Goldman Sachs دوللاردىڭ وسەتىنىن بولجايدى

امەريكالىق Goldman Sachs ينۆەستيتسيالىق بانكىنىڭ ساراپشىلارى اقش فەدەرالدى قورىنىڭ بازالىق ۇستەمەنى كوتەرۋ مۇمكىندىگىمەن بايلانىستىرادى. 2017 جىلى دوللاردىڭ وزىندىك قۇنى ەۋرومەن تەڭەسۋى مۇمكىن, دەپ مالىمدەدى اتالعان بانكتىڭ باس ەكونوميسى يان حاتتسيۋس. بانك ساراپشىلارىنىڭ پىكىرىنشە, اقش فەدەرالدى قورىنىڭ شىلدە, قىركۇيەك, جەلتوقسانداعى جيىنىندا دوللاردىڭ بازالىق ۇستەمەسى كوتەرىلىپ, بۇل ءوز كەزەگىندە دوللاردىڭ وزىندىك قۇنىنىڭ كوتەرىلۋىنە الىپ كەلمەك. ەگەر دوللاردىڭ قۇنى ەۋرومەن تەڭەسەتىن بولسا, وندا ەۋروپالىق بانكتەردەگى دوللاردىڭ ۇلەسى دە كوبەيە تۇسەتىنى تۋرالى جورامال بار. يان حاتتسيۋس سوزىنە سەنسەك, ەۋروپا ورتالىق بانكى 2019 جىلعا دەيىن ەۋرونىڭ بازالىق ۇستەمەسىن كوتەرمەيدى. "مۇندا باستى قوزعاۋشى كۇش پايىزدىق ۇستەمە اراسىنداعى ايىرماشىلىق ەمەس, ۆاليۋتانىڭ وزىندىك قۇنى", - دەيدى ەكونوميست. سونىمەن قاتار, الداعى جازدا بريتانيا ەۋرووداقتان شىعاتىن بولسا, ەۋرونىڭ قۇنى دا ازداپ قۇلدىرايتىنى تۋرالى پىكىر ايتىلۋدا. ەستەرىڭىزگە سالا كەتەيىك, 2016 جىلدىڭ جەلتوقسانىندا وتكەن اقش فەدەرالدى قورىنىڭ وتىرىسىندا دوللاردىڭ بازالىق ۇستەمەسى 0,25−0,5 پايىزدان 0,5−0,75 پايىزعا كوتەرىلىپ, 2017 جىلى تاعى دا ءۇش رەت كوتەرىلەتىنى تۋرالى ءسوز بولعان ەدى. ناتيجەسىندە, بيىل دوللاردىڭ بازالىق ۇستەمەسى ورتاشا ەسەپپەن 1,375 پايىزعا ءوسۋى ىقتيمال.