«قايرات» ويىنشىسى ماسكەۋلىك تسسكا-عا اۋىسۋى مۇمكىن

«قايرات» فۋتبول كومانداسىنىڭ شابۋىلشىسى جەرار گوۋعا رەسەيلىك تسسكا كلۋبى قىزىعۋشىلىق تانىتقان. بۇل تۋرالى رەسەيلىك كلۋب وكىلدەرى ءوز پىكىرلەرىن ءبىلدىردى, دەپ حابارلادى vesti.kz. بۇعان دەيىن يۆۋار فۋتبولشىسى تسسكا-نىڭ نازارىنا ىلىككەنى جايلى اقپاراتتى العاش رەت life.ru پورتالى جاريالاعان. مالىمەتتەرگە سايكەس, سوڭعى ەكى جىلدا جەراردىڭ ويىندارىنا باسا ءمان بەرىپ كەلگەن. «نەگىزى, ءبىز سىبىستار جايلى پىكىر ايتپايمىز. ال مۇنداي اقپاراتتى العاش رەت ەستىپ تۇرمىن», – دەدى ماسكەۋلىك كلۋبتىڭ سەلەكتسيالىق قىزمەتىنىڭ جەتەكشىسى ولەگ ياروۆينسكي. سونىمەن قاتار, جەرار گوۋعا فرانتسيانىڭ «وليمپيك» ۇجىمى دا كوز تىككەن بولاتىن. يۆۋار ويىنشىسى مەن «قايرات» اراسىنداعى كەلىسىمشارت مەرزىمى 2017 جىلدىڭ جەلتوقسان ايىندا اياقتالادى. سوڭعى ەكى ماۋسىمدا ول قازاقستان پرەمەر-ليگاسىندا 22 گولدان سوعىپ, بومباردير اتانعان. ايتا كەتەيىك, 27 جاستاعى فۋتبولشى رەسەيدىڭ «كراسنودار», تۇركيانىڭ «كايسەري ەردجيەسسپور», «دەنيزليسپور», شۆەيتساريانىڭ «كساماكس» ماروككانىڭ «حاسساني اگادير», سونداي-اق «ابيدجان جك» كوماندالارىندا ونەر كورسەتكەن.