«موبيلدىك قۇلدىقتان» قۇتىلۋعا بولادى

قاراپ وتىرساق, اياقتالعان جىلدا تەلەكوممۋنيكاتسيا نارى­عىنداعى ەلەۋلى وقيعانىڭ ءبىرى – ۇزاق جىل ۇستاعان ءنومىرىڭدى اۋىس­تىرماي-اق وپەراتور الماستىرۋ بولدى. دەمەك, ءنومىر قالادى, ال «موبيلدىك قۇلدىقتان» قۇتىلۋعا بولادى. ۇيالى بايلانىس سالاسى­نا مۇنداي قىزمەتتىڭ ەنگىزىلۋى نارىق­تاعى باسەكەنى كۇشەيتىپ, بار­لىق موبيلدىك وپەراتورلاردى ابونەنتتەرىنە ءتيىمدى تاريفتەر ۇسىنۋعا ماجبۇرلەدى. ال ەندى وسىنىڭ ناقتى ءناتي­جەسى قانداي بولدى دەسەك, 2016 جىلى 200 مىڭنان استام قازاق­ستان­دىق «ءموبيلدى قۇلدىقتان» قۇتى­لعان. ياعني, وتكەن جىلعى 1 قاڭ­­تار­دان باستاپ 31 جەلتوقسانعا دە­يىن MobileNumberPortability (وپە­را­­ت­ور­لاردىڭ اراسىندا ءنومىر­لەردى كوشىرۋ) قىزمەتى قولجەتىمدى بول­عاننان كەيىن, 203 719 ابونەنت وسى قىزمەتتى پايدالانعان. «كوشىرىلگەن نومىرلەردىڭ ورتالىق دەرەك قورى» متق رەس­پۋب­­ليكالىق مەملەكەتتىك كاسىپ­ورنى­نان الىنعان مالىمەتتەر بويىنشا, 2016 جىلى MNP وتۋلەرى بويىنشا ابونەنتتەردىڭ تازا كەلۋى Tele2 وپەراتورىندا انىق بايقالادى. بۇل بايلانىسقا كوشكەن ابونەنتتەر سانى – 37 015. ال اltel-گە كەلگەنى 2 551 ابونەنت. وسى ارالىقتا Beeline كومپانياسىنان 5 997 ابو­نەنت, Kcell وپەراتورىنان Activ ساۋدا بەلگىسىن قوسا العاندا 62 227 ادام كەتكەن. سول سياقتى شامامەن 28 مىڭ ابونەنت ءوزىنىڭ بۇرىن­عى وپە­راتورىنا ورالۋدى قوش كورىپتى. ءوسۋ ستاتيستيكاسىنا سايكەس, نارىق­تا باعالارى اسا تومەن جانە 4G ينتەرنەتىمەن جاقسىراق قام­تىلعان وپەراتورلار ۇلكەن سۇرا­نىسقا يە بولعانىن ايتا كەتۋگە بولادى. ايناش ەسالي, «ەگەمەن قازاقستان» الماتى