بالالارعا دەپۋتاتتىق قامقورلىق

«نۇر وتان» حدپ-نىڭ ماجىلىستەگى فراك­تسيا­سىنىڭ ءبىر توپ مۇشەسى – دەپۋتاتتار باۋىر­جان سمايىلوۆ, بەرىك بەكجانوۆ, تاتيانا ياكوۆلەۆا, پەتر دميتريەنكو استانا قالاسىنداعى كامەلەتكە تولماعان بالالار باسپاناسىندا بولىپ, ناۋرىز مەيرامى قارسا­ڭىندا قايىرىم­دى­لىق اكتسياسىن وتكىزدى. ءماجىلىس دەپۋتاتتارى «نۇر وتان» حدپ-نىڭ ماجىلىستەگى فراكتسياسىنىڭ جەتەكشىسى ورال مۇحامەدجانوۆتىڭ اتىنان ناۋرىز مەرەكەسىمەن قۇتتىقتاپ, بالالارعا سپورت زالىنا قا­جەت­تى قۇرال-جابدىقتار مەن ارقايسىسىنا ارنالعان مەرەكەلىك سىيلىقتار تارتۋ ەتتى. تاۋەل­سىز وتانىندا قامقورلىققا بولەنىپ وتىر­عان بالالاردىڭ جۇزدەرى قاشاندا شاتتىققا تولىپ, ماقساتتارى ايقىن بولىپ, سول جولدا جالىقپاي ىزدەنۋلەرىنە تىلەكتەستىك ءبىلدىردى. حالىق قالاۋلىلارىن كامەلەتكە تولماعان بالالار باسپاناسىنىڭ «جاس ۇلان» اسكەري-پاتريوتتىق كلۋبىنىڭ مۇشەلەرى ءوز ونەرلەرىن كورسەتىپ قارسى الدى. «وسىندا اتا-انالارىنىڭ تاعدىرلارى داع­دا­رىسقا ۇشىراۋىنا بايلانىستى قىرىق جەتى ءجاسوسپىرىم ۋاقىتشا تۇرىپ جاتىر. ولار جا­نىمىزداعى №19 مەكتەپتەن ءبىلىم الۋدا. بو­لا­شاقتا باسپانانى بالالار ۇيىنە اينالدىرىپ, ولارعا تۇراقتى مەكەن جاساساق دەگەن ماقساتىمىز بار», – دەدى باسپانا ديرەكتورى سەرگەي ءشارىپوۆ قوناقتارعا ءوز ويىن جەتكىزىپ. «ەگەمەن-اقپارات».