “اۋىلىڭدا قارتىڭ بولسا, جازىپ قويعان حاتپەن تەڭ” دەگەن بابالارىمىز. الدىمەن سىزدەرگە اتباسىن بۇرعانىمنىڭ ءمانىسى, سايلاۋعا از ۋاقىت قالدى. ۋاقىتتان ۇمتىلماۋ ءۇشىن باسقا وبلىستارعا دا شىعىپ ۇلگەرۋ كەرەك.
قازاق – ۇلكەنىن سىيلاعان حالىق. سىزدەردىڭ ۇندەرىڭىز مەن جەتە الماعان جەرلەرگە جەتەدى. ەل سوزدەرىڭىزگە يمانداي سەنەدى. سوندىقتان, مەنىڭ باعدارلامامدى سىزدەر ناسيحاتتايدى دەپ سەنەمىن, دەدى ودان ءارى ۇمىتكەر.
جۋرناليستەرمەن سۇحباتىندا دا جامبىل احمەتبەكوۆ قاريالاردان باتا سۇراي كەلگەنىن جاسىرعان جوق. ول وڭتۇستىكتىڭ كوڭىل بولەتىن ماسەلەسى رەتىندە جۇمىس ورىندارىن كوپتەپ اشۋ كەرەكتىگىن ايتتى. حالىق كوپ, جۇمىس از. وبلىستىڭ ءوزىن ءوزى جۇمىسپەن قامتۋ مۇمكىندىگى 50 پايىز. بازارلاردا بىرەۋلەرگە جالدانىپ جۇمىس جاسايتىندار كوپ. حالىقتىڭ ورتاشا جالاقى دەڭگەيى باتىس قازاقستان, اتىراۋ سياقتى وبلىستاردان 10-15 پايىزعا دەيىن تومەن. سوندىقتان, وسى ماسەلەنى شەشۋ ماقساتىندا الەۋمەتتىك سالانى جەتىلدىرۋ جونىندە زاڭ قابىلداسا ارتىق بولمايدى.
جامبىل احمەتبەكوۆ مايدانگەر قارتتاردىڭ ۇيىنە دە باس سۇقتى. كەڭەس وداعىنىڭ باتىرى توعامباي قاۋىمباەۆ قارياعا سالەم بەردى.
جانىنداعى سەرىكتەرىمەن اباي ساياباعىنداعى “داڭق” اللەياسىنا گۇل شوقتارىن قويعان ۇمىتكەر تۇركىستانعا باعىت تۇزەدى. قوجا احمەت ياساۋي كەسەنەسىندەگى ۇلى ارۋاقتارعا زيارات ەتكەننەن كەيىن ساپارىن قىزىلوردا وبلىسىندا جالعاستىراتىن بولادى.
باقتيار تايجان, وڭتۇستىك قازاقستان وبلىسى.
تەلەديدارداعى جارنامالارىندا كاراتەنىڭ سەنسەيى رەتىندە كورىنەتىن قياق مۇرت, قارشىعاداي تۇيىلگەن شامداعاي جىگىت, راسىن ايتۋ كەرەك, اقساقالدارعا ۇنادى. ونىڭ دا وزىندىك سەبەبى بار سياقتى. بۇل قاريالاردىڭ دەنى كوممۋنيستىك پارتيانىڭ شەكپەنىنەن شىققاندار ءارى قىزىل بيلەتتەرىن كولدەنەڭ كوزدەن قىزعىشتاي قوريتىن كونەكوزدەر عوي. جامبىل احمەتبەكوۆ بولمەلەردى ارالاپ, جاعدايلارىمەن تانىسقاندا دا وسى جاراستىق بايقالىپ تۇردى.
كىتاپحانانىڭ زالىندا وتكەن كەزدەسۋدە ۇمىتكەر ءوزىنىڭ سايلاۋالدى باعدارلاماسىمەن تانىستىردى. سۇراقتارعا جاۋاپ بەردى.
– ءبىر وبلىستاعى كەزدەسۋدە ءبىر كىسىلەر ازىق-ت ۇلىكتىڭ كۇرت قىمباتتاپ كەتكەنىن سايلاۋمەن بايلانىستىرىپ, “وسىعان سەندەر كىنالىسىڭدەر” دەپ شالعايىمىزدان الىپ ەدى, – دەدى ول. – سىزدەرگە رازىمىن. جەكە باستىڭ ەمەس, ەلدىك ماسەلەلەرگە ءمان بەرىپ وتىرسىزدار. مەملەكەتىمىزدىڭ جەرىمەن شەكتەسەتىن ەلدەردىڭ ساياساتى جونىندە بىلگىلەرىڭىز كەلگەندىگى, جەر تۇتاستىعى, ەل ءبىرلىگى جايلى ايتقان پىكىرلەرىڭىز سۇيسىنتەدى. “اۋىلىڭدا قارتىڭ بولسا, جازىپ قويعان حاتپەن تەڭ” دەگەن بابالارىمىز. الدىمەن سىزدەرگە اتباسىن بۇرعانىمنىڭ ءمانىسى, سايلاۋعا از ۋاقىت قالدى. ۋاقىتتان ۇمتىلماۋ ءۇشىن باسقا وبلىستارعا دا شىعىپ ۇلگەرۋ كەرەك.
قازاق – ۇلكەنىن سىيلاعان حالىق. سىزدەردىڭ ۇندەرىڭىز مەن جەتە الماعان جەرلەرگە جەتەدى. ەل سوزدەرىڭىزگە يمانداي سەنەدى. سوندىقتان, مەنىڭ باعدارلامامدى سىزدەر ناسيحاتتايدى دەپ سەنەمىن, دەدى ودان ءارى ۇمىتكەر.
جۋرناليستەرمەن سۇحباتىندا دا جامبىل احمەتبەكوۆ قاريالاردان باتا سۇراي كەلگەنىن جاسىرعان جوق. ول وڭتۇستىكتىڭ كوڭىل بولەتىن ماسەلەسى رەتىندە جۇمىس ورىندارىن كوپتەپ اشۋ كەرەكتىگىن ايتتى. حالىق كوپ, جۇمىس از. وبلىستىڭ ءوزىن ءوزى جۇمىسپەن قامتۋ مۇمكىندىگى 50 پايىز. بازارلاردا بىرەۋلەرگە جالدانىپ جۇمىس جاسايتىندار كوپ. حالىقتىڭ ورتاشا جالاقى دەڭگەيى باتىس قازاقستان, اتىراۋ سياقتى وبلىستاردان 10-15 پايىزعا دەيىن تومەن. سوندىقتان, وسى ماسەلەنى شەشۋ ماقساتىندا الەۋمەتتىك سالانى جەتىلدىرۋ جونىندە زاڭ قابىلداسا ارتىق بولمايدى.
جامبىل احمەتبەكوۆ مايدانگەر قارتتاردىڭ ۇيىنە دە باس سۇقتى. كەڭەس وداعىنىڭ باتىرى توعامباي قاۋىمباەۆ قارياعا سالەم بەردى.
جانىنداعى سەرىكتەرىمەن اباي ساياباعىنداعى “داڭق” اللەياسىنا گۇل شوقتارىن قويعان ۇمىتكەر تۇركىستانعا باعىت تۇزەدى. قوجا احمەت ياساۋي كەسەنەسىندەگى ۇلى ارۋاقتارعا زيارات ەتكەننەن كەيىن ساپارىن قىزىلوردا وبلىسىندا جالعاستىراتىن بولادى.
باقتيار تايجان, وڭتۇستىك قازاقستان وبلىسى.
