اقوردا, بايتەرەك, ەكسپو...

قار قالاشىعىندا ەلورداعا تاپ بولعانداي اسەرگە بولەنەسىز تاۋىق جىلىندا ايىرتاۋلىق بۇلدىرشىندەر ەرەكشە قۋانىشقا بولەندى. ورتالىق الاڭدا كوم­پوزيتسيالىق قۇرىلىمى ەرەكشە كوز تارتاتىن قار قالاشىعى پاي­­دا بولىپ, ونىڭ بوي كوتەرۋى­نە قىرىققا جۋىق مەكەمە-كاسىپ­ورىن اتسالىستى. بۇگىنگى كۇنى ەل سيمۆولىنا اينالعان استانانى جەرگىلىك­تى جەردە «تۇرعىزۋ» ءجونىن­­دەگى اۋدان­دىق اكىمدىكتىڭ يدەيا­سىن جاستار, مەكتەپ وقۋ­شى­لارى سەكىلدى ەرىك­تىلەر دە قول­داپ, كومەكتەرىن بەردى. ءسوي­تىپ, جۇرتشىلىق دەمالىپ, سەرۋەندەيتىن جەردە كوز جاۋىن الاتىن 20-دان استام نى­سان ورناتىلدى. ولاردىڭ ىشىنەن ۇزىندىعى ءۇش مەترگە دەيىن جەتەتىن اقوردا ەرەكشە كورىنەدى. سول سياقتى بايتەرەك, بەيبىتشىلىك سارايى, التىن ادام مۇسىندەرى دە اينىتپاي سالى­نىپ, حاس شەبەرلەردىڭ قولى­نان شىققانىن ايعاقتايدى. ەكسپو-2017 حالىقارالىق كور­مەسى, قاراساي جانە اعىنتاي باتىر­لاردىڭ مەموريالدىق كەسەنەسى دە بەينەلەنگەن. قار قالاشىعىنان جىلدىڭ باستى نىشانى – تاۋىقتى, اياز اتا مەن اقشاقاردى, سونداي-اق, ەرتەگىلەر كەيىپكەرلەرىن دە كەزدەستىرۋگە بولادى. وسىلايشا, بيلىك ور­­نىن­­­­­­­دا­­عىلار وسكەلەڭ ۇر­پاق بو­يى­نا ەلور­­دامىز جاي­لى تانىم­دىق ما­ع­­لۇمات بەرۋ­دىڭ جانە دە بوي­­لارىن­دا وتانشىل­دىق سەزى­مىن نى­عاي­تۋ­دىڭ وزگەشە ءتاسىلىن ويلاپ تاپقان. ءومىر ەسقالي, «ەگەمەن قازاقستان» سولتۇستىك قازاقستان وبلىسى, ايىرتاۋ اۋدانى