بىلىكتى ۇستاز تۇلعانى قالىپتاستىرادى

قازىرگى تاڭدا قازاقستاندىق ءبىلىم بەرۋ جۇيەسىنىڭ الەمدىك ءبىلىم بەرۋ كەڭىستىگىنە ەنۋى اياسىندا پەداگوگتىڭ جەكە تۇلعا رەتىندەگى بەينەسى, ونىڭ كاسىبي بىلىكتىلىگى ايرىقشا مانگە يە بولۋدا. وقۋ ورنىنداعى پەداگوگ ءبىلىم بەرۋ ءۇردىسىن جاڭارتۋداعى باستى تۇلعا. بۇگىنگى ءومىر تالابىنا لايىق ءبىلىم بەرۋ جۇيەسىن قارقىندى جاڭعىرتۋ ءۇردىسى باعىتىنداعى يگى ىستەر ەل دامۋىنىڭ ستراتەگيالىق مىندەتتەرىمەن, «ماڭگىلىك ەل» يدەياسىمەن ۇشتاسىپ جاتقانى ايقىن. «ءححى عاسىردا ءبىلىمىن دامىتا الماعان ەلدىڭ تى­عى­راققا تىرەلەرى انىق», دەگەن ويدى ەل پرەزيدەنتى بەكەر ايتپاسا كەرەك. سول سەبەپتەن, ءبىلىم بەرۋدى جانە عىلىمدى دامىتۋدىڭ 2016-2019 جىلدارعا ار­نال­عان مەم­­لەكەتتىك باع­دار­لا­ما­سىن­­داعى مىندەتتەردى ىسكە اسى­­رۋ ماقساتىندا «ورلەۋ» باۇو» اكتسيونەرلىك قوعامىنىڭ نەگىزگى سترا­تەگيالىق باعىتتارىنىڭ ءبىرى – پەداگوگ  قىزمەتكەرلەردىڭ بىلىكتىلىگىن ارتتى­رۋدىڭ مازمۇنىن الەمدىك جانە وتاندىق تاجىريبە نەگى­زىن­دە جاڭارتۋ جۇمىستارىن ات­قارىپ, وڭتايلى مازمۇندى ءىس­تەردى جۇزەگە اسىرۋ.  ينستيتۋت ۇجىمى «تۇلعا قا­لىپتاستىرۋدا ۇلتتىق قۇندىلىقتار نە­گىزىندە ءبىلىم مەن تاربيە بەرۋدىڭ پە­­داگوگيكالىق-پسيحولوگيالىق اس­پەك­تى­لە­رىن نەگىزگە الا وتىرىپ, كاسىبي داع­­دى مەن پەداگوگيكالىق دارىنى قا­لىپ­تاس­قان, شىعارماشىلىقپەن جۇمىس جا­­ساي­تىن جاڭا فورماتسيا مۇعالىمىن قا­لىپ­­تاستىرۋ» شىعارماشىلىق  تا­قى­رى­بىمەن قىزمەت جاسايدى. اتىراۋ وبلىسى فيليالىنىڭ قىزمەتكەرلەرى  وبلىس پەداگوگتارىمەن ىنتىماقتاسا جۇمىس جۇرگىزۋدە. ورتالىق قۇرىلعانعا دەيىن بىلىك­تى­لىكتى ارتتىرۋ ينستيتۋتىندا, كۋرس ارا­لى­عىندا پەداگوگتاردىڭ ءىس-ارەكەتىن با­عا­لاۋعا ارنالعان كەرى بايلانىس بولمادى. قازىر وقىتۋشى مەن تىڭداۋشىلار ءىس-ارەكەتىنە جاڭاشا تالداۋلار جاسا­لۋ­­دا. ينستيتۋتتا زاماناۋي ءبىلىم بە­رۋ, ءبى­لىم مازمۇنىن جاڭارتۋ تالابى­نا با­­­عىتتالعان جاڭا كافەدرالىق جۇيە, عى­­­لى­مي-ادىستەمەلىك الەۋەتىن جەتىل­دى­رۋ, پە­داگوگتار بىلىكتىلىگىن ارتتىرۋ ءىسى قار­قىن الۋدا. وقىتۋشىلاردىڭ جا­ڭا فورماتتاعى دارىستەرىمەن قا­تار,  