قارىز بەن پارىز ايقىندالار ءسات

«نۇر وتان» حدپ باستاماسىمەن قۇرىلعان «قازاقستان-2030» جالپى­ۇلت­تىق دەموكراتيالىق كۇشتەر كوا­لي­تسياسىنىڭ مۇشەلەرى مەن پرەزيدەنتتىكتەن ۇمىتكەر ن.نازارباەۆتى قولداۋ ءجو­نىن­دەگى رەسپۋبليكالىق شتاب وكىلدەرى تاياۋدا  تاراز قالاسىنا كەلىپ, وبلىس جۇرت­شىلىعى وكىلدەرىمەن كەزدەسۋ ءوت­كىزدى. كواليتسيا مۇشەلەرىنىڭ قۇرامىن­دا پارلامەنت دەپۋتاتتارى, بەلگىلى ادەبيەت, مادەنيەت, ونەر قايراتكەرلەرى, سپورت ساڭلاقتارى, ساياسي پارتيالار مەن ۇكىمەتتىك ەمەس ۇيىمداردىڭ, ەتنو­ما­دەني بىرلەستىكتەردىڭ جانە كاسىپ­وداقتار وكىلدەرى بولدى.   كواليتسيا مۇشەلەرىن باستاپ كەلگەن, كانديداتتىڭ رەسپۋبليكالىق شتا­بى­نىڭ توراعاسى, «نۇر وتان» حدپ توراعاسىنىڭ ءبىرىنشى ورىنباسارى  ن.نىع­ماتۋلين ەلدىڭ بارلىق وڭىرىندە پرەزيدەنتتىككە كانديدات ن.نازار­باەۆتى جۇرتشىلىقتىڭ ۇلكەن ىنتا-ىقىلاسپەن قولداپ وتىرعانىن ايتىپ, وعان نەگىز رەتىندە جيىرما جىل ىشىندە ەل-جۇرت قول جەتكىزگەن تاتۋلىق پەن تاباندىلىقتى, بىرلىك پەن بەرەكەنى, الەۋمەتتىك جانە ەكونوميكالىق تولايىم تابىستاردى العا تارتتى. پرەزيدەنتتىككە كانديدات ن.نا­زار­باەۆتىڭ باستاماسىمەن دۇنيەگە كەلىپ, جۇزەگە اسىرىلا باستاعان يننو­ۆا­تسيالىق-يندۋستريالاندىرۋ باعدارلا­ما­سى بويىنشا, مىسالى, جامبىل ءوڭى­رىن­دە 32 جوبا ىسكە قوسىلىپ, 10 مىڭ جۇ­مىس ورنى اشىلاتىن بولادى. قۇرىلى­سى قارقىندى ءجۇرىپ جاتقان «باتىس ەۋروپا-باتىس قىتاي» اۆتوماگيسترالى وبلىستىڭ 5 مىڭعا جۋىق تۇرعىنىن ەڭ­بەككە تارتقان. جالپىۇلتتىق دەموكراتيالىق كۇش­تەر كواليتسياسى مۇشەلەرىنىڭ ەكىنشى توبى م.ح.دۋلاتي اتىنداعى تاراز مەملەكەتتىك ۋنيۆەرسيتەتىندە جوعارى وقۋ ورىندارىنىڭ وقىتۋشىلارىمەن, ستۋدەنتتەرىمەن, بيزنەس قاۋىمداستىعى وكىلدەرىمەن, ساياسي پارتيالار مەن ۇكىمەتتىك ەمەس ۇيىمدار مۇشەلەرىمەن, ەتنومادەني بىرلەستىكتەردىڭ جەتەكشىلەرىمەن كەزدەستى. «ادىلەت» دەموكرا­تيا­لىق پارتياسىنىڭ توراعاسى م.نارىكباەۆ پرەزيدەنتتىكتەن ۇمىتكەر ن.نازارباەۆتىڭ تاۋەلسىزدىكتىڭ جيىرما جىلىندا قول جەتكىزگەن ساياسي جانە الەۋمەتتىك-ەكونوميكالىق تابىستاردا­عى ۇلەسى ولشەۋسىز ەكەنىنە توقتالىپ, جۇرتشىلىق وكىلدەرىن ۇمىتكەردى ءبىراۋىزدان قولداۋعا شاقىردى. پارلامەنت دەپۋتاتتارى ق.سۇلتانوۆ, ت.قوس­مامبەتوۆ, قازاقستان جازۋشىلار وداعىنىڭ توراعاسى ن.ورازالين, بەلگىلى جازۋشى ءا.تارازي, كورەي ۇلتتىق قاۋىمداستىعىنىڭ پرەزيەنتى ر.كيم, ەڭبەك ەرى ا.ميرازوۆا, ەڭبەك سىڭىرگەن ءارتىس م.قۇسايىنوۆ, «قازاقستان ىسكەر ايەلدەرى قاۋىمداستىعى» رەسپۋبليكا­لىق قوعامدىق بىرلەستىگىنىڭ ءتورايىمى ر.سارسەنباەۆا, «ۇلتتىق مەديتسينالىق حولدينگى» اق توراعاسى ە.ءبىرتانوۆ, سيد­نەي وليمپياداسىنىڭ چەمپيونى ە.ىبرايىموۆ جانە باسقالار دا پرەزيدەنتتىكتەن ۇمىتكەر ن.نازارباەۆقا داۋىس بەرۋگە ۇندەدى. «قازاقستان-2030» جالپىۇلتتىق دەموكراتيالىق كۇشتەر كواليتسيا­سىنىڭ مۇشەلەرى «قازفوسفات» جشس مەن جامبىل اۋدانىندا دا وسىنداي كەزدەسۋلەر وتكىزىپ, جۇرتشىلىقتى كان­ديدات ن.نازارباەۆتى قولداۋعا شاقىردى. كوسەمالى ساتتىباي ۇلى, جامبىل وبلىسى.