قونىستوي قۋانىشى

كوپتەن كۇت­كەن قا­سي­ەت­­تى دە قاس­تەر­لى مەرەكە – ناۋرىز مەي­رامى قار­سا­ڭىن­دا ال­ما­تى­لىق ال­پىس وتباسى جا­ڭا قو­نىس تويىن تويلاپ, ۇلكەن قۋانىشقا بولەندى. الماتى قالاسىنىڭ اكىمى احمەتجان ەسىموۆ قا­لا­لىق اكىمدىك عي­ماراتىندا باسپانا كەزەگىندە تۇرعان قالا تۇر­عىن­دا­رىنا جانە تۋبەركۋلەزگە قار­سى ديسپانسەر قىزمەتكەر­لەرىنە جاڭا پاتەرلەردىڭ كىلتىن سال­تا­نات­تى تۇردە تاپسىردى. جالعا بەرىلگەن جاڭا باس­پا­نالاردى تۇرعىن ءۇي الۋعا كەزەكتە 1986 جىلدان بەرى تۇر­عان وتىزعا جۋىق ادام يەلەندى. ولار­­دىڭ اراسىندا كوپ بالالى جانە جارتىلاي وتباسىلار مەن سوزىلمالى ناۋقاستىڭ  اۋىر ءتۇر­لەرىنە شالدىققاندارمەن قاتار, جەتىم بالالار, ءبىرىنشى جانە ەكىنشى توپتاعى مۇگەدەكتەر دە بار. ءسوز رەتى كەلگەندە اتاپ اي­تار­لى­عى, وڭتۇستىك استانادا قالا تۇر­عىندارىن جاڭا باسپانامەن قامتاماسىز ەتۋدە ىلگەرى­لەۋ­شىلىك بايقالۋدا. ماسەلەن, تۋبەركۋلەزگە قارسى ديسپانسەردىڭ وتىز قىزمەتكەرى وتكەن 2010 جى­لى پايدالانۋعا بەرىلگەن پاتەر­لەر­دەن «100 مەكتەپ, 100 اۋرۋحانا» باعدارلاماسى بويىنشا يپو­تە­كالىق تۇرعىن ءۇي الدى. «100 مەكتەپ, 100 اۋرۋحانا» باعدارلاماسىنا وراي ەلىمىزدە جا­ڭا دەنساۋلىق ساقتاۋ كەشەن­دە­رىنىڭ قۇرىلىسى سالىنۋمەن قاتار, مەديتسينا سالاسى قىزمەتكەر­لە­رى­نە ارنالعان جاڭا تۇرعىن ۇيلەر دە بوي كوتەرۋدە, دەدى احمەتجان ەسىموۆ. «100 مەكتەپ, 100 اۋرۋحانا» باعدارلاماسى بو­يىن­شا مەديتسينالىق مە­كەمەلەر­دىڭ قىزمەتكەرلەرى «تۇر­عىن ءۇي قۇرىلىس جي­ناق بانكى» ارقىلى يپو­تە­كالىق نەسيە الا الادى. بۇل نەسيە جيىرما جىلعا, جىل­دىق ءتورت پايىزدىق سىي­اقى­مەن بەرىلەدى. الماتىدا بۇل باع­دار­لاما بويىنشا ءبىلىم بەرۋ سا­لا­­سىنا – ءتورت, ال دەنساۋلىق ساقتاۋ سالاسىنا ارنالىپ ءتورت كەشە­ننىڭ قۇرىلىسى تۇرعى­زىل­ماق. باقىت بالعارينا, الماتى.