تىڭداۋشىلارمەن كۋرس كەزىندە جانە كۋرس­تان­ كەيىنگى مەرزىمدەردە كۋرس تيىمدىلىگىنىڭ ساپاسىن باعالاۋ بويىن­شا­ كەرى باي­­لانىس ورنادى. قازىرگى ۋا­­­قىت­تا ساپاعا كوڭىل ءبو­لى­نىپ, جا­ڭاشىلدىق با­سىم­دى­عى كۇ­شەيتىلىپ, سونىمەن قاتار, جا­ڭارعان جانە جە­تىل­­دىرىلگەن ءبى­لىم بەرۋ ءمودۋلدى باع­دار­لا­ما­لارمەن جۇمىس جۇرگىزىلەدى. ءازىر­­لەمەلەردىڭ مودۋلدىك ءتا­سىلى كۋرس­تار­دىڭ مازمۇنى جا­ڭا­رۋىنىڭ ءتيىمدى جو­لى بولىپ وتىر. كۋرس باعدارلاماسىنىڭ بارلىق مو­­­د­ۋل­دەرىندە بەلسەندى وقىتۋ ءادىس­تە­­رىن قولدانۋ قاراستىرىلعان. باع­دار­­لا­مالاردا باسىمدىق نەگىزىنەن تىڭ­داۋ­شىلاردى وقىتۋدىڭ پراكتيكالىق ءبو­­لىمىنە بەرىلىپ, اۋديتوريادا وتكىزەتىن ءتا­­جىريبەلىك ساباقتارمەن  قاتار,  ج­ا­ڭا­شىل, تىڭداۋشىلارعا بىرلەسكەن كوش­پە­لى تاجىريبەلىك ساباقتاردى كور­سە­­تەرلىك تاجىريبەسى مەن شىعارماشىل پە­داگوگتارى بار بازالىق جالپى ءبىلىم بە­رەتىن مەكتەپتەر مەن تەحنيكالىق جانە كا­سىپتىك ءبىلىم بەرەتىن وقۋ ورىندارىندا, با­لاباقشالاردا, مەكتەپ-ينتەرناتتاردا ءوت­كىزىلەدى. قىسقا مەرزىمدى كۋرس باع­دار­لا­­ما­لا­رى مازمۇنىن جاڭارتۋدا  كەم­بري­دج­­ ۋنيۆەرسيتەتىنىڭ دەڭ­گەي­لىك باع­دار­­لا­مالارىنداعى تۇ­جى­رىم­دا­ما­لىق يدەيا­­لار جانە يننوۆاتسيالىق ءتاسىل­دەر قول­­دا­نى­ل­ادى. تاجىريبە كور­­سەت­كە­نىن­­دەي, قازاقستاندىق وقۋ­شى­لاردىڭ حا­لىق­ارالىق TIMSS, PIZA زەرتتەۋلەرىنە قا­تىسۋداعى ناتيجەلىلىگى ۇستاز­داردىڭ قۇزىرەتتىلىگىنە, پەداگوگتىڭ كاس­ىبي بىلىكتىلىگىنىڭ دامۋىنا تىكەلەي باي­لا­نىس­تى. حالىقارالىق TIMSS, PIZA زەرت­تەۋ­لەرىندە جوعارى كورسەتكىشكە جە­تىپ ءجۇر­گەن سينگاپۋر ەلىنىڭ پەداگوگتارى  ءبى­لىكتىلىگىن ەكى جىلدا ءبىر رەت كوتەرىپ وتى­رادى ەكەن. كۋرستاردىڭ ساپالى وتكىزىلۋى مۇ­عا­لىم­­نىڭ ناتيجەلى قىزمەت اتقارۋىنا اسەر ەتۋ­ىن قاداعالاپ وتىرامىز. مۇنىڭ ءتيىم­­دى­لىگى وقۋشىلاردىڭ فۋنكتسيالىق ساۋاتتىلىعىنىڭ قالىپتاسۋ دەڭگەيىن كو­تەرۋدە پەداگوگتاردىڭ وقىتۋ ءۇردىسى بارىسىندا جاڭا تەحنولوگيالاردى ءتيىمدى پايدالانۋىنان كورىنەدى. مۇعالىم كۇن سايىن وقۋشىلار مەن ستۋدەنتتەردىڭ وي-سا­نا­سىن دامىتادى, ولاردىڭ كوزقاراسى مەن