استانادا 200 جىلى ايالداما سالىنادى

2017 جىلى قالا باسشىلىعى قوسىمشا 200 ايالدامانى ورناتۋدى جوسپارلاۋدا. وسى ورايدا اكىمدىك قالا تۇرعىندارىن قوعامدىق م ۇلىككە ۇقىپتى بولۋعا شاقىرىپ وتىر, دەپ حابارلايدى قازاقپارات. «بۇگىندە ءبىز جىلى ايالداملاردى جۋىپ, تازالاپ جۇرەمىز. بىراق قالا تۇرعىندارى شىنىلارىن سىندىرىپ, كۇل-قوقىستى تاستاپ كەتەدى. سوندىقتان بىزگە ورتاق ىسكە دەگەن جاناشىرلىقتى, قوعامدىق م ۇلىكتى ساقتاۋ مادەنيەتىن ءالى دە كوتەرۋ كەرەك», - دەيدى جولاۋشىلار كولىگى باسقارماسى باسشىسىنىڭ مىندەتىن اتقارۋشى بەكمىرزا ەگەنبەرديەۆ. ونىڭ ايتۋىنشا, بۇگىندە جىلى ايالدامالاردا بەينەباقىلاۋ جۇيەسى بار. الايدا ول ىشكى ىستەر ورگاندارىنىڭ ورتاق جەلىسىنە قوسىلماعان. «قازىرگى كەزدە ءبىز ول بەينەكامەرالاردى ىشكى ىستەر دەپارتامەنتىنىڭ ورتاق جۇيەسىنە قوسۋ ماسەلەسىن پىسىقتاپ جاتىرمىز. سوسىن ءوز جەلىمىزگە دە قوسۋىمىز قاجەت. سوندا ۇيالى تەلەفون ارقىلى كەز كەلگەن ايالداماداعى جاعدايدى باقىلاپ وتىرۋعا بولادى. بىرەۋلەر ۆانداليزم جاساسا, بىردەن جاقىن جۇرگەن ءپاترۋلدى شاقىراتىن بولامىز», - دەپ اتاپ كورسەتتى يگەمبەرديەۆ. ايتا كەتەيىك, بۇگىندە قالا بويىنشا 27 جىلى ايالداما بار. بيىل 200 قوسىمشا ايالدامانىڭ باسىم بولىگىن جەكە مەنشىك قارجىعا ورناتۋ جوسپارلانعان. «ماسەلەن, ايالدامانىڭ 55-ءسى بيۋدجەتتىڭ قارجىسىنا سالىنسا, قالعانىنا جەكە مەنشىك سالانىڭ قارجىسى تارتىلادى», - دەدى يگەمبەرديەۆ.