بەلارۋس ەلشىسىن قابىلدادى

كەشە پارلامەنت سەناتىنىڭ توراعاسى قاسىم-جو­مارت توقاەۆ بەلارۋس رەسپۋبليكا­سىنىڭ قازاق­ستان­دا­عى توتەنشە جانە وكىلەتتى ەلشىسى ۆالەري برىلەۆتى قا­بىلدادى, دەپ حابارلادى سەناتتىڭ ءباسپاسوز قىزمەتى. ەكىجاقتى قاتىناستاردى ودان ءارى نىعايتۋ ماسەلەلەرى بويىنشا پىكىر الماسۋ بارىسىندا تاراپتار قازاقستان مەن بەلارۋستىڭ ءوزارا ءىس-قيمىلى قارقىندى دامىپ كەلە جاتقانىن اتاپ ءوتتى جانە پارلامەنتارالىق قۇرامداعى بايلانىستاردى ودان ءارى بەلسەندىلەندىرۋدى جاقتايتىندارىن ايتتى. قازاقستان مەن بەلارۋس پارلامەنتشىلەرىنىڭ ەكىجاقتى جانە كوپجاقتى ىنتىماقتاستىعى تابىستى بولعانىن اتاپ وتە كەلىپ, توراعا رەسپۋبليكا كەڭە­سىنىڭ توراعاسى ا.رۋبينوۆ پەن وكىلدەر پالاتاسىنىڭ توراعاسى ۆ.اندرەيچەنكوعا ىزگى تىلەكتەستىگىن جەتكىزدى. «قازاقستان بەلارۋستى بۇرىنعى كەڭەستىك كەڭىس­تىكتەگى نەگىزگى مەملەكەتتەردىڭ ءبىرى رەتىندە قاراس­تى­رادى», دەدى ق.توقاەۆ جانە ول كەدەن وداعى مەن ءبىر­ىڭعاي ەكونوميكالىق كەڭىستىك اياسىنداعى ءوزارا ەكىجاق­تى ءىس-قيمىلدى دامىتۋدىڭ كەلەشەگى زور ەكەنىن اتاپ ءوتتى. ۆ.برىلەۆ ءوز ەلى باسشىلارىنىڭ ىزگى تىلەكتەستىگىن ق.توقاەۆقا جەتكىزە وتىرىپ, ونى بۇۇ-داعى جوعارى لاۋازىمعا تاعايىندالۋىمەن قۇتتىقتادى. ديپلومات اتاپ وتكەندەي, قازاقستان مەن بەلارۋس اراسىندا ورىستەپ كەلە جاتقان ءونىمدى قاتىناستاردى ودان ءارى نىعايتۋدا پارلامەنتارالىق بايلانىستاردىڭ ءرولى اسا ماڭىزدى بولىپ تابىلادى.