بەلارۋس پرەزيدەنتى الەكساندر لۋكاشەنكو اقش پەن ەو ەلدەرى باستاعان الەمنىڭ 80 ەلىنىڭ ازاماتتارىنا ەلدە بەس كۇن بويى ۆيزاسىز جۇرۋگە مۇمكىندىك بەرەتىن قاۋلىعا قول قويدى, دەپ حابارلايدى BBC.
"شەتەلدىك ازاماتتاردىڭ كىرىپ-شىعۋىنىڭ ۆيزاسىز ءتارتىبىن قۇرۋ تۋرالى" قاۋلى ءبىر ايدان كەيىن ءوز كۇشىنە ەنەدى, دەپ جازىلعان ەل پرەزيدەنتىنىڭ رەسمي سايتىندا.
اتالعان جەڭىلدىكتى مينسك حالىقارالىق اۋەجايى ارقىلى كىرگەن ازاماتتار قولدانا الادى. ۆيزاسىز ءجۇرۋ مەرزىمى اتالعان ەلدىڭ ازاماتتارى ءۇشىن بەس كۇن.
لۋكاشەنكونىڭ رەسمي سايتىنىڭ جازۋىنشا, اتالعان جاڭالىق ەلگە شەتەلدىك تۋريستەر مەن كاسىپكەرلەردى تارتۋعا سەپتىگىن تيگىزبەك.
حابارلامادا ايتىلعانداي, اتالعان جەڭىلدىك مينسك ارقىلى ماسكەۋگە ۇشاتىندارعا قاتىستى ەمەس. سونىمەن قاتار رەسەيلىك قالالاردان ۇشىپ كەلگەن ازاماتتار قىسقامەرزىمدى ۆيزاسىز رەجيمدى پايدالانا الادى.
