ۇگىت-ناسيحات جۇمىسى جاندانا ءتۇستى

حالىقتىڭ ءوز تاڭداۋىن جاساۋىنا مۇمكىندىك بەرەتىن سايلاۋ وتەتىن كۇن دە جاقىنداپ كەلەدى. پرەزيدەنتتىكتەن ۇمىتكەرلەر جۇرتشىلىقپەن كەزدەسىپ, ءوز تۇعىرنامالارىمەن تانىستىرۋدا. سو­لاردىڭ قاتارىندا قازاقستان پاتريوتتار پارتياسىنان ۇسىنىلعان قازاق­ستان رەسپۋبليكاسى پرەزيدەنتتىگىنە كانديدات عاني قاسىموۆتىڭ سەنىم بىلدىرىلگەن ادامى, جەتىسۋ ءوڭىرى بويىنشا شتاب جەتەكشىسى سەرىك ايتقوجين 700 سايلاۋ ۋچاسكەسىندە كۇنتۇزبە, كاندي­دات­تىڭ باعدارلاماسى, رۇقسات بەرىلگەن جەرلەرگە ۇمىتكەردىڭ ءومىربايانى ءىلىنىپ, شا­قىرۋ قاعازدارى تاراتىلعانىن جەتكىزدى. ۇمىتكەر ع.قاسىموۆ ءوزىنىڭ ساياسي تۇعىرناماسى بويىنشا ساياسي جۇيەنى جاڭارتۋ, اگروونەركاسىپ كەشەنىن دامى­تۋ مەن حالىقتىڭ الەۋمەتتىك, رۋحاني ومىرلەرىنىڭ دامۋىنا بايلانىستى تىڭ ويلارىن ورتاعا سالىپ, ۇگىت-ناسيحات جۇ­مىستارىن بەلسەندى جۇرگىزگەنىن ايتىپ ءوتتى. وڭىردەگى تالعار, قاپشاعاي, ەسىك, جاركەنت قالالارىندا قۇرىلعان شتابتار سايلاۋشىلار اراسىنداعى جۇمىس­تى مەيلىنشە ۇيىمشىلدىقپەن وتكىزىپ وتىر. جاقىن كۇندەرى تالعار قالا­سىن­داعى ءىرى قۇرىلىس كومپانياسى جۇمىس­شىلارىمەن كەزدەسۋى جوسپارلانعان. سونداي-اق قالاداعى بالالار ۇيىندەگى تاربيەلەنۋشىلەرگە قايىرىمدىلىق كومەك كورسەتۋ دە العا قويىلىپتى. قازاقستان پاتريوتتار پارتياسىنان ۇسىنىلعان ۇمىتكەر ع.قاسىموۆ سايلاۋ­ال­دى ۇگىت-ناسيحات جۇمىسىن وسىلايشا ءتيىمدى جالعاستىرىپ كەلەدى. كۇمىسجان بايجان, الماتى وبلىسى.