ءسان ءۇيىن اشقان قازاق جىگىتى

وتكەن جىلى «رەسەيدىڭ ەڭ ۇزدىك جاس شىعارماشىلىق قايراتكەرى» اتانعان ومبىلىق ديزاينەر ەرمەك حاپيزوۆ ومبىدا ءوز اتىمەن اتالاتىن «KHAPIZOV ERMEK» ءسان ءۇيىن اشتى. وسىلايشا ول رەسەي قازاقتارىنىڭ ىشىندە ءبىرىنشى بولىپ ءسان ءۇيىن دۇنيەگە اكەلىپ وتىر. ومبى قالاسىندا اعاش ۇس­تاسى­نىڭ وتباسىندا دۇنيەگە كەل­­گەن ەرمەك ەلۋباي ۇلى مەكتەپ قابىر­عاسىندا ءجۇرىپ-اق ديزاين جانە ءسان ونەرىنىڭ الىپپەسىن مەڭگەرە باستايدى. العاشىن­­دا سپورتپەن اۋەس­تەنگەن جىگىت 14 جاسىندا «فيتو­ديزاين» ءسان ستۋديا­سىنا جازىلادى. ونەردىڭ بولەك ءبىر سالاسى­نا بەت بۇرعان بالانىڭ قىزىعۋ­شىلىعىن بايقاعان اتا-اناسى وعان «زينگەر» تىگىن ماشيناسىن سا­­تىپ اپەرەدى. ەرمەك وسىدان كە­يىن قيالىنداعى كيىم ۇلگىلەرىن جو­­با­­ل­اپ, ءپىشىپ, تىگە باستاسا كەرەك. ىسمەر تالانت ودان كەيىن جەكە توپتامالارىن جاساۋ بارىسىن­دا ەلەكترمەحانيكالىق تىگىن ما­شيناعا دا قول جەتكىزەدى.  9-سى­نىپ­تا وقىپ جۇرگەندە ءۇش ءبىر­دەي حالىقارالىق فەستيۆالدا باق سىنايدى. سونىڭ ءبىرىنشىسى – ءماس­كەۋدەگى «ەتنو-ەراتو» باي­قاۋى. وعان ۇلتتىق ناقىشتاعى جەكە توپتاماسىمەن قاتىسىپ, ۇكى­مەت ءۇيىنىڭ ۇلكەن زالىندا بول­عان اق­تىق سىنعا جولداما ال­عان ۇزدىك ون­دىق­تىڭ قاتارىنان تابىلادى. 10-سىنىپتان باستاپ  كيىم ديزاينى ماماندىعى بويىنشا ومبى مەملەكەتتىك سەرۆيس ينس­تي­تۋتىنا ءتۇسۋ ءۇشىن ازىرلىككە كىرىس­كەن ول, 11-سىنىپتا تابىس تابۋ ءۇشىن ايەلدەرگە ار­نال­عان «ءسىبىر اتلانتيداسى», ەرلەرگە ارنالعان «جاڭا ءداۋىر» دەپ اتالاتىن كوممەرتسيالىق توپتامالارىن  جاسايدى. ەڭبەگى اقتالىپ ايەلدەرگە ارنالعان كيىمدەرى  تولىقتاي, ال ەرلەرگە ارنالعان توپتاماسىنىڭ تورتتەن ءۇشى تۇتىنۋشىسىن تابادى. بار بولعانى 19 جاسىندا جان­نا فريسكە, مارگاريتا دروبيازكا, انفيسا چەحوۆا, پروحور شاليا­پين, مارينا ورلوۆا, ماريا ارباتوۆا سياقتى ونەر ماي­تال­ماندارىن ءوز كليەنتىنە اينال­دىرعان ەرمەك ەلۋباي ۇلى ديپلومدىق توپتا­ما­سىن ۆياچە­سلاۆ زايتسەۆتىڭ ءسان ءۇيىن­دە كور­سەتىپ, ءساتتى قورعاپ شى­­عا­دى. «ءسان زەرتحاناسىندا» دي­­زاين-جوبالار جەتەكشىسى بو­لىپ, جاس ديزاينەرلەردى وقىت­قان ول بۇگىن­دە ۇستازدىق قىزمەتىن حا­­لىق ونەرى جوعارى مەكتەبىنىڭ وم­بى فيليا­لىن­دا جالعاستىرىپ ءجۇر. قازاق جىگىتى وتكەن جىلى قارا­­شا­­نىڭ اياعىندا ومبى وب­لىس­­­­تىق مەملەكەتتىك «ليبەروۆ-تسەنتر» كوركەمونەر مۋزەيىندە «رۋباي» دەگەن تاقىرىپپەن كەشىن وتكىزدى. ۆ.زايتسەۆ,  م.ار­باتوۆا, م.ورلوۆا, پ.شاليا­پين, م.دروبيازكو, پ.ۆانا­گاس سياق­تى ونەر مايتال­ماندارى شاقى­رىل­عان بۇل كەشتە اۆتور ءوزىنىڭ ايەلدەرگە ارنالعان «رۋباي» اتتى جاڭا توپتاماسىنىڭ كور­سەتىلىمىن جاسادى. ەرلىك ەرجان ۇلى, جۋرناليست  الماتى