تۇرىك كاسىپكەرلەر وڭتۇستىك قازاقستاندا قوناق ءۇي بيزنەسىنە قارجى قۇيماقشى

وڭتۇستىك قازاقستان وبلىسىنىڭ اكىمى جانسەيىت تۇيمەباەۆ جەرگiلiكتi جانە تۇركيا رەسپۋبليكاسىنىڭ ءبىر توپ كاسىپكەرلەرىمەن كەزدەسۋ وتكىزدى, دەپ جازادى abctv.kz. اتاپ ايتقاندا,  «Kassanov» كومپانيالار توبىنىڭ قازاقستاندىق ەنشىلەس كاسىپورىندارى «KA Global Construction» جشس, «تۋر-حان» جشس جانە «كازسيسوفت» جشس-نىڭ جەتەكشىلىك قۇرامىمەن اڭگىمەدۇكەن قۇرعان ءوڭىر باسشىسى ايماقتى دامىتۋدىڭ ءتۇرلى جوبالارى مەن جوسپارلارىن تالقىلادى. ينۆەستورلاردى «Kassanov» كومپانياسىنىڭ قۇرىلتايشىسى زياتدين كاسانوۆ باستاپ كەلدى. قوس تاراپتى كەزدەسۋ بارىسىندا, ءوڭىردىڭ ينۆەستيتسيالىق مۇمكىندىكتەرى تۋرالى ءسوز قوزعالىپ, جانسەيىت قانسەيىت ۇلى ايماقتىڭ جەتىستىكتەرىمەن قاتار, مۇمكىندىكتەرىن دە تىزبەكتەپ ءوتتى, دەپ ءمالىم ەتتى وبلىس اكىمدىگىنىڭ ءباسپاسوز قىزمەتى. «وڭتۇستىكتە اۋىل شارۋاشىلىعى, تۋريزم, كوممۋنالدى شارۋاشىلىق, كاسىپكەرلىك, دەنساۋلىق ساقتاۋ, اۆتوموبيل جولدارىنىڭ قۇرىلىسى سىندى سالالاردا بىرلەسكەن جۇمىس ىستەپ, قارجى سالۋعا نيەتتىمىز. ەنشىلەس كومپانيالارىمىز كۇنگەيدە بىرنەشە باعىتتا جۇمىس ىستەپ, ءوڭىردىڭ وركەندەۋىنە اتسالىسقىسى كەلەدى», – دەدى زياتدين كاسانوۆ. ماسەلەن, جيىندا «تۋر-حان» جانە «KA Global Construction» جشس-لارىنىڭ جەتەكشىسى وكان ەشيلگەز سارىاعاش, شاردارا اۋداندارى مەن تۇركىستان قالاسىندا قوناق ءۇي قۇرىلىسىن جۇرگىزۋگە ق ۇلىقتى ەكەنىن ايتىپ, سارىاعاشتا ەمدىك-ساۋىقتىرۋ كەشەنىن سالۋدى كوزدەپ وتىرعانىن جەتكىزدى. سونىمەن قاتار, ول «باتىس ەۋروپا-باتىس قىتاي» ءاۆتودالىزىنىڭ بويىنان سەرۆيستىك قىزمەت كورسەتۋ نىساندارىن, اۋىل شارۋاشىلىعى ءۇشىن ورگانيكالىق تىڭايتقىشتار ءوندىرۋ زاۋىتىن, جىلىجاي كەشەنىن سالۋعا دايىن ەكەنىن مالىمدەدى. كومپانيانىڭ بۇگىنگى كۇنگە دەيىن الماتى مەن استانا قالالارىندا بىرقاتار جوبالار بويىنشا جەمىستى جۇمىس ىستەپ كەلە جاتقانىن ايتقان كاسىپكەر سۋ كوزدەرىن اشۋ جانە ونى تازالاۋ قىزمەتىن ۇسىنىپ, سول ارقىلى سۋ تاپشىلىعىن ازايتۋ جوباسى مەن شىمكەنتتە قوعامدىق كولىكتەرگە ارنالعان ايالدامالاردى سالۋ ۇسىنىسىن پاش ەتتى. ال «كازسيسوفت» جشس-نىڭ باس ديرەكتورى باتىربەك ءابدىلدين اكىمگە دەنساۋلىق ساقتاۋ سالاسىنداعى تىڭ جوبالارىن جەتكىزدى. دارىگەردىڭ ناۋقاستىڭ جاعدايىن قاشىقتىقتان باقىلاپ وتىرۋعا مۇمكىندىك بەرەتىن قوسىمشا جاڭا قىزمەتىن ەمدەۋ-پروفيلاكتيكالىق شارالارىنا ەنگىزۋگە بولاتىنىن جەتكىزگەن بيزنەسمەن اتالعان جوبانىڭ استانا قالاسىنداعى قالالىق كلينيكالاردا ءساتتى جۇزەگە اسىرىلىپ جاتقانىن ايتتى. تۇرىك كاسىپكەرلەرىنىڭ وسىناۋ تىڭ جوبالارىن وڭدى قابىلداعان جانسەيىت قانسەيىت ۇلى بارلىق ۇسىنىستار بويىنشا ينفراقۇرىلىمدىق جەرلەردىڭ بەرىلىپ, اكىمدىك تاراپىنان ءتيىستى قولداۋلاردىڭ ۇيىمتاستىرىلاتىنىن حابارلادى. «جوبالاردىڭ بارلىعى كوڭىلگە قونىمدى. ەندى, تەك ىسكە كىرىسۋ عانا قالدى. ول ءۇشىن اكىمدىك جاعىنان جەر ءبولۋ, ينفراقۇرىلىمىن رەتتەۋ, سالىقتان بوساتۋ سىندى جاعدايلار قاراستىرىلاتىن بولادى. مىسالى, جىلىجاي كەشەنىن دامىتۋ بويىنشا, ازىرگە, 100 گەكتار جەردى جالعا الۋعا بولادى. جۇمىستار ءوز دەڭگەيىندە جۇرگىزىلىپ جاتسا, ونىڭ كولەمىن ۇلعايتۋ جاعىن قاراستىرامىز», – وبلىس اكىمى جانسەيىت تۇيمەباەۆ. ينۆەستورلار ۇسىنىسقا قىزىعۋشىلىق تانىتىپ, قارجى سالۋعا ىنتا تانىتىپ وتىر.