پاۆلوداردا باستى سپورت ارەناسى ساتىلادى

پاۆلودار قالاسىنداعى ورتالىق ستاديون اۋكتسيونعا شىعارىلاتىن بولدى. ساتىپ الۋ قۇقىعىنسىز سەنىمگەرلىك باسقارۋعا بەرۋ بويىنشا بولاتىن ساۋدا باسەكەسى 18 قاڭتار كۇنى وتەدى. ەرتىس جاعاسىنداعى قالا­نىڭ باستى سپورت ارەناسى ساۋداعا سالۋشىلار ءۇشىن كەپىلدىك جارنا 17 921 070 تەڭگەنى قۇرايدى. وسىنداي مازمۇنداعى حابارلاندىرۋ قارجى مينيسترلىگىنىڭ مەملەكەتتىك م ۇلىك جانە جەكە­شەلەندىرۋ كوميتەتىنىڭ مەملەكەتتىك م ۇلىك ءتىزىلىمى سايتىندا پايدا بولدى. اتالمىش جارنامادا تەن­دەرلىك شارتتار تولىق كورسەتىلگەن. وندا بەيىنگە سايكەس قىزمەتتى جۇزەگە اسىرۋ, مۇگەدەكتەرگە تەگىن قىزمەت كورسەتۋ, شتات سانىن ساقتاۋ جانە سپورتتىق كەشەننىڭ شى­عىنسىز دامۋىن قامتاماسىز ەتۋ سەكىلدى تارماقتار بار. ەسكە سالا كەتەيىك, بۇل كەزگە دەيىن قازاقستاننىڭ بىرنەشە دۇركىن چەمپيونى بولىپ ۇلگەرگەن  «ەرتىس» فۋتبول كلۋبىنىڭ الاڭى ىسپەتتەس بۇل ورتالىق ستاديون 1947 جىلى قاتارعا قوسىلعان. ول سوڭعى جىلدارى كوماندانىڭ ەۋروكۋبوكتارعا قاتىسۋىنا وراي بىرنەشە رەت كۇردەلى جوندەۋدەن وتكىزىلگەن. بۇعان قوسا, قالادا «جۇل­دىز» ستاديونى, «شىمىر» جانە «تولقىن» دەنە تاربيەسى-ساۋىقتىرۋ كەشەندەرىنىڭ دە ساتىلىمعا قويىلعانىن ايتا كەتكەنىمىز ءلازىم. داستان كەنجالين, «ەگەمەن قازاقستان»