ءدۇ­نيەتانىمىن, ومىرگە, مەملەكەت­كە, قو­عامعا دەگەن قاتىناستارىن قا­لىپ­تاس­تى­رادى. ومىرلىك قاجەتىنە جا­را­تار­لىق ءبىلىم مەن تاربيە العان, ءوز ورنىن تابۋعا قا­بىلەتتى, ەلىنىڭ دامۋى مەن گۇل­دەنۋى ءۇشىن ەڭبەك ەتەتىن, باسەكەگە بەي­ىم, بويىن­دا ۇلتتىق قۇندىلىقتار قا­لىپ­تاس­قان وسكەلەڭ ۇرپاقتى تەك ءوز ءىسىنىڭ ماي­تالمانى اتانعان پەداگوگتار عانا ءتار­بيە­لەي الادى. «ورلەۋ» بىلىكتىلىكتى ارتتىرۋدىڭ ۇلتتىق ورتالىعى» اق جۇزەگە اسىرىپ جاتقان پەداگوگيكالىق قىزمەتكەرلەردىڭ بىلىكتىلىگىن ارتتىرۋدىڭ جاڭا يننو­ۆا­تسيالىق فورماتى كەزەڭ بويىنشا قازاقستان پەداگوگتارىنىڭ ءبىلىم الۋعا دەگەن سۇرانىستارىن قاناعات­تان­دى­رۋعا جانە وزدەرىنىڭ كاسىبي دەڭگەيىن تۇراقتى كوتەرۋىن ءتيىمدى ىنتالاندىرۋعا باعىتتالعان ۇزدىكسىز بىلىكتىلىكتى  ارتتىرۋ جۇيەسىن كۇرۋدى قامتاماسىز ەتەدى. وسى وراي­دا, ەڭ الدىمەن, پەداگوگتاردىڭ يننو­ۆا­تسيا­لىق دايارلىعىن قالىپتاستىرۋ ءۇشىن ءتو­مەندەگى باعىتتاعى جۇمىستارعا قا­­جەتتىلىك باسىم بولىپ وتىر. ولار: ءبى­­لىم بەرۋ سالاسىنا قاتىستى جاڭانى قا­بىلداۋ, عىلىمي-ادىستەمەلىك جۇ­مىس­­تاردى, وزات پەداگوگيكالىق ءتا­جى­­ريبەلەر مەن يننوۆاتسيالىق پە­دا­گو­­گيكالىق-پسيحولوگيالىق ناتيجەلى زەرت­­تەۋلەردى, پەداگوگيكالىق تەحنولو­گيا­لاردى تاجىريبەگە ەنگىزۋ, تەور­يا­لىق ءبىلىمدى تاجىريبەمەن بايلانىس­تى­را ۇشتاستىرۋ,  يننوۆاتسيالىق زەرت­تەۋ­شىلىك ءىس-ارەكەتتەر مەن ىزدەنىستى ەڭ­­بەك­تەردى قولداۋ, پەداگوگتاردىڭ عى­لى­مي شىعارماشىلىعىن جەتىلدىرۋ. ءنا­تيجەسىندە پەداگوگتىڭ بىلىكتىلىك ساپاسى كوتەرىلەدى. مىنە, وسىنداي سيپاتتاعى ءبى­لىكتىلىك ارتتىرۋدىڭ جاڭا جۇيەسى پە­داگوگتاردىڭ مارتەبەسىن, الەۋمەتتىك ما­ڭىزىن, بىلىكتىلىگىن ءومىر تالابىنا لايىق ارتتىرۋعا باعىتتالىپ, ىزدەنىستى ەڭبەك جالعاسا بەرمەك. ماقساتىمىز – وسكەلەڭ ۇرپاقتىڭ سانالى دا تاربيەلى, ومىرگە يكەمدى, فۋنكتسيالىق ساۋاتتى بولۋىن قالىپتاستىراتىن پەداگوگتاردىڭ بىلىكتىلىگىن ارتتىرۋدى جوعارى دەڭگەيدە ۇيىمداستىرۋ. مارجان عالىمجانوۆا, «ورلەۋ» بىلىكتىلىكتى ارتتىرۋ ۇلتتىق ورتالىعى» اق فيليالى اتىراۋ وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى