«دامۋ» كورسەتكەن دەمەۋ

مۇمكىندىگى شەكتەۋلى جاندار دا شاعىن كاسىپكەرلىك­پەن اينالىسۋعا ىنتا تانى­تادى. الايدا, ەكىنشى دەڭ­گەي­دەگى بانك­­تەر ولارعا نەسيە بەرۋگە قۇ­لىقتى ما؟ ءبىر مۇشەسىنىڭ كەمدىگى بار جان­داردىڭ سوزىنە قۇلاق ءتۇر­سەڭىز, بانكتەر ولار­دىڭ نەسيە العانىن قالاماي­دى. سول سەبەپتەن قوعامدىق دامۋدىڭ ۇردىسىنەن قالعىسى كەلمەيتىن مۇمكىندىگى شەكتەۋلى جان­دار «دامۋ» قورىنان كومەك سۇرايدى. ال بۇل قور مۇگە­دەكتەردى قولداۋدىڭ باس­قاشا ءادىسىن قولعا الدى. ياعني, قار­جىلاي ەمەس قولداۋ باع­دار­لا­ماسى اياسىندا مۇگە­دەك-كاسىپكەرلەردى ىنتالان­دىرۋ, جاڭا كاسىپ اشىپ, كەڭەيتۋ ءۇشىن قاجەتتى قۇرال-جابدىق­تار الىپ بەرۋدى جال­عاستى­رۋ­دا. قور بۇعان دەيىن 9 ادامعا دەمەۋشىلىك كومەك­پەن قۇرال-جابدىقتار بەرىلۋىنە ۇيىتقى بولعان ەكەن. ەندى تاياۋدا تاعى دا ءبىر توپ مۇمكىندىگى شەكتەۋلى جان­دارعا دەمەۋشى تابى­لۋىنا دانەكەر بولدى. بۇل جولى اتىراۋدىڭ ءار اۋدانىنان ءوتىنىش بىلدىرگەن 7 ادامعا  «دەنگە ەنەردجەي» كوم­پانياسىنىڭ باس دەمەۋشىلىگىمەن ءارتۇرلى قۇرال-جاب­دىق­­تار الىنىپ بەرىلدى. ماسە­لەن, باتىربەك ساعىن­عا­ليەۆ پەن باقتىگۇل ءداۋ­لەت­باەۆا شاشتاراز سالونىن اشىپ, شاش قيۋ كاسىبىنە مامان­دانباق ەكەن. روللان كاريننىڭ ىڭعايى فوتوسۋرەت تۇسىرۋگە كەلىپ تۇر. ال مارات ءسار­سەنعاليەۆ اعاش­تان ءتۇيىن ءتۇيۋ­دىڭ شەبەرى اتانباقتى قالاسا, ءمۇتاش قايرەدەنوۆ تۇرعىن­دار­دىڭ انىقتاما, قۇجاتتا­رىن بىرنەشە داناعا كوشىرىپ بەرۋ ارقىلى ءوز كاسىبىن جان­دان­دارۋدىڭ العاشقى قا­دا­مىن جاساماق. بۇلاردىڭ بار­لى­­عىنا دا قاجەتتى قۇرال-جاب­دىقتار تارتۋ ەتىلدى. مۇمكىندىگى شەكتەۋلى جان­دار ويلاعان ماقساتتارى ىسكە اساتىنىنا بەك سەنىمدى. ءتىپتى جۇزدەرىنەن قۋانىش­تىڭ لەبى بايقالادى. اسىرە­سە, 5 دوم­بىراعا يە بولعان باقتىگۇل عيناياتوۆانىڭ قۋا­نىشىندا شەك جوق. ول بۇعان دەيىن «ءومىر گ ۇلى» ات­تى انسامبل اشىپ, مۋزى­كاعا بەيىمى بار مۇمكىندىگى شەكتەۋلى جاندار­دىڭ باسىن قوسۋ ىسىنە بەلسەنە ارالاس­قان ەكەن. ەندى مەكتەپ جاسىنداعى مۇمكىندىگى شەك­تەۋلى بالالاردى قازاقتىڭ قوڭىر دومبىراسىندا وي­ناۋ­عا ۇيرەتپەك. جولداسبەك شوپەعۇل, اتىراۋ وبلىسى.