ديپلوماتتارمەن ديدارلاستى

ەل پرەزيدەنتتىگىنەن ۇمىتكەر عاني قاسىموۆ پاتريوتتار پارتياسىنىڭ سايلاۋالدى شتابىندا فرانتسيانىڭ قازاقستانداعى ەلشىسى بەرتونە جان شارل جانە الماتىداعى باس كونسۋل نارجولە گيوم مىرزالارمەن كەزدەسىپ,  سايلاۋ الدىنداعى احۋال جانە جالپى ساياسي مۇراتتار جونىندە پىكىر الماسىپ, وي ساباقتادى. فرانتسۋز ەلشىسى پرەزيدەنتتىكتەن ۇمىتكەردىڭ ساياسي تۇعىرناماسىنىڭ بىرقاتار جاعىمدى ەرەكشەلىكتەرىنە توقتالىپ, ونداعى ماسەلەلەردىڭ قويى­­لىسى, اتوم ەنەرگەتيكاسىنىڭ پروب­لە­مالارىنا كوڭىل ءبولىنۋى, بيلىك تار­ماقتارىن دەموكراتيالاندىرۋ باعى­تى وزىنە ۇنايتىندىعىن ءمالىم ەتتى. ناق وسى رەتتە ءوزىنىڭ ساياسي مۇرات-مۇددەسى فرانتسيا پرەزيدەنتى ن.ساركوزيمەن ساباقتاستىعىن ع.قاسىموۆ تا تەرىسكە شىعارمادى. ونىڭ ايتۋىنشا, كوپتەگەن عاسىر­لىق دەموكراتيالىق تاريحى بار فرا­ن­تسيانىڭ كەيبىر ستاتيستيكالىق ءما­لىمەتتەرى ءوزىنىڭ ساياسي تۇعىر­ناماسىن ازىرلەۋ كەزىندە وي سالعان ەكەن. ايتالىق, حالقى بىزدەن الدەنەشە كوپ ەلدىڭ سوتتالعاندار سانى قازاقستان­مەن سالىستىرعاندا مۇلدەم از. بىزدەگى بوستاندىقتان قول ءۇزىپ, تۇرمەدە وتىرعاندار سانى الدەقايدا كوبىرەك. بۇعان ولاردى كۇزەتەتىندەردى قوسقان­دا 200 مىڭ ادام ماسىل بولىپ مەملەكەتتىك بيۋدجەتتىڭ موينىندا وتىر. بۇل – وتە ءتيىمسىز. ولاي بولسا,  جا­زانى وتەۋدىڭ بالامالى تۇرلەرىن وي­لاستىرۋ, قىلمىستىق كودەكستى ىزگىلەندىرۋ ماسەلەلەرىن ع.قاسىموۆ ءوزى­نىڭ سايلاۋ الدىنداعى ناۋقانىندا بەكەردەن بەكەر كوتەرىپ وتىرماعان­دىعى ايعاقتالادى. بۇدان ءارى بەرتونە جان شارل مىرزا سايلاۋعا بايلانىستى سۇراق­تار قويدى. سوعان وراي ع.قاسىموۆ بۇكىلحالىقتىق رەفەرەندۋمنىڭ ور­نى­نا نەلىكتەن مەرزىمىنەن بۇرىن پرەزيدەنتتىك سايلاۋ وتكىزىلىپ وتىرعان­دىعىنىڭ جاي-جاپسارىن ەگجەي-تەگجەيلى ءتۇسىندىرىپ بەردى. بۇل ساي­لاۋ­دىڭ, اسىرەسە, بيلىك تارماقتارى اراسىنداعى داعدارىستى بولدىرماۋ ءۇشىن وتكىزىلىپ وتىرعاندىعىنا جانە قازىرگى قالىپتاسقان جاعدايدا مەملەكەت باسشىسى تاراپىنان بىردەن-ءبىر دۇرىس شەشىم بولعان­دى­عىنا نازار اۋداردى. ءسوز اراسىندا عاني ەسەن­گەلدى ۇلىنىڭ باتىس ەلدە­رىنىڭ وسى رەتتەگى تاجىريبەسىنەن مىسالدار كەلتىرگەن بىلىمدارلىعىن, ساياسي تۇرعى­دان ىسىلعان قايراتكەر ەكەندىگىن دە بايقاپ قالعانداي بولدىق. بۇدان سوڭ ەلشى سۇراعىنا جاۋاپ ورايىندا پرەزيدەنتتىكتەن ۇمىتكەر وپپوزيتسيالىق پارتيالاردىڭ سايلاۋ­عا قاتىسۋدان باس تارتۋى نەمەسە وعان بويكوت جاريالاۋى تۋرالى ءوز پايى­مىن ءبىلدىردى. ع.قاسىموۆتىڭ ويىنشا, مۇنىڭ ءوزى ولاردىڭ سىرتقى ۇستانى­مىنان گورى, ىشكى قايشىلىعىن تانى­تادى. وپپوزيتسيالىق پارتيالاردىڭ بويكوت جاريالاۋى 3 ءساۋىر كۇنى وتە­تىن سايلاۋعا قانداي دا ءبىر ەلەۋلى اسە­رىن تيگىزە المايدى. ءسويتىپ, ول قالاي بولعاندا دا بۇل سايلاۋعا بارلىق سايلاۋشىلاردىڭ 80 پايىزىنا دەيىن قاتىساتىندىعىنا ءوز باسىنىڭ سەنىمدىلىگىن پاش ەتتى. قورعانبەك امانجول. الماتى.