"ب" كورپۋسىنداعى مەملەكەتتىك قىزمەتكەرلەر اتتەستاتتاۋدان وتەدى

قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ «ب» كورپۋسىنىڭ مەملەكەتتىك اكىمشىلىك قىزمەتكەرلەردى اتتەستاتتاۋدى وتكىزۋ تۋرالى جارلىققا قول قويدى, دەپ حابارلايدى اقوردانىڭ ءباسپاسوز قىزمەتى. قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ حابارلاۋىنشا, اتتەستاتتاۋ 1 اقپان كۇنى باستالادى. قازىر دايىندىق شارالارى جۇرگىزىلىپ جاتىر. پرەزيدەنت جارلىعىنىڭ ءماتىنى: «قازاقستان رەسپۋبليكاسىنىڭ مەملەكەتتىك قىزمەتى تۋرالى» 2015 جىلعى 23 قاراشاداعى قازاقستان رەسپۋبليكاسى زاڭىنىڭ 63-بابى 1-تارماعىنا سايكەس قاۋلى ەتەمىن: 1. قوسا بەرىلىپ وتىرعان «ب» كورپۋسىنىڭ مەملەكەتتىك اكىمشىلىك قىزمەتشىلەرىن اتتەستاتتاۋدى وتكىزۋ قاعيدالارى بەكىتىلسىن. 2. «ب» كورپۋسى مەملەكەتتىك اكىمشىلىك قىزمەتشىلەرىن اتتەستاتتاۋدى 2017 جىلعى 1 شىلدەگە دەيىن وتكىزىلسىن. 3. قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ورتالىق مەملەكەتتىك جانە جەرگىلىكتى اتقارۋشى ورگاندارمەن بىرلەسىپ, مىنالاردى: 1) «ب» كورپۋسىنىڭ مەملەكەتتىك اكىمشىلىك قىزمەتشىلەرىن اتتەستاتتاۋدى; 2) «ب» كورپۋسىنىڭ مەملەكەتتىك اكىمشىلىك قىزمەتشىلەرىن اتتەستاتتاۋدى وتكىزۋ ءتارتىبى ماسەلەلەرى بويىنشا ءتۇسىندىرۋ جۇمىسىن وتكىزۋدى قامتاماسىز ەتسىن. 4. وسى  جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن. 5. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ     پرەزيدەنتى                                                                 ن.نازارباەۆ