شاحاندىقتارعا قولۇشىن سوزدى

قاراعاندى وبلىسىنداعى شاحان پوسەلكەسىندە ورىن العان اپات بۇكىل قاز­اق­­ستاندىقتاردىڭ قا­بىر­عا­سىن­ قايىستىردى. قارا جامىلعان وتانداستارعا قولۇشىن بەرۋدى قوستانايلىق مەملەكەتتىك قىزمەتكەرلەر پارىز دەپ ءبىلىپتى. شاحاندىقتارعا كومەك ءۇشىن ۇيىمداستىرىلعان اكتسياعا جەرگىلىكتى اتقارۋ ور­گاندارىنىڭ – بارلىق دەڭ­گەيدەگى اكىمدىك, وبلىستىق باس­قارمالار مەن  ۆەدومستۆولىق مە­كەمەلەر قىزمەتكەرلەرى بەل­­­سەندى اتسالىستى. ءسويتىپ, «شاح­تينسك قالاسىنداعى شاحان پو­سەلكەسىندە قالىپتاسقان ءتو­تەن­­شە جاعدايدان زارداپ شەككەن­دەرگە كومەك قورى» قورىنا 11 ميلليون تەڭگە اۋدارىلدى. زاردابى اۋىر مۇنداي وقي­عا­لاردىڭ ساباعى بولۋى كەرەك. سول ءۇشىن دە وبلىس اكىمى ارحيمەد مۇحامبەتوۆ وڭىردەگى بارلىق جىلۋ كوزدەرىنە مۇقيات تەكسەرۋ جۇرگىزۋدى تاپسىردى. – كۇزدە جىلۋ بەرەر الدىندا جىلۋ قازاندىقتارىنىڭ بار­لى­عى دا تەكسەرىستەن وتكىزىل­گەن, بىراق  تۇرعىندار قاۋىپسىزدىگى ءۇشىن  قوسىمشا شارالار جۇرگىزىپ وتىر­عاننىڭ ارتىقتىعى جوق, – دەدى ا.مۇحامبەتوۆ. ەنەرگەتيكا جانە  تۇرعىن ءۇي-كوممۋنالدىق شارۋاشىلى­عى باس­قارماسى ماماندارىنىڭ ايتۋ­ىنشا, جاقىن كۇندەرى وب­لىستاعى جىلۋ جەلىلەرىنە, تۇر­عىن ۇيلەردەگى, الەۋمەت­تىك نى­­ساندارداعى قازاندىقتارعا ءجۇر­گىزىلگەن تەكسەرىستەر اياقتالادى. باي­قالعان كەم-كەتىكتەر ءجون­دەل­مەك. ءنازيرا جارىمبەتوۆا, «ەگەمەن قازاقستان» قوستاناي