وقو-دا 265 ملرد تەڭگە جاريا ەتىلدى

وقو-دا 265 ملرد.تەڭگەنىڭ مۇلكى مەن اقشا جاريا ەتىلدى. بۇل تۋرالى ايماقتىق كوممۋنيكاتسيالار قىزمەتىندە قارجى باسقارماسىنىڭ باسشىسى كەڭەسبەك مەندەباەۆ پەن وقو بويىنشا مەملەكەتتىك كىرىستەر دەپارتامەنتىنىڭ باسقارما باسشىسى ءابدىسالان ساعىمبەكتىڭ قاتىسۋىمەن وتكەن بريفينگتە ءمالىم بولدى, دەپ حابارلادى اكىمدىكتىڭ ءباسپاسوز قىزمەتى. قارجى باسقارماسى باسشىسىنىڭ ايتۋىنشا, جاريا ەتىلگەندەردىڭ ىشىندە قۇنى 108,8 ملرد. تەڭگەنى قۇرايتىن 11711 جىلجىمايتىن نىسان زاڭداستىرىلعان. ونىڭ 43,7 ملرد. تەڭگەسى شىمكەنت قالاسىنا تيەسىلى بولسا, 65,1 ملرد. تەڭگە اۋدان-قالالاردىڭ ۇلەسى. جاريا ەتىلگەندەردىڭ ىشىندە قۇنى 75,2 ملرد. تەڭگەنى قۇرايتىن 10225 تۇرعىن ءۇي, 33,6 ملرد. تەڭگەلىك 1486 كوممەرتسيالىق جانە باسقا دا نىساندار بار. ال قازاقستان رەسپۋبليكاسىنان تىس جەرلەردە ورنالاسقان, جالپى قۇنى 422,3 ملن. تەڭگەنى قۇرايتىن 50 جىلجىمايتىن م ۇلىك, 12 زاڭدى تۇلعالاردىڭ جارعىلىق كاپيتالىنا قاتىسۋ ۇلەسى جانە 3 باعالى قاعازدار بويىنشا قابىلدانعان وتىنىشتەر زاڭداستىرىلدى. سونىمەن قاتار 155,9 ملرد. تەڭگە جاريا ەتىلدى. «2016 جىلدىڭ 30  جەلتوقسانىندا ەلىمىزدەگى م ۇلىكتەر مەن قارجىلاردى جاريا ەتۋ جۇمىستارى اياقتالدى. قورىتىندىسىندا جوعارى كورسەتكىشتەرىمەن بەلسەندىلىك تانىتقان وڭتۇستىك قازاقستان وبلىسى ەلىمىزدە ءتورتىنشى ورىندى يەلەندى», - دەدى كەڭەسبەك نۇسىپقۇل ۇلى. «ەندى ەلىمىزدە زاڭداستىرىلماعان م ۇلىك ءۇشىن ەشقانداي ەسكەرتۋسىز بىردەن 530250 تەڭگە (250 اەك) ايىپپۇل سالىنادى. ال ەگەر بۇل تالاپ ءبىر جىل ىشىندە ورىندالماسا, زاڭسىزدىق جويىلماسا, 500 اەك كولەمىندە ايىپپۇل تولەتىلەدى. مۇلكى مەن قارجىسىن زاڭداستىرىپ ۇلگەرمەگەندەردى وسىنداي جازا كۇتىپ تۇر. ال وسى ءۇش كەزەڭدە بارلىق دۇنيەسىن جاريا ەتكەندەر تۋارلى مالىمەت ەشكىمگە بەرىلمەيدى جانە ولار مەملەكەت تاراپىنان بارلىق جاعىنان قورعالادى», - دەدى ءابدىسالان جورا ۇلى.