ءبىر كىسىدەي قولداۋعا شاقىردى

«كاسىپوداقتار مەن ەڭبەكشىلەر نۇرسۇلتان نازارباەۆتى قولدايدى!» ۇرانىمەن فورۋم ءوتتى. وعان ەلدىڭ بارلىق ايماعىنان ەكونوميكانىڭ ءتۇرلى باعىتتارى مەن الەۋمەتتىك سالا جۇمىسشىلارى اتىنان 300 دەلەگات قاتىستى. ولارعا الدىمەن پرەزيدەنتتىكتەن ۇمىتكەر نۇرسۇلتان نازارباەۆتىڭ ەڭبەك جولىن كەستەلەگەن بەينە-فيلم كورسەتىلدى. وندا كانديداتتىڭ ەلدى ەكونوميكالىق تىعىرىقتان شىعارىپ, حالىقتار دوستىعىن نىعايتىپ, مەملەكەتتى ءوسۋ مەن وركەندەۋ جولىنا تۇسىرگەنى تۋرالى شىنايى اقپاراتتار بەرىلگەن. بۇدان كەيىن فورۋمدى اشقان قازاقستان كاسىپوداقتارى فەدە­را­تسياسىنىڭ توراعاسى سيازبەك مۇقاشەۆ ن.نازارباەۆتىڭ كا­سىپ­وداق قوزعالىسىن ۇنەمى قول­داي­تىنىن اتاپ ءوتتى. ول ەلىمىز ەگەمەندىك العالى بەرى الەم مەملەكەتتەرىمەن يىق تەڭەستىرۋگە ۇم­تى­لىپ, تۇتاستىقتى ساقتاپ, ىرگەلى ەل بولۋىمىز جولىندا ەڭ­بەكتەنىپ كەلەدى, دەدى. وسىنىڭ ءبارى ىنتىماقتاستىقتىڭ, سارابدال ساياساتتىڭ ناتيجەسى, سۇتتەي ۇيىعان ەل بىرلىگىنىڭ ارقاسى. مەم­لەكەتىمىزدىڭ 20 جىلدىق تا­ريحىندا نۇرسۇلتان نازارباەۆ وتانىنىڭ, حالقىنىڭ الدىن­دا­عى قارىزى مەن پارىزىن وتەۋدىڭ جانقيارلىق ۇلگىسىن كورسەتكەن ءبىرتۋار ازامات, ۇلى كوشتىڭ باس­تاۋ­شىسى, تۇعىرى بيىك تۇلعا. كان­ديداتتىڭ بۇگىنگى كۇش-ءجى­گەرى, دەربەس مەملەكەت قۇرىپ, ونى باسقارۋداعى تاجىريبەسى جەتكىلىكتى. س.مۇقاشەۆ ودان ءارى قازاق­ستان ەڭبەكشىلەرى مەملەكەتتى ءارى قاراي ساياسي, ەكونوميكالىق جانە الەۋمەتتىك جاڭعىرتۋ بويىنشا نۇرسۇلتان ءابىش ۇلىنىڭ باعدار­لامالىق ماقساتتارىن, ونىڭ 2020 جىلعا دەيىنگى كەزەڭگە ار­نال­عان ەلدى دامىتۋدىڭ سترا­تەگيالىق جوسپارىن قولدايدى, «بولاشاقتىڭ ىرگەسىن بىرگە قالايمىز!» اتتى قازاقستان حال­قىنا جولداۋىن قۋاتتايدى, قۇپ­تايدى, سونىمەن قاتار, تۇرعىن ءۇي, دەنساۋلىق ساقتاۋ, ءبىلىم بەرۋ, ت.ب. نەگىزگى قۇندىلىقتار ەڭبەك ۇجىمدارى مەن كاسىپوداق قىز­مەتىنىڭ ءارى قاراي دامۋىنىڭ قا­عي­داتتى باعىتتارى بولىپ تابى­لادى, دەدى. فورۋمدا كەن-مەتاللۋرگيا, كو­مىر ونەركاسىبى, ءبىلىم بەرۋ, دەنساۋلىق ساقتاۋ, تەمىر جول, اۋىل شارۋاشىلىعى, مۇناي-گاز, قىسقاسى, ەل ەكونوميكاسىنىڭ بارلىق سالالارىنىڭ وكىلدەرى ءسوز سويلەدى. ولار پرەزيدەنتتىككە كانديداتتىڭ الەۋمەتتىك مەملەكەت قۇرۋعا باعىتتالعان ەلدى دامىتۋداعى ستراتەگياسىن قول­دايتىنىن ءبىلدىردى. قازاقستان ەڭبەكشىلەرىنىڭ فورۋمى رەسپۋبليكا ەڭبەكشىلەرىنە, كاسىپتىك وداق مۇشەلەرىنە ۇندەۋ قابىل­دادى. ءسويتىپ, فورۋم كاسىپ­وداق­تاردىڭ بارلىق مۇشەلەرىن, ەل ەڭبەكشىلەرىن الداعى سايلاۋدا نۇرسۇلتان نازارباەۆتىڭ كاندي­داتۋراسىن ءبىر كىسىدەي قولداۋعا شاقىردى. الەكساندر تاسبولاتوۆ. استانا.