اقتاۋدا ۇزاق جىلدار بويى سالىنعان ءۇي پايدالانۋعا بەرىلدى

اقتاۋ تۇرعىندارىنا 10 جىل سالىنعان تۇرعىن ءۇيدىڭ 15 پاتەرىنىڭ كىلتى تابىستالدى, دەپ جازادى lada.kz. ايتا كەتەيىك, 12 شاعىن اۋدانداعى 36 ءۇيدىڭ ۇلەسكەرلەرى قۇرىلىستىڭ اياقتالۋىن 2006 جىلدان بەرى كۇتىپ كەلدى. بۇل ءۇي قۇرىلىسىنىڭ ۇزاققا سوزىلۋى كومپانيانىڭ سوتقا تارتىلۋ سالدارىنان بولعان ەدى. ول ۇلەسكەرلەر قۇيعان 250 ميلليون تەڭگەنىڭ 110 ميلليونىن عانا قۇرىلىسقا جۇمساعان. بۇل ماسەلەنى شەشۋ ءۇشىن مەملەكەت 200 ميلليون تەڭگە قايتارىلۋى ءتيىس قارجى ءبولىپ, جاڭا مەردىگەر تاعايىندادى. وسى ون جىل ىشىندە ۇلەسكەر انارا باتىحوۆانىڭ وتباسىندا ءۇش بالا دۇنيەگە كەلدى. ونىڭ وتباسى دا قونىس تويىن تويلاۋشىلار قاتارىنا ىلىكتى. «15 پاتەردىڭ كىلتىن تابىستادى, بۇل ازىرگە تەك ءبىر عانا كىرەبەرىستىكى. جۋىق ارادا قالعان وتباسىلارعا دا كىلتتەرى بەرىلەدى. تۇرعىن ءۇي يەلەرىنىڭ بارلىعىنىڭ اتىنان وبلىس اكىمىنە كومەك قولىن سوزعانى ءۇشىن العىس ايتامىن», - دەدى ءۇيدىڭ تۇرعىنى انارا باتىحوۆا. سونداي-اق, جەرگىلىكتى بيلىك تۇرعىن ۇيدە ءليفتتىنىڭ بولماۋى سەبەپتى باسقا كىرەبەرىستەگى تۇرعىندارعا قونىستانۋعا رۇقسات بەرمەي وتىر. ويتكەنى, ليفت قۇدىعىنا ادامدار قۇلاپ كەتۋى مۇمكىن. ال, اقتاۋ اكىمىنىڭ ورىنباسارى نۇرلىباي اققۇلوۆ قاڭتار ايىنىڭ ورتاسىنا دەيىن ليفت ورناتۋعا ۋادە بەردى.