يوردانيا كورولى ەكسپو كورمەسىنە كەلەدى

بۇگىن «استانا ەكسپو-2017» ۇلتتىق كومپانياسىنىڭ باسقارما باسشىسى احمەتجان ەسىموۆ ەكسپو-2017 كورمەسىندەگى يوردانيانىڭ ۇلتتىق سەكتسياسىنىڭ كوميسسارى مۇحاللاد ءال وماري جانە يوردانيانىڭ قر توتەنشە جانە وكىلەتتى ەلشىسى احمەد يدريس ينابپەن كەزدەستى, دەپ حابارلايدى كومپانيانىڭ ءباسپاسوز قىزمەتى. باسقوسۋ بارىسىندا ەكى جاق ەكسپو-2017 كورمەسىنە دايىندىق ماسەلەلەرىن تالقىلادى. احمەتجان ەسىموۆ قازىرگى تاڭدا حالىقارالىق قاتىسۋشىلارعا پاۆيلونداردى تاپسىرۋ جۇمىستارىنىڭ قارقىندى جۇرگىزىلىپ جاتقاندىعىن اتاپ ءوتتى. بۇگىندە 10 مەملەكەت ءوز پاۆيلوندارىن الىپ, تاقىرىپقا سايكەس مازمۇندىق تولتىرۋ جۇمىستارىنا كىرىستى.  ءوز كەزەگىندە مۇحاللاد ءال وماري يوردانيا حاشيميتتىك كورولدىگىنە ۇسىنىلعان پاۆيلون جانە استانادا وتكىزىلەتىن كورمەدە بالامالى ەنەرگيا كوزدەرى بويىنشا ءوز ۇسىنىمدارىن كورسەتۋگە بەرىلگەن مۇمكىندىك ءۇشىن العىسىن ءبىلدىردى. «بۇگىن ءبىز يوردانيا پاۆيلونىن كورىپ شىقتىق, كورمە ۇيىمداستىرۋشىلارىنىڭ اتقارعان اۋقىمدى جۇمىسى كورىنىپ تۇر. ءبىز جاقىن ارادا پاۆيلوندى بەزەندىرۋ جۇمىستارىنا كىرىسەتىن بولامىز», - دەدى يوردانيا ۇلتتىق سەكتسياسىنىڭ كوميسسارى. سونداي-اق, قر يوردانيانىڭ ەلشىسى احمەد يدريس ينابتىڭ ايتۋىنشا, ەكسپو-2017 كورمەسى وتكىزىلۋ بارىسىندا قازاقستانعا يوردانيا كورولى كەلىپ, ءوز مەملەكەتىنىڭ ۇلتتىق كۇنىن اتاپ ءوتۋ شاراسىنا قاتىساتىن بولدى.  كەزدەسۋ سوڭىندا كورمەگە قاتىسۋ كەلىسىمشارتى مەن پاۆيلون تاپسىرۋ قۇجاتتارىنا قول قويىلدى. بۇگىنگى تاڭدا ەكسپو-2017 كورمەسىنە 112 مەملەكەت پەن 18 حالىقارالىق ۇيىم قاتىساتىندىعىن راستادى.