جاڭا باسشىنى ۇجىمعا وبلىس اكىمىنىڭ ءبىرىنشى ورىنباسارى ارمان وتەعۇلوۆ تانىستىردى. باقىتجان نارىمبەتوۆ ورال قالاسىندا دۇنيەگە كەلگەن, 30 جاستا. ءبىلىمى جوعارى. 2007 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلوسوفيا جانە ساياساتتانۋ فاكۋلتەتىن بىتىرگەن.
2012 جىلى قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ مەملەكەتتىك ساياساتتىڭ ۇلتتىق مەكتەبىن تامامداعان. ساياساتتانۋ عىلىمدارىنىڭ ماگيسترى.
2007 جىلدان استانا جانە الماتى قالالارىندا ۇكىمەتتىك ەمەس ۇيىمداردا جەتەكشىلىك قىزمەتتەر اتقارعان.
2013-2014 جىلدارى ورال قالاسى اكىمى اپپاراتىنىڭ باس ينسپەكتورى, اقپاراتتىق-تالداۋ جۇمىستارى ءبولىمىنىڭ باسشىسى, 2014 جىلدىڭ قاراشاسىنان 2016 جىلدىڭ ساۋىرىنە دەيىن ورال قالالىق ىشكى ساياسات ءبولىمىنىڭ باسشىسى بولدى. كەيىن باتىس قازاقستان وبلىسى اكىمى اپپاراتىنىڭ ستراتەگيالىق دامۋ ءبولىمىنىڭ باسشىسى لاۋازىمىندا جۇمىس ىستەدى.
سوڭعى تاعايىنداۋعا دەيىن باتىس قازاقستان وبلىسى اكىمى اپپاراتى باسشىسىنىڭ ورىنباسارى مىندەتىن اتقاردى. ۇيلەنگەن, ءبىر ۇلى بار.
