ەلوردانىڭ ازىرلىگى قارالدى

ورتالىق سايلاۋ كوميسسياسىنىڭ كەشەگى وتكەن وتىرىسىندا استانا قالاسى اۋماقتىق سايلاۋ كوميسسياسىنىڭ قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىن ازىرلەۋ مەن وتكىزۋ جونىندەگى جۇمىسى قارالدى. وتىرىستا استانا قالالىق ساي­لاۋ كوميسسياسى توراعاسىنىڭ, قالالىق اكىمدىكتىڭ جاۋاپتى قىز­مەتكەرلەرىنىڭ, مۇددەلى ۇيىمدارى مەن مەكەمەلەرىنىڭ 2011 جىلعى 3 ساۋىرگە تاعايىندالعان قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىن ازىرلەۋ مەن وتكىزۋ جونىندەگى اقپاراتتارى تىڭدالدى. استانا قالاسىندا 2011 جىلعى 1 قاڭتارداعى جاعداي بويىنشا 697257 ادام تۇرادى, ولاردىڭ 339985-ءى – سايلاۋشىلار, بۇل حالىقتىڭ جالپى سانىنىڭ 48,8 پايىزىن قۇرايدى. كەزەكتەن تىس سايلاۋدى استانا قالاسى بوي­ىنشا ۇيىمداستىرۋ مەن وتكىزۋدى قالالىق, سارىارقا, ەسىل جانە الماتى اۋداندارىنىڭ سايلاۋ كو­ميسسيالارى مەن 218 ۋچاسكەلىك ساي­لاۋ كوميسسيالارى ىسكە اسى­رادى. قازاقستان رەسپۋبلي­كا­سى­نىڭ شەت مەملەكەتتەردەگى وكىل­دىك­تەرى جانىنان 35 سايلاۋ ۋچاسكەسى ۇيىمداستىرىلعان. سايلاۋ كوميسسيالارىنىڭ قۇ­را­مىندا سەگىز ساياسي پارتيانىڭ: قكپ – 13, جسدپ – 10, «ادىلەت» پارتياسىنىڭ – 15, «اۋىل» قسدپ – 181, قكحپ – 179, «رۋحانيات» پارتياسىنىڭ – 182, قازاقستان پات­ريوتتار پارتياسىنىڭ – 182, «نۇر وتان» حدپ – 183 جانە باسقا دا قوعامدىق بىرلەستىكتەردىڭ وكىل­دەرى بار. پرەزيدەنتتىڭ سايلاۋدى تاعايىنداۋ تۋرالى جارلىعى شىق­قان سوڭ, سايلاۋشىلار ءتىزىمىن تو­لىقتىرۋ بويىنشا جۇمىس اي­تارلىقتاي بەلسەندى ءجۇردى. قالا­نىڭ حالىق ەسەبىنە جاۋاپتى ۇي­ىم­دارى مەن مەكەمەلەرىنىڭ جۇمى­سى قاجەتتى دەڭگەيدە ۇيلەستىرىلدى. ورتالىق سايلاۋ كوميسسياسى استانا قالاسىنىڭ سايلاۋ كوميس­سيا­لارى, اتقارۋشى ورگاندارى ال­داعى ەلەكتورالدىق ناۋقاندى ۇي­ىمداستىرۋشىلىق, ماتەريالدىق-تەحنيكالىق جانە اقپاراتتىق قام­تاماسىز ەتۋ بويىنشا ايتار­لىق­تاي جۇمىس جۇرگىزگەنىن اتاپ ءوتتى. سايلاۋ كوميسسيالارىنىڭ جەرگىلىكتى اتقارۋشى جانە وكىلدى ور­گان­دارىمەن ءوزارا ءىس-ارەكەتتەستىگىندە كەيبىر كەمشىلىكتەر دە بار. ۋچاسكەلىك سايلاۋ كوميسسيالا­رىن وقىتۋ بويىنشا بەلسەندى جۇ­مىستى جالعاستىرۋ, ونىڭ اياسىندا سايلاۋ راسىمدەرىنىڭ, ءبىرىنشى كەزەكتە داۋىس بەرۋ كۇنى مەن داۋىس­تاردى ساناۋ كەزىندەگى سايلاۋ ءرا­سىم­دەرىنىڭ زاڭدىلىعى مەن اي­قىن­دىعىنا باسا نازار اۋدارۋ قاجەت ەتىلەدى. تالقىلاۋ بارىسىندا ورتسايلاۋكوم باسشىسى قالالىق سايلاۋ كوميسسياسى كوپ ادامداردى قامتي وتىرىپ, ۇلكەن جۇمىس اتقارعانىن جانە بۇل بۇرىن انىقتالعان ءبىر­قاتار كەمشىلىكتەردى جەدەل تۇردە جويۋعا مۇمكىندىك بەرگەنىن باسا ايتتى. سونداي-اق ق.تۇرعانقۇلوۆ 2009 جىلى «سايلاۋ تۋرالى» زاڭ­نىڭ 20-بابى 11-تارماعىنا سايلاۋ كوميسسياسى مۇشەلەرىنە ەڭبەكاقى تولەۋ تارتىبىنە قاتىستى وزگە­رىس­تەر ەنگىزىلگەنىن اتاپ ءوتتى. بۇل نورمامەن سايلاۋ كوميسسيالارى ءمۇ­شە­لەرىنىڭ ۇستەمە جۇمىسىنا, مەرەكە جانە دەمالىس كۇندەرىندەگى جۇمىسىنا اقى تولەۋ بەلگىلەنگەن. سوندىقتان باسىم كوپشىلىگى بيۋد­جەتتىك ۇيىمداردىڭ قىزمەتكەر­لە­رى (مۇعالىمدەر, مەديتسينا قىز­مەتكەرلەرى جانە ت.ب.) بولىپ تا­بىلاتىن ۋچاسكەلىك سايلاۋ كوميس­سيالارى مۇشەلەرىنىڭ قاۋىرت جۇ­مىسىنىڭ اقىسى تيىسىنشە وتەلە­تىن بولادى. وتىرىستا ورتالىق سايلاۋ كوميسسياسىنا تاعى 229 حالىق­ارالىق بايقاۋشىنى اككرەديتتەۋ تۋرالى جانە شىعىپ قالعاننىڭ ورنىنا «قازاقستان رەسپۋبليكا­سىن­داعى سايلاۋ تۋرالى» كونس­تي­تۋتسيالىق زاڭمەن بەلگىلەنگەن ءتار­تىپتە جاڭا مۇشە سايلانعانعا دەيىن ارمان جيەنعاليەۆتى باتىس قازاقستان وبلىستىق سايلاۋ كو­ميس­سياسىنىڭ مۇشەسى ەتىپ تاعاي­ىن­داۋ تۋرالى قاۋلىلار قا­بىلداندى. ءاليسۇلتان قۇلانباي.