بيرجادان اقشا تاباتىن قازاقستاندىقتار سانى ارتۋدا

KASE قازاقستاندىق قور بيرجاسى قارجى نارىعىندا جەكە ينۆەستورلاردىڭ سانى ارتقاندىعىن تىركەپ وتىر, دەپ xابارلايدى قازاقپارات. 2016 جىلعى قاراشا ايىنىڭ سوڭىنداعى مالىمەتتەر بويىنشا, «باعالى قاعازدار ورتالىق دەپوزيتاريى» اكتسيونەرلىك قوعامىندا جەكە تۇلعالار اتىنان اشىلعان 104 860  ەسەپشوت تىركەلگەن. بۇل 2016 جىلدىڭ باسىنداعى كورسەتكىشتەن 3348 ەسەپشوتقا كوپ. KASE الاڭىندا اكتسيا ساۋداسىندا جەكە تۇلعالاردىڭ ەڭ كوپ تارتىلعان كەزى 2016 جىلدىڭ شىلدە ايىندا تىركەلگەن (2271). وسى ايدا اكتسيا ساۋداسىنىڭ ەڭ كوپ برۋتتو-اينالىمىنىڭ ۇلەسى ورىن العان (62%). قاراشا ايىندا بيرجادا اكتسيا ساۋداسىنا قاتىسقان ەسەپشوتتاردىڭ سانى 1 562 بولدى. قاراشا ايىندا KASE-دە اكتسيا ساۋداسىنىڭ جالپى برۋتتو-اينالىمى بىلتىرعى جىلدىڭ باستاپقى ايلارىمەن سالىستىرعاندا 323%-عا ۇلعايدى جانە 5,5 ملرد تەڭگەنى قۇرادى», - دەلىنگەن KASE-ءنىڭ رەسمي مالىمدەمەسىندە. جالپى سوڭعى جىلداردى الاتىن بولساق, جەكە ينۆەستورلاردىڭ ەڭ ءىرى بەلسەندىلىگى حالىقتىق IPO باعدارلاماسىنىڭ ءبىرىنشى جانە ەكىنشى كەزەڭدەرىندە تىركەلگەن. ەسكە سالساق, ونىڭ اياسىندا «قازترانسويل» جانە «KEGOC» كومپانيالارىنىڭ IPO-لارى وتكەن بولاتىن. وسى قالىپتاسقان جەكە ينۆەستورلاردىڭ پۋلى كەيىن «كسەلل», «باست» جانە «اقتوبە مۇناي جابدىقتارى زاۋىتى» كومپانيالارى IPO-سىنىڭ ءساتتى وتۋىنە ىقپال ەتتى. «KASE يندەكسىنىڭ 2016 جىلعى وڭ ديناميكاسىنا بايلانىستى, وتاندىق قور نارىعىندا جەكە ينۆەستورلاردىڭ سانى ارتتى. مۇنداي قارقىن دەۆالۆاتسيالىق بولجامداردىڭ تومەندەۋى, سونىمەن قاتار مۇناي جانە مىس باعالارىنىڭ ءوسۋى سەبەپتەرىمەن تۇسىندىرىلەدى», - دەلىنگەن xابارلامادا.